ފާރުމަތިން އަރައިގެން، އައްސޭރިޖަލުން ފިލަން އުޅުނު ބަޔަކު ހުއްޓުވައިފި

ކ. ހިންމަފުށީގައި ހުންނަ އައްސޭރިޖަލުން ފިލަން އުޅުނު ދެމީހަކު ހުއްޓުވައިފި އެވެ.

ކަމިޝަނާ އޮފް ޕްރިޒަންސް އަހުމަދު މުހައްމަދު ފުޅު މިރޭ ކުރެއްވި ޓްވީޓެއްގައި ވިދާޅުވީ އައްސޭރިޖަލުން ދެމީހަކު ފިލަން މަސައްކަތްކުރީ، އެތަނުގެ ފާރުމަތިން އަރައިގެން ކަމަށެވެ.

އެއީ ކިހިނެތް ހިނގި ކަމެއްތޯ ބަލަމުން އަންނަ ކަމަށް ވެސް އޭނާ ވިދާޅުވި އެވެ. އޭނާ ވިދާޅުވި ގޮތުގައި އެފަދަ ކަންތައްތައް ތަކުރާރުވިޔަ ނުދިނުމަށް ޓަކައި އަޅަން ޖެހޭ ފިޔަވަޅުތައް ކަރެކްޝަނަލް ސާވިސް އިން އަޅާނެ އެވެ.

ރާއްޖޭގައި ޖަލުން މީހުން ފިލުމަކީ އެހާ އާއްމު ކަމެއް ނޫނެވެ. އަދި އެގޮތަށް ފިލާ މީހުން މީގެ ކުރިން ވެސް ވަރަށް އަވަހަށް ހޯދައި އަލުން ޖަލަށް ގެންދެ އެވެ.