ހޯމް މިނިސްޓްރީގެ ނައިބެއްގެ މަގާމަށް ދިވެހި ބަހުގެ އެކަޑަމީގެ ކުރީގެ ރައީސް އަޝްރަފް އަލީ މިއަދު އައްޔަންކޮށްފި އެވެ.
ދިވެހި ބަހުގެ އެކަޑަމީގެ ރައީސްގެ މަގާމުގެ އިތުރުން އޭނާ ވަނީ އެވިޑް ކޮލެޖްގެ ފެކަލްޓީ އޮފް އާޓްސް އެންޑް ކަލްޗާގެ ޑީންގެ މަގާމާއި އަލިމަސް އެކަޑަމީގެ ރައީސްގެ މަގާމު ވެސް ފުރުއްވައިފަ އެވެ.
އޭގެ އިތުރުން، ސާކް ލިޓްރަރީ އެވޯޑް 2019 ވަނަ އަހަރު އަޝްރަފަށް ވަނީ ލިބިވަޑައިގެންފަ އެވެ.
އަޝްރަ ވަނީ ގައުމީ ޔުނިވަރސިޓީއިން 2016 ވަނަ އަހަރު މާސްޓާސް ޑިގްރީ އިން ލެންގުއޭޖެ އެންޑް ކަލްޗާ ހާސިލް ކުރައްވައިފަ އެވެ.
ހޯމް މިނިސްޓްރީގައި އަޝްރަފުގެ އިތުރުން ވެސް މިނިސްޓަރުގެ ނައިބުންގެ ގޮތުގައި ދެ ބޭފުޅަކު ތިއްބަވަ އެވެ. އަދި އެ މަގާމާ އެއް ފެންވަރުގައި ދެ ޑެޕިއުޓީ ކޮމިޝަނާ އޮފް ޕޮލިސް އަދި ކޮމިޝަނާ އޮފް ޕްރިޒަންސް ހުންނަވާނެ އެވެ.
