ދިވެހިރާއްޖޭގައި ހުންނަ ޗައިނާގެ އެމްބަސީން މާލޭގައި ބޭނުން ކުރުމަށް މަގުމަތީގައި ހަރު ކުރާ 3000 މަގު ބައްތި މިއަދު ހަދިޔާކޮށްފި އެވެ.
މަގު ބައްތިތައް ހަވާލު ކުރުމަށް މިއަދު ސިޓީ ކައުންސިލުގައި ބޭއްވި ރަސްމިއްޔާތެއްގައި ޗައިނާގެ އެމްބެސަޑަރު ވޭންގް ލީސިން ވިދާޅުވީ އެ ތަކެއްޗަކީ ރާއްޖެ/ޗައިނާ ގުޅުމަށް 50 އަހަރު ފާހަގަ ކުރުމުގެ ގޮތުން މާލޭގައި ދިރިއުޅޭ ރައްޔިތުންނަށް އެ ސަރުކާރުން ދިން ހަދިޔާއެއް ކަމަށެވެ.
ބައްތިތަކުގެ ސަބަބުން ރާއްޖެ އާއި ޗައިނާގެ ގުޅުން އިތުރަށް ބަދަހިވެ، މާލޭގެ ދިރިއުޅޭ ރައްޔިތުންނަށް އޭގެ ސަބަބުން ފައިދާތަކެއް ކުރާނެ ކަމަށް އެމްބެސަޑަރު ވޭންގް ވިދާޅުވި އެވެ.
އެ ރަސްމިއްޔާތުގައި ވާހަކަ ދައްކަވަމުން މާލޭގެ ޑރ. މުހައްމަދު މުއިއްޒު ވިދާޅުވީ ބައްތިތަކުގެ ސަބަބުން މާލޭގައި ދިރިއުޅޭ މީހުންނަށް ފަސޭހަވެ، ރައްކާތެރިކަން އިތުރުވާނެ ކަމަށް ވިދާޅުވި އެވެ.
މާލޭގައި މިހާރު މަގު ބައްތި ޖަހާފައި ހުރި ނަމަވެސް އެއިން އެކަށީގެންވާ އަލިކަމެއް ނުލިބެ އެވެ. މަގުމައްޗަށް ބޮޑަށް އަލިކަން ލިބެނީ، ދުއްވާ ވެހިކަލްތަކާއި ހުޅުވާފައި ހުންނަ ފިހާރަތަކުގެ ބޮކިތަކުންނެވެ.
