މަގާމުގެ ވާދަވެރިކަން ގްރީން ސްޓްރީޓްސްގައި ބޮޑު: ޗޯޓު

ލީގުގެ މެޗެއްގެ ތެރެއިން ޗޯޓު ދަ ގްރާންޑޭގެ ސައްމެ ކައިރިން ބޯޅަ ހިފައިގެންދަނީ.-- ފޮޓޯ: އިބްރާހިމް ފާއިދު/ އެފްއޭއެމް

ލީގުގެ މެޗެއްގެ ތެރެއިން ޗޯޓު ދަ ގްރާންޑޭގެ ސައްމެ ކައިރިން ބޯޅަ ހިފައިގެންދަނީ.-- ފޮޓޯ: އިބްރާހިމް ފާއިދު/ އެފްއޭއެމް

ފުރަތަމަ އެގާރަ އަށް އެރުމަށް ކްލަބް ގްރީން ސްޓްރީޓްސްގައި މަގާމުގެ ވާދަވެރިކަން ބޮޑު ކަމަށް އެ ޓީމަށް ކުޅެމުން އަންނަ ހުނަރުވެރި ޒުވާން ފޯވާޑް ހަސަން ނަޒީމް ގާސިމް (ޗޯޓު) ބުނެފި އެވެ.

ލީގުގައި އެންމެ ފަހުން ކްލަބް ގްރީން ސްޓްރީޓްސް ކުޅުނު ދެ މެޗުގެ މޮޅު ކުޅުންތެރިއަކަށް ހޮވިފައިވަނީ 19 އަހަރުން ދަށުގެ ގައުމީ ޓީމުގެ ކެޕްޓަންކަން ކޮށްފައިވާ ޗޯޓު އެވެ. އަނިޔާއެއްގައި ހުރެ އެންމެ ފަހުން މެޗުގައި ކުޅުނު ޗޯޓު, 19, ބުނީ ފަހަކަށް އައިސް މެޗުތަކުގައި ދެއްކޭ ކުޅުމާ މެދު ހިތްހަމަޖެހޭ ކަމަށެވެ.

"ޕާފޯމަންސާ (ކުޅުން) މެދު ހިތްހަމަޖެހޭ. އެކަމަކު އަދިވެސް އެންމެ ފިޓް ނުވެގެން މިއުޅެނީ. ދެން އަންނަ މެޗަށް އިރާދަކުރެއްވިއްޔާ އެންމެ ފޯމުގައި އިންނާނީ," ލީގުގައި ދަ ގްރާންޑޭ އަތުން 2-0 އިން މޮޅުވި މެޗުގައި މޮޅު ކުޅުންތެރިއަކަށް ހޮވުނު ޗޯޓު އެ މެޗަށް ފަހު އޮތް ނޫސްވެރިންގެ ބައްދަލުވުމުގައި ބުންޏެވެ.

މި ސީޒަނުގައި ކްލަބް ގްރީން ސްޓްރީޓްސްއާ ގުޅުނު ޗޯޓު ބުނީ އެ ޓީމުގައި އެއްވެސް މައްސަލައެއް ނެތް ކަމަށާއި ހުރިހާ ކުޅުންތެރިން ވެސް ވަރަށް ފޯކަސް ކަމަށެވެ.

"އެންމެން ވެސް ވަރަށް ފޯކަސް މެޗުތަކަށް. (ފުރަތަމަ އެގާރައިން ފުރުސަތު ހޯދުން) ވަރަށް އަސްލު ޓައިޓް ދެން އެންމެން ވެސް އެހާ މޮޅު. ވަރަށް މަސައްކަތްކޮށްގެން މި އަރަނީ (ފުރަތަމަ އެގާރަ އަށް)," ޗޯޓު ބުންޏެވެ.

