ރާއްޖެއަކީ އޯގަނައިޒޭޝަން އޮފް އެފްރިކަން ކެރީބިއަން އެންޑް ޕެސިފިކް ސްޓޭޓްސް (އޯއޭސީޕީއެސް) ގެ ފުރިހަމަ މެމްބަރު ގައުމެއްގެ ގޮތުގައި ހަމަޖެހިއްޖެ އެވެ.
އިއްޔެ ބޭއްވި އޯއޭސީޕީއެސްގެ 10 ވަނަ ސަމިޓް މި މަހުގެ ހަވަނަ ދުވަހުން ފެށިގެން ނުވަވަނަ ދުވަހަށް އެންގޯލާގެ ލުއާންޑާގައި ކުރިއަށް ދިޔައިރު،
އެ ޖަމިއްޔާގެ މެންބަރަކަށް ވުމަށް ރާއްޖެ ހުށަހެޅީ އޯއޭސީޕީއެސްގެ 10 ވަނަ ސަމިޓުގަ އެވެ. މި މަހުގެ ހަ ވަނަ ދުވަހުން ފެށިގެން ނުވަ ވަނަ ދުވަހާ ހަމައަށް އެންގޯލާގެ ލުއާންޑާގެ ކުރިއަށް ދިޔަ ސަމިޓުގައި، އެ ހުށަހެޅުން ބަލައިގަތީ އެ ޖަމިއްޔާގެ ހުރިހާ ގައުމެއްގެ ތާއީދުންނެވެ.
އެ ސަމިޓްގައި ބައިވެރިވެވަޑައިގަތުމަށް، ރައީސް އިބްރާހީމް މުހައްމަދު ސޯލިހްގެ ހާއްސަ މެންބަރެއްގެ ގޮތުގައި ވަޑައިގަތީ ފޮރިން މިނިސްޓަރު އަބްދުﷲ ޝާހިދެވެ.
އެ ސަމިޓްގައި އޯއޭސީޕީއެސްގެ ހުރިހާ މެންބަރު ގައުމުތަކުގެ ތާއީދުން ރާއްޖެ މެންބަރަކަށްވުމުން، ޖަމިއްޔާގެ މެންބަރު ގައުމުތަކުން އަދާކުރަން ޖެހޭ މަސްއޫލިއްޔަތުތައް ބަޔާންކުރާ "ރިވައިސްޑް ޖޯޖްޓައުން އެގްރީމެންޓް" ގައި ރާއްޖޭން ވަނީ ސޮއިކޮށްފަ އެވެ.
އޭގެ އިތުރުން، ސަމިޓްގެ ހަވާސާގައި މިއަދު ބޭއްވި ރަސްމިއްޔާތެއްގައި މިނިސްޓަރު ޝާހިދު ވަނީ "އިންސްޓްރޫމަންޓް އޮފް އެކްސެޝަން" ޑިޕޮޒިޓް ކޮށްދެއްވައިފަ އެވެ.
އޯއޭސީޕީއެސްގެ ފުރިހަމަ މެމްބަރު ގައުމަކަށް ވުމަށް ރާއްޖެއިން ފުރަތަމަ ހުށަހެޅީ މިދިޔަ އަހަރުގެ ނޮމެބްވަރު މަހުގަ އެވެ. އަދި މި އަހަރުގެ މާޗު މަހުގެ 23 ވަނަ ދުވަހު، ރައްޔިތުންގެ މަޖިލީހުން އެ ކަމަށް ރުހުން ވެސް ދިނެވެ. އަދި މިދިޔަ ޖޫން މަހު އެ ޖަމިއްޔާގެ "އޮބްޒާވާ ސްޓޭޓަސް" ރާއްޖެއަށް ދީފައިވެ އެވެ.
