ފައިގެ ކަށިމަތީގައި ބަނދެގެން ވަގަށް ދިވެހިރާއްޖެއަށް ރަން އެތެރެކުރަން އުޅުނު އިންޑިއާ މީހަކު ޖޫރިމަނާ ކުރުމަށް ކްރިމިނަލް ހުކުމްކޮށްފި އެވެ.
އެ ކޯޓުން ބުދަ ދުވަހު ކުރި ހުކުމުގައި ބުނެފައި ވަނީ ޖޫން، 2022 ގައި ހާރިފް މެލަޑެތު އަބޫބަކުރެ، ދިވެހިރާއްޖެ އައިއިރު އޭނާގެ ފައިގެ ދެ ކަށިމަތީގައި ރަނުގެ މައުދަން އެކުލެވޭ ޕެކެޓުތަކެއް ހަރުކޮށް ވަަގަށް އެތެރެކުރަން މަސައްކަތްކޮށްފައިވާ ކަމަށެވެ.
އޭނާގެ ހަށިގަނޑުން ފެނުނު ތަކެތި ތަހުލީލު ކުރިއިރު 2.7 ކިލޯގެ ރަނަށް ޕޮޒިޓިވްވެފައިވާ ކަމަށް ކޯޓުން ބުނެ އެވެ.
ނަމަވެސް ދައުވާ ލިބޭ ހާރިފް އޭނާގެ މައްޗަށް ކުރި ސިއްރުން މުދާ އެތެރެ ކުރުމުގެ ދައުވާއަށް ވަނީ އިންކާރުކޮށްފަ އެވެ. އޭނާ ބުނީ ރަނަކީ ރާއްޖެ އެތެރެ ކުރުން މަނާ އެއްޗެއްކަން ނޭނގޭ ކަމަށެވެ. އެކަމަކު، ޝަރީއަތުގައި ދައުވާއަށް އިންކާރު ކުރުމުގެ ކުރިން އޭނާ އޮތީ އެއްބަސްވެ، ދައުލަތާއެކު އިއުތިރާފުގެ އެއްބަސްވުމަކަށް ގޮސްފަ އެވެ.
ކޯޓުން ކަނޑައެޅީ ހާރިފުގެ މައްޗަށް ކުށް ސާބިތުވާ ކަމަށެވެ. އަދި ކަނޑައެޅި އަދަބަކީ، އޭނާގެ އިއުތިރާފު އެއްބަސްވުމައި ބުނާ ގޮތަށް 120،000ރ. އިން ޖޫރިމަނާ ކުރުމެވެ. އެ ފައިސާ ހަތަރު ދުވަހުގެ ތެރޭގައި ދައުލަތަށް ދެއްކުމަށް އޭނާގެ މައްޗަށް އަމުރު ކުރި އެވެ.
ކޯޓުން ކަނޑައެޅީ ހާރިފުގެ ހަށިގަނޑުން ފެނުނު ދެ ކިލޯގެ ރަން ކަސްޓަމަށް ނެގުމަށެވެ.
