އަންނަ އަހަރަށް ސަރުކާރުން އަންދާޒާކޮށްފައި ވަނީ 41.5 ބިލިއަން ރުފިޔާގެ ބަޖެޓެއް ކަމަށް ފައިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.
ރައީސުލްޖުމްހޫރިއްޔާގެ އޮފީހުގައި މިއަދު ނޫސްވެރިންނާ ބައްދަލު ކުރައްވައި އަމީރު ވިދާޅުވީ
2023 ވަނަ އަހަރު 41.5 ބިލިއަން ރުފިޔޭގެ ބަޖެޓެއް ކަމަށް އަޅުގަނޑުމެންނަށް އަންދާޒާ ކުރެވެނީ ފިސްކަލް ސްޓެރެޓެޖީ ނަމްބަރުތައް ވެސް އޭގައި އަޅުގަނޑުމެން ހިމަނާފައިވާނެ،" އަމީރު ވިދާޅުވި އެވެ.
އަމީރު އިތުރަށް ވިދާޅުވީ މިހާރު މަސައްކަތް ކުރަން ޖެހިފައިވަނީ ވަރަށް ބޮޑަށް ބަދަލުވަމުންދާ ހާލަތެއްގައި ކަމަށާއި އެހެން ނަމަވެސް އަންތާޒާކުރި މިންވަރަށްވުރެ ރަނގަޅަށް ރާއްޖޭގެ އިގުތިސާދު ޕާފޯމް ކުރަމުންދާތަން ފެންނަމުންދާ ކަމަށެވެ.
Advertisement
އޭގެ އިތުރުން 2023 ވަނަ އަހަރު ސަރުކާރަށް ޖުމްލަ އާމްދަނީގެ ގޮތުގައި 30.7 ބިލިއަން ރުފިޔާ ލިބޭނެ ކަމަށް ވިދާޅުވި އެވެ. އަދި މި އަހަރު ނިމުމުގެ ކުރިން އާމްދަނީގެ ގޮތުގައި 24.9 ބިލިއަން ރުފިޔާ ލިބޭނެ ކަަމަށް ވެސް އަމީރު ވިދާޅުވި އެވެ.
