ރައީސް އޮފީހުގެ ކޮމިއުނިކޭޝަންސް ސެކްރެޓަރީގެ މަގާމަށް، ކުރިން އަންޑަ ސެކްރެޓަރީގެ މަގާމުގައި ހުންނެވި މުހައްމަދު ހިސާން އަލީ ފަހްމީ (ހިސްކޮ) މިއަދު އައްޔަން ކުރައްވައިފި އެވެ.
ރައީސް އޮފީހުގެ ކޮމިއުނިކޭޝަންސް ސެކްރެޓަރީގެ މަގާމުގައި އެންމެ ފަހުން ހުންނެވި ހަސަން އިސްމާއީލް އިސްތިއުފާ ދެއްވުމުން އެ ޒިންމާ ވަގުތީ ގޮތުން ހަވާލުކުރެއްވީ ކޮމިއުނިކޭޝަންސް ސްޓްރެޓެޖިސްޓްގެ މަގާމުގައި ހުންނެވި އިބްރާހިމް ހޫދުއާ އެވެ.
ހޫދު، ރައީސް އޮފީހުގެ ފޮރިން ރިލޭޝަންސްގެ ވެރިޔަކަށް ބަދަލު ކުރެއްވުމާ ގުޅިގެން މިދިޔަ އަހަރުގެ އޯގަސްޓުން ފެށިގެން ކޮމިއުނިކޭޝަންގެ ވަގުތީ ވެރިޔަކަށް ހުންނެވީ، އަންޑަ ސެކްރެޓަރީގެ މަގާމުގައި ހުންނެވި، ސ. ހިތަދޫ، ނަންރީތިގޭ ހިސާން އެވެ.
މެލޭޝިއާގެ ސަންވޭ ކޮލެޖުން އިންޓަނޭޝަނަލް ޓްރޭޑް އެންޑް މާކެޓިން ދާއިރާއިން ފުރަތަމަ ޑިގްރީ ހާސިލް ކުރައްވާފައިވާ ހިސާން، 2019 ގައި ރައީސް އޮފީހާ ގުޅިވަޑައިގަތީ ދިރާގުގެ މާކެޓިން ޑިޕާޓްމެންޓުގެ ވަޒީފާއިން އިސްތިއުފާ ދެއްވުމަށް ފަހު އެވެ.
ކޮމިއުނިކޭޝަން ސެކްރެޓަރީގެ ޒިންމާއަކީ ރައީސް އޮފީހުގެ ކޮމިއުނިކޭޝަނާގުޅޭ އެންމެހައި މަސައްކަތްތައް ބެލެހެއްޓުމާއި، ވިލަރެސް ކުރެއްވުމެވެ،
