މިދިޔަ މަހު އެކަނިވެސް ޑެންގޫ ހުމުގެ 195 ކޭސް ރާއްޖެއިން ފެނިފައިވާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިންް ބުނެފި އެވެ.
އެޗްޕީއޭއިން އާންމުކުރި ތަފާސް ހިސާބުތަކުން ދައްކާ ގޮތުން 2022 ވަނަ އަހަރުފެ ޖެނުއަރީ މަހު ފެނިފައި ވަނީ ޑެންގޫ ހުމުގެ 22 ކޭސް އެވެ.
ނަމަވެސް މިދިޔަ ޑިސެމްބަރު މަހާ އަޅާ ބަލާއިރު މިދިޔަ މަހު ޑެންގޫހުން ޖެހިގެން ޑޮކްޓަރަށް ދެއްކި މީހުންގެ އަދަދު މަދެވެ. ޑިސެމްބަރު މަހު އެކަނި ވެސް 205 ކޭސް ފެނިފައި ވެއެވެ.
އަރިދަފުސް ރޯގާ ޖެހިގެން ޑޮކްޓަރަށް ދެއްކި މީހުންގެ ތަފާސް ހިސާބަށް ބަލާއިރު، މިދިޔަ ޖެނުއަރީ މަހު އެކަނި 29،307 ކޭސް ފެނިފައި ވެއެވެ. ޑިސެމްބަރު މަހު 31،334 މީހުން އަރިދަފުސް ރޯގާ ޖެހިގެން ޑޮކްޓަރަށް ދައްކާފައި ވެއެވެ.
ބޭރަށް ހިންގުމުގެ ކޭސްތައް ވެސް މިދިޔަ މަހު ވަނީ އިތުރުވެފަ އެވެ. މިދިޔަ މަހު އެކަނި 3،502 މީހަކު ޑޮކްޓަރަށް ދެއްކި އެވެ. ޑިސެމްބަރު މަހު ރިޕޯޓުކޮށްފައި ވަނީ ބޭރަށް ހިންްގުމުގެ 3،362 ކޭސްއެވެ.
އެޗްޕީއޭއިން ބުނީ މި ބަލިތައް ޖެނުއަރީ މަހު އިތުރުވެފައިވީ ނަމަވެސް ހޭންޑް ފުޓް އެންޑް މައުތު ޑިޒީޒް އާއި ފާނަބަސަންދު ފަދަ ބަލިތައް އިތުރުވެފައި ނުވާ ކަމަށެވެ.
މިދިޔަ ޑިސެމްްބަރު މަހު ވަނީ ބޭރަށް ހިންގުމާއި، ލޮލު ރޯގާ ފެތުރުން އިތުރުވެދާނެތީ ސަމާލުވާން އިލްތިމާސްކޮށްފަ އެވެ. ކޮންމެ އަހަރަކުވެސް މި ދުވަސްކޮޅާ ދިމާކޮށް ފަސޭހައިން ގައިންގަޔަށް އަރާ ބަލިތައް ފެތުރުން އިތުރު ވެއެވެ.