އިންޓަ ސްކޫލް ފުޓްބޯޅަ މުބާރާތުގައި ޖަމާލުއްދީން ސްކޫލުން ފެނުނު ޗޯޓު ފުޓްބޯޅަ ޓްރެއިނިންތައް ފެށީ ސްޕޯޓްސް ކޮމިޝަނަރު ހީނާ އަހުމަދު ސަލީމް (ބޮޑުހީނާ) މުސްތަގުބަލަށް ޒުވާން ކުޅުންތެރިން އުފެއްދުމަށް ފެށި އާލީ ޓަޗް ފުޓްބޯލް އެކެޑަމީ (އީޓީއެފްއޭ) އިންނެވެ. ފަހުން އުމުރުފުރާ ގައުމީ ޓީމުތަކަށް ކުޅުނުއިރު, އޭނާ އަކީ 19 އަހަރުން ދަށުގެ ސާފް ޗެމްޕިއަންޝިޕަށް ލޯ މެޑަލް ގެނެސްދިން ޓީމުގެ ކެޕްޓަނެކެވެ.

ވޯލްޑް ކަޕް ކޮލިފައިންގައި 2019 ވަނަ އަހަރު ގުއާމާ ދެކޮޅަށް އެ ގައުމުގައި ރާއްޖެ ކުޅުނު މެޗަކީ ޗޯޓު ގައުމީ ސީނިއާ ޓީމަށް ކުޅުނު ފުރަތަމަ މެޗެވެ. އޭނާ ކްލަބް ކެރިއަރު ފެށީ 2018 ވަނަ އަހަރު ފޯކައިދޫ ޓީމުންނެވެ. އޭނާ ވަނީ މިދިޔަ ސީޒަނުގައި ލޯން އެއްބަސްވުމެއްގެ ދަށުން ކްލަބް އީގަލްސް އަށް ވެސް ކުޅެފަ އެވެ.

މި ސީޒަނުގައި ގްރީން ސްޓްރީޓްސް އަށް ބަދަލުވެ ގިނަ މެޗުތަކެއްގައި ކުޅެމުން އަންނައިރު, އޭނާ ވަނީ 11 މެޗުން ތިން ގޯލު ޖެހުމުގެ އިތުރުން ދެ ގޯލު ޖަހަން ފުރުސަތު ތަނަވަސްކޮށްދީފަ އެވެ.

ޗޯޓު އަށް ފޯކައިދޫ ޓީމުން ފުރުސަތު ދީ އަދި މިހާރު ގްރީން ސްޓްރީޓްސްގައި އޭނާ އަށް ކޯޗުކޮށްދެމުން އަންނަ ކުރީގެ ޔޫތު ކޯޗު އަލީ ނިސްތާރު ބުނީ ޑިސިޕްލިން ހިފަހައްޓައިގެން ކުޅެފިނަަމަ ރާއްޖޭގައި ފާހަގަކޮށްލެވޭ ކުޅުންތެރިއަކަށް ޗޯޓު ވާނެ ކަމަށެވެ.

"(ޗޯޓު) މިހާރު ވެސް ކުޑަ އިންޖަރީއަކާ އެކު އެ ކުޅެނީ. އަޅުގަނޑު އަށް ދޭން ބޭނުން މެސެޖަކީ ޗޯޓު ތި ހިތްވަރު ކޮށްފިއްޔާ އިރާދަކުރެއްވިއްޔާ ރާއްޖޭގެ މޮޅު ޕްލޭޔަރަކަށް ވާނެއޭ," ނިސްތާރު ބުންޏެވެ.

ޗޯޓު އަކީ މުސްތަގުބަލު އުޖާލާ ކުޅުންތެރިއެއް ކަމަށް އޭނާ އަށް ކުރިން އިރުޝާދުދިން ބޮޑުހީނާގެ އިތުރުން ކްލަބް އީގަލްސްގެ މިހާރުގެ ކޯޗު މުހައްމަދު ޝާޒްލީ (ޝާޒް) ވަނީ ބުނެފަ އެވެ.

