ބްރުނާއީ ބަލިކޮށް ރާއްޖޭގެ 20 އަހަރުން ދަށުގެ ޓީމަށް އޭޝިއަން ކަޕް ކޮލިފައިންގައި ރަނގަޅު ފެށުމެއް

Aug 31, 2026, 7:31 PM
އޭޝިއަން ކަޕް ކޮލިފައިންގައި ބްރުނާއީ އާއި ރާއްޖެ ކުޅުނު މެޗުގެ ތެރެއިން--- ފޮޓޯ: އޭއެފްސީ

އޭޝިއަން ކަޕް ކޮލިފައިންގައި ބްރުނާއީ އާއި ރާއްޖެ ކުޅުނު މެޗުގެ ތެރެއިން--- ފޮޓޯ: އޭއެފްސީ

އޭއެފްސީ 20 އަހަރުން ދަށުގެ މުބާރާތުގެ ކޮލިފައިންގެ ޑިވެލޮޕްމަންޓް ފޭސްގައި މި ފަހަރު ވާދަކުރާ ރާއްޖޭގެ ޒުވާން ޓީމުން ކުޅުނު ފުރަތަމަ މެޗުގައި ބްރުނާއީ ދާރުއްސަލާމް އަތުން 2-0 އިން މޮޅުވެއްޖެ އެވެ. 

އޭއެފްސީ ކޮލިފައިންގެ އޮނިގަނޑަށް މި ފަހަރު ވަނީ ބަދަލު ގެނެސްފަ އެވެ. އެ ގޮތުން، ކޮލިފައިން ކުރިއަށްދާނީ ކޮލިފިކޭޝަން ފޭސް އާއި ޑިވެލޮޕްމަންޓް ފޭސް އެއް ގޮތަށެވެ. ކޮލިފިކޭޝަން ފޭސްގައި މަތީ ރޭންކުގެ ގައުމުތަކުން ކުޅޭއިރު، ޑިވެލޮޕްމަންޓް ފޭސްގައި ކުޅޭނީ ދަށް ރޭންކުގެ ގައުމުތަކެވެ. ރާއްޖެ ހިމެނެނީ ޑިވެލޮޕްމަންޓް ފޭސްގަ އެވެ. ޑިވެލޮޕްމަންޓް ފޭސްގައި ތިން ގްރޫޕެއް އޮތްއިރު، ރާއްޖޭގެ ގްރޫޕްގެ މެޗުތައް ކުޅޭނީ މިޔަންމާގަ އެވެ. އެ ގްރޫޕްގައި މިޔަންމާ އާއި ރާއްޖެ އަދި ސްރީ ލަންކާ އާއި ދާރުއްސަލާމް ހިމެނޭއިރު، މީގެއިން އެންމެ ރަނގަޅު ނަތީޖާ ނެރޭ ދެ ޓީމަކަށް ދެން އޮތް އޭޝިއަން ކަޕް ކޮލިފައިންގެ ކޮލިފިކޭޝަން ފޭސް އިން ޖާގަ ލިބޭނެ އެވެ. 

މި ގްރޫޕްގެ ފުރަތަމަ މެޗުން ސްރީ ލަންކާ އަތުން މިޔަންމާ ވަނީ 4-0 އިން މޮޅުވެފަ އެވެ. 

