ސޯޝަލް މީޑިއާގައި ޕޯސްޓެއް ޝެއާކޮށްލައިގެން އުރީދޫ ފަން ރަން ކިޓެއް މުޅިން ހިލޭ ހޯދުމުގެ ފުރުސަތު އަދަދު ނޫހުން ހުޅުވާލައިފި އެވެ.
އަންނަ ހުކުރު ދުވަހު ބޭއްވުމަށް ހަމަޖެހިފައިވާ ފަން ރަންގެ، ފަން ކިޓެއް ހޯދުމުގެ ފުރުސަތު ހުޅުވާލާފައި މިވަނީ އުރީދޫ މޯލްޑިވްސްއާއި އަދަދު ނޫސް ގުޅިގެންނެވެ. ސޯޝަލް މީޑިއާގައި އާންމުކޮށްފައިވާ ޕޯސްޓު މިރޭ 10އެއް ޖެހުމުގެ ކުރިން ޝެއާ ކުރާ ފަރާތްތަކުގެ ތެރެއިން ހޮވާ ނަސީބުވެރި ފަސް ފަރާތަކަށް އުރީދޫ ފަން ކިޓެއް ހިލޭ ލިބޭނެ އެވެ.
އުރީދޫ ފަން ކިޓެއް އެ ކުންފުނިން ވިއްކަމުން އައީ 200ރ. އަށެވެ. ފަން ކިޓުގައި އުރީދޫ ފަން ރަން ޓީޝާޓާއި ބޭންޑުގެ އިތުރުން ފޮތި ދަބަހާއި އައިނު އަދި ބޮލުގައި އައްސާ ބަންޑާނާ ހިމެނޭނެ އެވެ.
ދުޅަހެޔޮ ސިއްހަތެއްގައި ހުރުމަށް ދުވުމަކީ މަޖާ އަދި އުފާވެރިކަން ގެނެސްދޭ ކަސްރަތެއްކަން އަންގައިދިނުމުގެ މަގުސަދުގައި އުރީދޫން ބާއްވާ މި ދުވުން ފަށާނީ ހުޅުމާލޭ ސެންޓުރަލް ޕާކުންނެވެ. ފަސް ކިލޯމީޓަރުގެ މި ދުވުމުގައި، ކޮންމެ ކިލޯމީޓަރެއް ދުވެ ނިމޭ ސަރަހައްދުގައި ބެހެއްޓިފައި ހުންނަ ހާއްސަ ސްޓޭޝަންތަކުގައި ކުލަޔާއި ފެން ޖެހުމުގެ އިތުރުން މަޖާ ހަރަކާތްތަކެއް ކުރިއަށް ދާނެ އެވެ.
އުރީދޫ ފަން ރަން އަކީ ހުރިހާ އުމުރުފުރައަކަށް ހުޅުވާލައިގެން މިގޮތަށް ބޭއްވޭ އެންމެ ބޮޑު އެއް ދުވުމުގެ ހަރަކާތެވެ. މި ދުވުމަކީ ވަކި ވަގުތަކަށް ނިންމަން ޖެހޭ ރޭހަކަށް ނުވާތީ، ހިނގާފައިވިޔަސް، ކޮރަމުންވިޔަސް، ނަށަމުންވިޔަސް ނުވަތަ ދުވެފައިވިޔަސް ފުރިހަމަ ކުރެވޭނެ އެވެ.
ތަޖުރިބާކާރު ދުވުންތެރިންނާއި، ދުވުމަށް ޝައުގުވެރިވާ ބޭފުޅުންނާއި އަދި އާއިލާއާއި ރައްޓެހިންނާއި އެކު އުފާވެރި ވަގުތުކޮޅެއް ހޭދަކޮށްލަން ބޭނުންވާ ފަރާތްތައް މި ދުވުމުގައި ބައިވެރި ވުމަށް ރެޖިސްޓަރީވެފައިވާ ކަމަށް އުރީދޫން ބުނެ އެވެ.