ލީގުގައި ދެން އެންމެ އަވަހަށް ގްރީން ސްޓްރީޓްސް ކުޅޭ މެޗުގައި އަންނަ ހޮނިހިރު ދުވަހު ހަވީރު ބައްދަލުކުރާނީ ޓީސީ ސްޕޯޓްސް ކްލަބާ އެވެ.

ކޮމެންޓް

ފަހުގެ ޚަބަރު

އިންޑިއާ އިން 10 ވަނަ ފަހަރަށް ސާފްގެ ތަށި އުފުލާލައިފި

ޕާކިސްތާން 2-1 އިން ބަލިކޮށް، އިންޑިއާ އިން 10 ވަނަ ފަހަރަށް ސާފް ޗެމްޕިއަންޝިޕްގެ ތަށި ކާމިޔާބުކޮށްފިއެވެ. މިއީ އިންޑިއާ އިން ޖެހިޖެހިގެން މި މުބާރާތުގެ ތަށި އުފުލާލި ތިންވަނަ ފަހަރެވެ. ފުރަތަމަ ހާފުގައި ޕާކިސްތާނުން ލީޑު ނެގި ނަމަވެސް، ދެވަނަ ހާފުގައި އިންޑިއާ އިން ވަނީ ފަހަތުން އަރައި ދެ ގޯލު ޖަހައި މެޗު ކާމިޔާބުކޮށްފައެވެ.

ސުޖަން، 17 އަހަރަށް ފަހު ސްރީ ލަންކާ އަށް ކުޅުން ހުއްޓާލައިފި

ސްރީ ލަންކާގެ ގައުމީ ފުޓްބޯޅަ ޓީމަށް 17 އަހަރު ވަންދެން ކުޅެދިނުމަށްފަހު، އެ ޓީމުގެ ކެޕްޓަން އަދި ގޯލްކީޕަރު ސުޖަން ޕެރޭރާ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ގައުމީ ޓީމަށް 69 މެޗު ކުޅެދީފައިވާ ސުޖަންގެ ރިޓަޔަމަންޓް ފާހަގަކުރުމަށް އަންނަ އަހަރުގެ މާޗް މަހު ހާއްސަ ހަފްލާއެއް ބޭއްވުމަށް ލަންކާ ފުޓްބޯޅަ ފެޑެރޭޝަނުން ވަނީ ނިންމާފައި

އިޔަން އާއި އާމިން ގައުމީ ބޮޑީބޯޑިން ލީގު ޓައިޓަލް ދިފާއުކޮށްފި

މި އަހަރުގެ ގައުމީ ބޮޑީބޯޑިން ލީގުގެ ޗެމްޕިއަންކަން އާމިން އުމަރު މޫސާ ދިފާއުކުރިއިރު، ޖޫނިއާ ލީގުގެ ޓައިޓަލް އިޔަން އަހުމަދު ވަނީ ދިފާއުކޮށްފައެވެ. އާމިން ލީގު ކާމިޔާބުކުރީ ސީޒަން ނިންމާލުމަށް ބޭއްވި ބަނޑުފިލާ ޗެލެންޖުގެ މެންސް އޯޕަން ބައިގެ އެއްވަނަ ހޯދައިގެންނެވެ. އަދި އިޔަން ޖޫނިއާ ލީގުގެ އެއްވަނަ ހޯދީ ބަނޑުފިލާ ޗެލެންޖުގެ ޖޫނިއާ ބައިގެ ފައިނަލުގައި ވާދަވެރި ކުޅުމަކަށްފަހު ކުރިހޯދައިގެންނެވެ.

އިންޑިއާގެ އަމާޒު ހުރީ ޖެހިޖެހިގެން ތިން ވަނަ ސާފް ތަށްޓައް

މި ފަހަރުގެ ސާފް ޗެމްޕިއަންޝިޕް ކާމިޔާބުކޮށް، ޖެހިޖެހިގެން ތިންވަނަ ފަހަރަށް ތަށި ހޯދުމުގެ އަމާޒުގައި އިންޑިއާ މިރޭ ފައިނަލުގައި ޕާކިސްތާނާ ދެކޮޅަށް ނުކުންނާނެ. އިންޑިއާގެ ކޯޗު ނައުޝާދު މޫސާ ބުނިގޮތުގައި، ގިނަ ގޮންޖެހުންތަކަކާއެކު ވެސް މި މުބާރާތް ކާމިޔާބުކުރުމަކީ އެ ގައުމުގެ ފުޓްބޯޅައަށް ލިބޭނެ ވަރަށް ބޮޑު ކުރިއެރުމެއް

ޕާކިސްތާނަށް އިންޑިއާ ބަލިކުރަން އެނގޭނެ: ސޮލާނޯ

ސާފް ޗެމްޕިއަންޝިޕްގެ ފައިނަލުގައި އިންޑިއާ ބަލިކުރަން އެނގޭނެ ކަމަށް ޕާކިސްތާނުގެ ކޯޗު ސޮލާނޯ ބުނެފައިވާއިރު، މިއީ އެ ގައުމުން މި މުބާރާތުގެ ފައިނަލުގައި ކުޅޭ ފުރަތަމަ ފަހަރެވެ. ގްރޫޕް ސްޓޭޖުގައި އިންޑިއާ އަތުން ބަލިވި ނަމަވެސް، ޔޫރަޕްގައި ކުޅޭ މުހިންމު ކުޅުންތެރިންތަކެއް ޓީމާ ގުޅުމަކީ ޕާކިސްތާނަށް ލިބޭ ބޮޑު ހިތްހަމަޖެހުމެކެވެ. އިންޑިއާ އަކީ މި މުބާރާތުގެ ތަށި ނުވަ ފަހަރު ހޯދާފައިވާ އެންމެ ކާމިޔާބު ޓީމެވެ.

ވާޓްޒްގެ ލަނޑުތަަކާ އެކު ޖަރުމަނުން ނެދަލެންޑްސް ބަލިކޮށްފި

ޔުއެފާ ނޭޝަންސް ލީގުގައި ރޭ ކުޅުނު މެޗުން 5-0 ގެ ބޮޑު ތަފާތަކުން ނެދަލެންޑްސް ބަލިކޮށް، ޖަރުމަނުން މުބާރާތުގެ ކުއާޓާ ފައިނަލުގެ ޖާގައެއް ކަށަވަރުކޮށްފި. ފްލޯރިއަން ވާޓްޒް ދެ ލަނޑު ކާމިޔާބުކުރި މި މެޗުގެ ނަތީޖާއާއެކު، ޖަރުމަނުން ވަނީ ގްރޫޕްގެ އެއްވަނަ މަގާމު ވެސް ހޯދާފައި.

ޔުއެފާ އިން ފީފާ އިންތިހާބަށް ނެރުނީ ފްރާްންސްގެ ފުޓްބޯޅަ ރައީސް

އަންނަ އަހަރު ބާއްވާ ފީފާގެ އިންތިހާބުގައި ވާދަކުރަން އާސެން ވެންގާ ދެކޮޅު ހެދުމުން، ޔުއެފާގެ ތާއީދާއެކު ފްރާންސް ފުޓްބޯޅަ ފެޑެރޭޝަންގެ ރައީސް ފިލީޕޭ ޑިއާލޯ އިންތިހާބަށް ކުރިމަތިލައްވައިފި. މި އިންތިހާބުގައި ޑިއާލޯގެ އިތުރުން މިހާރުގެ ރައީސް އިންފަންޓީނޯ އާއި އިތުރު ދެ ކެންޑިޑޭޓުން ވާދަކުރާއިރު، އިންތިހާބު އޮންނާނީ އަންނަ އަހަރުގެ މާޗް މަހުގައި

Newsletter

Get the latest news delivered straight to your inbox