ޕާކިސްތާނުގައި ކުރިއަށް ގެންދިޔަ އެއްވުމެއްގެ ތެރެއިން އެގައުމުގެ ކުރީގެ ބޮޑުވަޒީރު، އިމްރާން ހާންގެ ފަޔަށް ބަޑި ޖަހާ ޒަހަމް ކޮށްލައިފި އެވެ.
ދާދި ދެންމެއަކު ދިން މި ހަމަލާ އަމާޒުކޮށްފައި ވަނީ އިމްރާން ހާން ގޮވައިގެން ދުއްވަމުންދިޔަ ކޮންޓޭނާ ޓުރަކަކަށެވެ. މި ހަމަލާގައި އޭނާއަށް މާ ސީރިއަސް އަނިޔާއެއް ވެފައި ނުވާ ކަމަށް އިމްރާން ހާން ނިސްބަތްވާ ސިޔާސީ ޕާޓީ، ޕީޓީއައިގެ ސީނިއާ ލީޑަރު، އަސަދު އުމަރުއާ ހަވާލާދީ ބޭރުގެ ނޫސް އޭޖެންސީތަކުން ރިޕޯޓު ކުރެއެވެ.
ޕާކިސްތާނުގެ އިރުމަތީ ޕަންޖާބު ޕުރޮވިންސުގައި މިއަދު ކުރިއަށް ގެންދިޔަ އެއްވުމުގެ ތެރެއިން ހަމަލާ ދީފައިވަނީ ހަތިޔާރު އަޅައިގެން ހުރި، ކާކުކަން ނޭނގޭ މީހެކެވެ. މި ހަމަލާގައި އިމްރާން ހާނުގެ އިތުރުން އޭނާއަށް ތާއިދުކުރާ ބައެއް މީހުން ވެސް ޒަހަމްވެފައިވެ އެވެ.
އިމްރާން ހާންއަށް ފަރުވާ ދިނުމަށްޓަކައި ލާހޫރަށް ގެންދިއުމުގެ މަސައްކަތް މިވަގުތު ކުރަމުން އަންނަ ކަމަށް ސީއެންއެންއިން ރިޕޯޓު ރިޕޯޓު ކުރެއެވެ.
