20 އަހަރުން ދަށުގެ އޭޝިއަން ކަޕް ކޮލިފައިންއާ ކުރިމަތިލާއިރު ރާއްޖެ ރަނގަޅު ރޫހެއްގައި

Aug 31, 2026, 6:34 AM
ގައުމީ 20 އަހަރުން ދަށުގެ ފުޓްބޯޅަ ޓީމުގެ ކެޕްޓަން އިލާން.--- ފޮޓޯ: އިމޭޖަސް.އެމްވީ

ގައުމީ 20 އަހަރުން ދަށުގެ ފުޓްބޯޅަ ޓީމުގެ ކެޕްޓަން އިލާން.--- ފޮޓޯ: އިމޭޖަސް.އެމްވީ

އޭއެފްސީ 20 އަހަރުން ދަށުގެ މުބާރާތުގެ ކޮލިފައިންއާ ކުރިމަތިލާއިރު، ރާއްޖޭގެ ޒުވާން ޓީމު އޮތީ ވަރަށް ރަނގަޅު ރޫހެއްގައި ކަމަށް ޓީމުގެ ކެޕްޓަން، މުހައްމަދު އިލާން އިމްރާން ބުނެފި އެވެ. 

އޭއެފްސީ ކޮލިފައިންގެ އޮނިގަނޑަށް މި ފަހަރު ވަނީ ބަދަލު ގެނެސްފަ އެވެ. އެ ގޮތުން، ކޮލިފައިން ކުރިއަށްދާނީ ކޮލިފިކޭޝަން ފޭސް އާއި ޑިވެލޮޕްމަންޓް ފޭސް އެއް ގޮތަށެވެ. ކޮލިފިކޭޝަން ފޭސްގައި މަތީ ރޭންކުގެ ގައުމުތަކުން ކުޅޭއިރު، ޑިވެލޮޕްމަންޓް ފޭސްގައި ކުޅޭނީ ދަށް ރޭންކުގެ ގައުމުތަކެވެ. 

އެ ގޮތުން، ކޮލިފިކޭޝަން ފޭސްގައި ހިމެނެނީ، ގްރޫޕެއްގައި ހަތަރު ޓީމު ހިމެނޭ ގޮތަށް އަށް ގްރޫޕެވެ. އޭގެ ތެރެއިން، ކޮންމެ ގްރޫޕެއްގެ އެއް ވަނަ އާއި އެންމެ ރަނގަޅު ނަތީޖާ ނެރޭ ދެ ވަނަ ޓީމުތަކުގެ ތެރެއިން ހަތް ޓީމަކަށް އަންނަ އަަހަރު އޭޕްރީލް މަހު ޗައިނާގައި ކުޅޭ 20 އަހަރުން ދަށުގެ އޭޝިއަން ކަޕުން ޖާގަ ލިބޭނެ އެވެ.ކޮލިފިކޭޝަން ފޭސްގެ ކޮންމެ ގްރޫޕެއްގެ އެންމެ ފުލަށް ދާ ޓީމެއް، ޑިވެލޮޕްމަންޓް ފޭސް އަށް ރެލިގޭޓްވާނެ އެވެ.  ރާއްޖެ ހިމެނެނީ ޑިވެލޮޕްމަންޓް ފޭސްގަ އެވެ. ޑިވެލޮޕްމަންޓް ފޭސްގައި ތިން ގްރޫޕެއް އޮތްއިރު، ރާއްޖޭގެ ގްރޫޕްގެ މެޗުތައް ކުޅޭނީ މިޔަންމާގަ އެވެ. އެ ގްރޫޕްގައި މިޔަންމާ އާއި ރާއްޖެ އަދި ސްރީ ލަންކާ އާއި ދާރުއްސަލާމް ހިމެނޭއިރު، މީގެއިން އެންމެ ރަނގަޅު ނަތީޖާ ނެރޭ ދެ ޓީމަކަށް ދެން އޮތް އޭޝިއަން ކަޕް ކޮލިފައިންގެ ކޮލިފިކޭޝަން ފޭސް އިން ޖާގަ ލިބޭނެ އެވެ. 

Advertisement

މުބާރާތުގައި ރާއްޖޭން ކުޅޭ ފުރަތަމަ މެޗުގައި ބްރުނާއީއާ ދެކޮޅަށް މިއަދުު ނުކުންނައިރު، ކޮލިފައިންގެ ކުރިން އޮތް ނޫސްވެރިންގެ ބައްދަލުވުން އިއްޔެ ވަނީ ކުރިއަށް ގޮސްފަ އެވެ. ރާއްޖޭން ބައިވެރިވީ ޓީމުގެ ކޯޗު އަހުމަދު ޝާކިރު (ޝާކިއްޓެ) އާއި އިލާން އެވެ. 

އިލާން ބުނީ، މި ވަގުތު ހުރިހާ ފޯކަސް އެއް ހުރީ ފުރަތަމަ މެޗަށް ކަމަށެވެ. 

"ކުރެވުނު އެންމެ ރަނގަޅަށް މަސައްކަތްކޮށް، ވީ އެންމެ ރަނގަޅު ކުޅުމެއް ދެއްކޭތޯ މަސައްކަތްކުރާނަން. މުޅި ޓީމު އޮތީ ރަނގަޅު ރޫހެއްގައި މެޗުތަކަށް މޮޓިވޭޓްވެފައި،" އިލާން ބުންޏެވެ. 