Advertisement

ދެ ވަނަ މެޗު ފަށައިގެން ރާއްޖޭން ރަނގަޅު އެޓޭކްތަކެއް ކުރަން ފެށިއިރު، ބްރުނާއީ ކުޅުންތެރިންނަށް މެޗުގެ ތެރެއަށް ވަދެ، ކުޅެން ލިބުނީ މަދު ފުރުސަތުތަކެކެވެ. ރާއްޖޭން ލީޑުނެގީ މެޗުގެ 18 ވަނަ މިނިޓްގައި އީތަން އިބްރާހިމް ޒަކީ ޖެހި ގޯލުންނެވެ. އެ ގޮތުން، އީތަން އޭރިއާބޭރުން ފޮނުވާލި ބޯޅަ ގޯލަށް ވަނީ ބްރުނާއި ކީޕަރު ސަފްވާން އަފްލީ އަތުގައި ޖެހިފަ އެވެ. ރާއްޖެ އަށް ދެ ވަނަ ލަނޑެއް ޖަހައިދޭން އަހުޒަމް ރަޝީދު (އަހު) އަށް ލިބުނު ހުސް ފުރުސަތުގައި ޖެހި ބޯޅަ ކީޕަރު ސަފްވާން ވަނީ މަތަކޮށްފަ އެވެ. މިއީ، ރާއްޖޭގެ ކެޕްޓަން، މުހައްމަދު އިލާން އިމްރާން ހުސްކޮށްލާފައި އަހު އަށް ދިން ބޯޅައެކެވެ. 

އޭޝިއަން ކަޕް ކޮލިފައިންގައި ބްރުނާއީ އާއި ރާއްޖެ ކުޅުނު މެޗުގެ ތެރެއިން: ރާއްޖޭން މި މެޗަށް ނެރުނު ފުރަަތަމަ އެގާރަ ކުޅުންތެރިން.
އޭޝިއަން ކަޕް ކޮލިފައިންގައި ބްރުނާއީ އާއި ރާއްޖެ ކުޅުނު މެޗުގެ ތެރެއިން: ރާއްޖޭން މި މެޗަށް ނެރުނު ފުރަަތަމަ އެގާރަ ކުޅުންތެރިން.

ރާއްޖޭން ލީޑުފުޅާކުރި ލަނޑު ޖެހީ 31 ވަނަ މިނިޓްގައި އިލާން އެވެ. އަހު މެދުތެރެއިން އަރިމައްޗަށް ދިން ބޯޅައެއް ހިފައިގެން އައިސް ނައްސާހު އިބްރާހިމް ނާސިރު ނަގައިދިން ހުރަަހަކަށް އަރައި އިލާން ވަނީ ގޯލުގެ ކައިރީ ކަނަށް ބޯޅަ އަމާޒުކޮށްލައިފަ އެވެ. މި ލަނޑު ޖެހުމުގެ ކުރިން މި ހާފުގައި އިލާނަށް ލިބުނު ދެ ފުރުސަަތެއްގއި އެންމެ ރަނގަޅަށް ފޮނުވާނުލެވުނެވެ. 

ދެ ވަނަ ހާފުގައި ރާއްޖޭގެ އަހު އަށް ލިބުނު ދެ ފުރުސަތެއްގައި ފޮނުވާލި ހަމަލާ ވެސް އަމާޒުވީ ބްރުނާއީ ކީޕަރު ސަފްވާން އަތަށެވެ. ބަދަލު ކުޅުންތެރިއެއްގެ ގޮތުަގައި ކުޅެން އެރި އައިދު މުހައްމަދު ޖަވީޒު އަށް އޭރިއާތެރެއިން ލިބުނު ފުުރުސަތުގައި ޖެހި ބޯޅަ ދިޔައީ ދަނޑިކައިރިން ބޭރުންނެވެ. 

ފުރަތަމަ ހާފާ ހިލާފަށް ދެ ވަނަ ހާފުގައި ބްރުނާއީ އިން އެޓޭކަށް ދާ ބޯޅަތައް ގިނަކޮށް ހަމަލާތަކެއް ފޮނުވާލެވޭތޯ މަސައްކަތްކުރި އެވެ. އެކަމަކު، ގިނަ ބޯޅަތައް ދިޔައީ، ގޯލާ ސީދާނުވެ ބޭރުންނެވެ. 

ކޮލިފައިންގައި ރާއްޖޭން ކުޅޭ ދެ ވަނަ މެޗުގައި ބުރާސްފަތި ދުވަހު ސްރީ ލަންކާއާ ކުޅޭނެ އެވެ. ކޮލިފައިން ގްރޫޕްގެ ފަހު މެޗުގައި ރާއްޖޭން މިޔަންމާއާ ކުޅޭނީ އާދިއްތަ ދުވަހު އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox