މޯލްޑިވްސް މީޑިއާ ކައުންސިލްގެ ކޯޑް އޮފް އެތިކްސް ނުވަތަ ދިވެހި މީޑީއާގެ އަހުލާގީ މިންގަނޑު އިފްތިތާހުކޮށް، 60 އަށް ވުރެ ގިނަ މީޑިއާއިން އެއަށް އަމަލު ކުރުމަށް އެއްބަސްވެއްޖެ އެވެ.
މީގެ ތެރޭގައި އޮންލައިން، ޕްރިންޓު އަދި ބްރޯޑްކާސްޓިން މީޑިއާތައް ވެސް ހިމެނެ އެވެ.
އެގާރަ އަހަރަށް ފަހު ދިވެހި ނޫސްވެރިންގެ ކޯޑް އޮފް އެތިކްސްއަށް މީޑިއާގައި އުޅޭ ކޮންމެ މީހަކު ވެސް އަމަލުކޮށް، އަހުލުވެރިވާން ވާނެ ކަމަށް އެމްއެމްސީން ބުނެ އެވެ.
ކޯޑް އޮފް އެތިކްސްގައި ބަޔާންކޮށްފައިވާ ކަންކަމުގެ ތެރޭގައި ހިމެނެނީ:
- އިސްލާމްދީނާއި ދިވެހިޖުމްހޫރިއްޔާގެ ގާނޫނު އަސާސީއާއި ގާނޫނަށް ހުރުމަތްތެރިކޮށް ހިތުން
- އާންމުންނަށް ހަގީގަތް އެނގުމުގެ ހައްގަށް އިހުތުރާމް ކުރުން
- އިންސާނީ ހައްގުތަކަށް އިހުތިރާމްކޮށް، އިޖުތިމާއީ އަހުލާގު ހިފެހެއްޓުން
- ނޫސްވެރިކަމަށް ނުރަނގަޅު ނޫފޫޒު ފޯރުވާ ކަންކަމުން އެއްކިބާވުން
- ނޫސްވެރިކަމުގެ ހަމަތައް ހިފަހައްޓައި އެއްވެސް ބިރަކަށް ޖެހިލުންނުވުން
މިއަދު އެއްބަސްވެ، ސޮއިކުރެވުނު ކޯޑް އޮފް އެތިކްސްގެ ދަށުން ކޮންމެ މީޑީއާއަކުން ވެސް އެ މީޑިއާއެއްގެ އަމިއްލަ ކޯޑް އޮފް ޕްރެކްޓިސް އެއް އެކުލަވާލުމަކީ މުހިންމު ކަމެއް ކަމަށް އެމްއެމްސީން ބުނެފައިވެ އެވެ.
