ހިޔާ ފްލެޓަށް ކަރަންޓުދޭ ކޭބަލްތައް ހަލާކުވެ، ކަރަންޓު ކެނޑިއްޖެ އެވެ.
ސްޓެލްކޯއިން ބުނީ، ހިޔާ ޓަވަރުތަކަށް ކަރަންޓު ދިނުމަށް އަޅާފައިވާ ކޭބަލް މަރާމާތު ކުރުމަށް ގިނަ ވަގުތު ނަގާނެ ކަމަށް ބެލެވޭ ކަމަށެވެ. އެހެންކަމުން އެ ކޭބަލް އައިސޮލޭޓް ކުރުމުގެ މަސައްކަތް ކުރަމުންދާ ކަމަށް އެ ކުންފުނިން ބުނެ އެވެ.
އެ ކުންފުނިން ބުނީ، އެހެން ކޭބަލެއް މެދުވެރިކޮށް ފްލެޓުތަކަށް ކަރަންޓު ދިނުމުގެ މަސައްކަތް މިހާރު ކުރަމުންދާ ކަމަށާއި، އެކަމަށް ދެ ގަޑިއިރު ހޭދަވާނެ ކަމަށް ބެލެވޭ ކަމަށެވެ.
ހިޔާ ޓަވަރުތަކަށް ކަރަންޓު ދޭ މައި ކޭބަލެއް ހަލާކުވެފައި ވަނީ އެ ސަރަހައްދުގައި އިމާރާތް ކުރުމުގެ މަސައްކަތް ކުރަމުން އަންނަ ބަޔަކު ކޮނުމުގެ ތެރޭގައި ލިބުނު ގެއްލުމުގެ ސަބަބުންނެވެ.
ހިޔާ ޓަވަރުތަކުން ކަރަންޓު ކެނޑުނުތާ މިހާރު ދެ ގަޑިއިރަކަށްވުރެ ގިނައިރު ވަނީ ވެފަ އެވެ.
