ހައުސިންގް ޑިވެލޮޕްމެންޓް ކޯޕަރޭޝަން (އެޗްޑީސީ) އިން ދިރިއުޅުމަށް ހުުޅުމާލެއިން ބީލަމު އުސޫލުން ވިއްކުމަށް ހަމަޖެހިފައިވާ ގޯތިތަކަށް އެދި ހުށައެޅުމަށް ހުޅުވާލި މުއްދަތު އަނެއްކާވެސް އިތުރުކޮށްފި އެވެ.
ހުޅުމާލެއިން ގަތުމަށް ހުޅުވާލެވިފައިވާ 77 ގޯތީގެ ބީލަން ފޯމު ހުށަހެޅުމަށް ހުޅުވާލީ އޯގަސްޓް 25، ގަ އެވެ.
މީގެ ކުރިން ބީޗު ފްރަންޓުން ގޯތި ގަތުމަށް ބީލަން ފޯމު ހުށައަޅަން އޮތީ އަންނަ އޮކްޓޯބަރު 3، ގެ ނިޔަލަށް ނަމަވެސް އެ މުއްދަތު މިހާރު ވަނީ އޮކްޓޯބަރު 5، ވަނަ ދުވަހުގެ 11:00 އަށް ހަމައަށް އިތުރުކޮށްފަ އެވެ. އަދި ބީޗު ސައިޑުން ގޯތި ގަތުމަށް ކުރިން ހަމަވާން އިން މުއްދަތަކީ އޮކްޓޯބަރު މަހުގެ 4 ވަނަ ދުވަސް ނަމަވެސް އެ މުއްދަތު މިހާރު ވަނީ އެ މަހުގެ 6 ވަނަ ދުވަހުގެ 11:00 އާ ދެމެދަށް ބަދަލުކޮށްފަ އެވެ/
މީގެ އިތުރުން، އެޗްޑީސީއިން ނެރުނު އިއުލާނުގައި ބުނެފައިވަނީ، ގޯތިތަކުގެ މައުލޫމާތު ސާފު ކުރުމަށް ފުރުސަތު ހުޅުވާލީ ސެޕްޓެމްބަރު މަހުގެ 20 ވަނަ ދުވަހުގެ 3:30 އާއި ޖެހެންދެންކަމަށެވެ. އެގޮތުން އެޗްޑީސީއަށް ގުޅައިގެންނާއި އީމެއިލް މެދުވެރިކޮށް ވެސް މައުލޫމާތު ސާފުކުރެވޭނެ އެވެ.
މީގެ ކުރިން އެޗްޑީސީއިން އިއުލާނުކޮށްފައިވާގޮތުން، ބީޗު ފްރަންޓުންނާއި، ބީޗު ސައިޑުން ވިއްކުމަށް ހަމަޖެހިފައިވަނީ ޖުމުލަކޮށް 22 ގޯއްޗެވެ. އަދި އެ ސަރަހައްދުން އިތުރު 55 ގޯއްޗެއް ދޫކުރުމަށް ހަމަޖެހިފައިވާކަމަށް އެ ކުންފުނިންވަނީ އިއުލާނުކޮށްފަ އެވެ.