ކޮލިފައިންގައި ރާއްޖެ ކުޅޭ ފުރަތަމަ މެޗުގައި މިއަދު ބްރުނާއީއާ ކުޅުމަށް ފަހު، ދެ ވަނަ މެޗުގައި ބުރާސްފަތި ދުވަހު ސްރީ ލަންކާއާ ކުޅޭނެ އެވެ. ކޮލިފައިން ގްރޫޕްގެ ފަހު މެޗުގައި ރާއްޖޭން މިޔަންމާއާ ކުޅޭނީ އާދިއްތަ ދުވަހު އެވެ. 

އޭޝިއަން ކަޕް ކޮލިފައިންގެ ކުރިން ބޭއްވި ނޫސްވެރިންގެ ބައްދަލުވުމުގައި ގައުމީ 20 އަހަރުން ދަށުގެ ފުޓްބޯޅަ ޓީމުގެ ކެޕްޓަން އިލާން (ކ) އާއި ޓީމުގެ ކޯޗު ޝާކިއްޓެ.--- ފޮޓޯ: މިޔަންމާ ފުޓްބޯޅަ ފެޑެރޭޝަން
އޭޝިއަން ކަޕް ކޮލިފައިންގެ ކުރިން ބޭއްވި ނޫސްވެރިންގެ ބައްދަލުވުމުގައި ގައުމީ 20 އަހަރުން ދަށުގެ ފުޓްބޯޅަ ޓީމުގެ ކެޕްޓަން އިލާން (ކ) އާއި ޓީމުގެ ކޯޗު ޝާކިއްޓެ.--- ފޮޓޯ: މިޔަންމާ ފުޓްބޯޅަ ފެޑެރޭޝަން

ނޫސްވެރިންގެ ބައްދަލުވުމުގައި ވާހަކަ ދައްކަމުން، ޝާކިއްޓެ ބުނީ، މި ވަގުތަށް ފެންނަ ފެނުމަށް ބަލާއިރު، މި ގްރޫޕުން އެންމެ ވަރުގަދަކޮށް އޮތީ މެޗުތައް ހޯސްޓްކުރާ މިޔަންމާ ކަމަށާއި އެންމެ އުނދަގޫވާނެ ޓީމަކީ ވެސް އެއީ ކަމަށެވެ. 

"އެހެންވީމަ، މިޔަންމާއާ ކުޅުމުގެ ކުރިން ޕޮޒިޓިވް ރިޒަލްޓްތަކެއް ނެރެން އެބަޖެހޭ. އެ ގޮތަށް ގޮސްގެން މިޔަންމާއާ ދެކޮޅަށް ކުޅޭ މެޗު މި ވަނީ ގާތްގަނޑަކަށް ފައިނަލް މެޗެއް ކަހަލަ ގޮތަކަށް. މިޔަންމާއާ ކުޅެން ޖެހޭނީ ޓީމުގެ ހާލަތު ވަރަށް ރަނގަޅު ކޮށްގެން ގޮސްގެން ކަމަށް ފެންނަނީ،" އަލުން ޒުވާން ގައުމީ ޓީމުގެ ހެޑް ކޯޗުކަމާ ހަވާލުވި ޝާކިއްޓެ ބުންޏެވެ. 

ރާއްޖެ އާއި ސްރީ ލަންކާ އިން ވަނީ މިދިޔަ މާޗް މަހު މާލޭގައި ކުރިއަށްދިޔަ ސާފް 20 އަހަރުން ދަށުގެ މުބާރާތުގެ ގްރޫޕް ސްޓޭޖުގައި ވާދަކޮށްފަ އެވެ. އެ މެޗުން ރާއްޖެ 2-0 އިން ކުރީގައި އޮއްވައި، ސްރީ ލަންކާ އިން ވަނީ ދެ ވަނަ ހާފުގައި ނަތީޖާ އަނބުރާލައި، 3-2 އިން މޮޅުވެފަ އެވެ. ރާއްޖޭން އެ މުބާރާތުގައި ކުޅުނީ ސީނިއާ ގައުމީ ޓީމުގެ ކޯޗު، ހަންގޭރީގެ އިސްތަވާން އުރްބާނީގެ އިރުޝާދުގެ ދަށުންނެވެ.  މީގެ ކުރިން، 2022 ވަނަ އަހަރު އޭއެފްސީ ކޮލިފައިންގައި ރާއްޖެ އާއި މިޔަންމާ ވަނީ އެއް ގްރޫޕެއްގައި ވާދަކޮށްފަ އެވެ. އެ ގޮތުން، ސައުދީ އަރަބިއްޔާގެ ދަންމާމުގައި ކުޅުނު ކޮލިފައިން ބުރުގައި، މިޔަންމާ އަތުން ރާއްޖެ ބަލިވީ 3-0 އިންނެވެ. 

މި ފަހަރުގެ އޭޝިއަން ކަޕް ކޮލިފައިން އަށް ތައްޔާރުވުމަށްޓަކައި ޒުވާން ގައުމީ ޓީމުން ވަނީ ދިވެހި ޕްރިމިއާ ލީގުގެ ޓީމުތަކާ ދެކޮޅަށް ޕްރެކްޓިސް މެޗުތަކެއް ކުޅެ، ރަނގަޅު ނަތީޖާތަކެއް ވެސް ނެރެފަ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox