އިލާން އަތުން ސާފް އިން އަތުލި ޓްރޮފީ އަަވަހަށް ހަވާލުކުރަން އެއްބަސްވެއްޖެ

Apr 4, 2026, 12:38 PM
ސާފް 20 އަަހަރުން ދަށުގެ މުބާރާތުގައި އެންމެ ގިނަ ގޯލު ޖެހި ދެ ކުޅުންތެރިން ކަމަށްވާ އިލާން އާއި ދޯދުމްއާ އެފްއޭއެމްގެ ރައީސް، ތޯރިގު ޓްރޮފީ ހަވާލުކުރަނީ.--- ފޮޓޯ: ރާއިފް ޔޫސުފް / އަދަދު ސްޕޯޓްސް

ސާފް 20 އަަހަރުން ދަށުގެ މުބާރާތުގައި އެންމެ ގިނަ ގޯލު ޖެހި ދެ ކުޅުންތެރިން ކަމަށްވާ އިލާން އާއި ދޯދުމްއާ އެފްއޭއެމްގެ ރައީސް، ތޯރިގު ޓްރޮފީ ހަވާލުކުރަނީ.--- ފޮޓޯ: ރާއިފް ޔޫސުފް / އަދަދު ސްޕޯޓްސް

މާލޭގައި ރޭ ނިމުނު 20 އަހަރުން ދަށުގެ ސާފް ޗެމްޕިއަންޝިޕްގެ އެންމެ ގިނަ ގޯލު ޖެހި ކުޅުންތެރިއަކަށް ދޭ ޓްރޮފީ ރާއްޖޭގެ ކެޕްޓަން، މުހައްމަދު އިލާން އިމްރާން އާއި އިންޑިއާގެ އޮމަން ދޯދުމް އަށް ލިބުނުއިރު، އިލާން އަތުން ޓްރޮފީ ނަގައި، ދުދޯން އަށް ދޭން ސާފް އިން ނިންމި މައްސަލަ ވަނީ ހޫނުވެފަ އެވެ. 

ވިހި އަހަރުން ދަށުގެ ސާފް ޗެމްޕިއަންޝިޕްގައި އިލާން އާއި ދޯދުން، ވެސް ވަނީ ޖުމްލަ އެކު، ތިން ގޯލު ޖަހައިފަ އެވެ. އިލާން ތިން ގޯލު ޖެހީ ތިން މެޗުންނެވެ. ދޯދުމް ތިން ގޯލު ޖެހީ ހަތަރު މެޗުންނެވެ. ދެ ކުޅުންތެރިން ވެސް ތިން ގޯލު ޖެހުމުން، ރޭގެ އިނާމް ދިނުމުގެ ރަސްމިއްޔާތުގައި އިލާން އާއި ދޯދުމްއާ، ޓްރޮފީ ހަވާލުކުރީ އެފްއޭއެމްގެ ރައީސް، ގައުމީ ޓީމުގެ ކުރީގެ ފޯވާޑް، އަހުމަދު ތޯރިގު (ޓޮމް) އެވެ. 

ޕެނަލްޓީގައި އިންޑިއާ ބަލިކޮށް ބަންގްލަދޭޝް އިން 20 އަހަރުން ދަށުގެ ސާފް ޗެމްޕިއަންޝިޕް ކާމިޔާބުކޮށްފި

ޕެނަލްޓީ ޖަހައިގެން 4-3 އިން އިންޑިއާ ބަލިކޮށް، ބަންގްލަދޭޝް އިން 20 އަހަރުން ދަށުގެ ސާފް ޗެމްޕިއަންޝިޕްގެ ޗެމްޕިއަންކަން ވަނީ ދިފާއުކޮށްފައި، ބަންގްލަދޭޝް އިން ވަނީ 20 އަހަރުން ދަށަށް 2024 ވަނަ އަހަރު ބޭއްވި މުބާރާތް ކާމިޔާބުކޮށްފައި، އެކަމަކު، މިދިޔަ އަހަރު 19 އަހަރުން ދަށަށް ބޭއްވި މުބާރާތް ކާމިޔާބުކުރީ އިންޑިއާ އިން.

އެންމެ ގިނަ ގޯލު ޖެހި ކުޅުންތެރިޔާގެ ޓްރޮފީ ލިބުމާ އެކު، އިލާން، އެންމެ ފުރަތަމަ ގޮސް ދޯދުމް އަށް ޓްރޮފީ ހަވާލުކުރަން ނިންްމި އެވެ. އެކަމަކު، އެ ވަގުތު ދޯދުމް އެ ޓްރޮފީ އިލާން އަށް ދޫކޮށްލަން ނިންމި އެވެ. އެކަމަކު، ފަހުން އިލާން އަތުގައި ޓްރޮފީ އޮއްވައި، ސާފްގެ އޮފިޝަލަކު އައިސް، އިލާން އަތުން އެ ޓްރޮފީ ނަގައި، ދޯދުމް އަށް ހަވާލުކުރަން ނިންމުމުން، އެ މައްސަލަ ހޫނުވި އެވެ. ރަނގަޅަށް މުއާމަލާތު ކުރުމެއް ނެތި ސާފް އިން ވަކި ފަރާތަކަށް ބުރަވެ، މި ކަމުގައި ގޮތް ނިންމުމުން، އެފްއޭއެމްގެ އޮފިޝަލުން ވެސް ހިތްހަމަނުޖެހުން ފާޅުކުރި އެވެ. 

Advertisement

މި ކަމާ ގުޅޭގޮތުން، އެފްއޭއެމް އިން ސާފްއާ އެކު ވާހަކަ ދެއްކުމަށް ފަހު، މިހާރު ނިންމާފައިވަނީ، ވީ އެންމެ އަވަހަކަށް ސާފް އިން އެ ޓްރޮފީ އިލާންއާ ހަވާލުކުރަން ނިންމައިފަ އެވެ. 

ބައިނަލްއަގުވާމީ ބައެއް މުބާރާތްތަކުގައި އެންމެ ގިނަ ގޯލު ޖަހާ ކުޅުންތެރިޔާ އަށް ދޭ ޓްރޮފީ ދޭއިރު، ދެ ކުޅުންތެރިއަކު ލަނޑުގެ ގޮތުން އެއްވަރުވެއްޖެނަމަ، މަދު މެޗު ނޫނީ މިނެޓް ކުޅެގެން ގިނަ ގޯލު ޖެހި ކުޅުންތެރިޔާ އަށް ވެސް ޓްރޮފީ ދޭ ގޮތަށް ގަވާއިދުތައް ހަދާފައިވެ އެވެ. އެކަމަކު، ސާފް އިން ނިންމީ އެންމެ ގިނަ ގޯލު ޖެހި ދެ ކުޅުންތެރިންނަށް ވެސް ޓްރޮފީ ދޭ ގޮތަށެވެ. އެކަމަކު، އެއް ޓްރޮފީ ހަދާފައި އޮތުމުން، މައްސަލަ ދިމާވީ އެވެ. 

ރޭ ގިނަ އަދަދެއްގެ ސަޕޯޓަރުން ކުރިމަތީގައި ކުޅުނު ސާފް 20 އަހަރުން ދަށުގެ މުބާރާތުގެ ފައިނަލުގައި ފުރިހަމަ ވަގުތު ހަމަވިއިރު، 0-0 އިން އެއްވަރުވުމުން، ޕެނަލްޓީގައި ބަންގްލަދޭޝް މޮޅުވީ 4-3 އިންނެވެ. އިންޑިއާގެ އެންމެ ފަހު ޕެނަލްޓީ ނާކާމިޔާބުވީ ދޯދުމް އަތުންނެވެ. އެކަމަކު، މުބާރާތުގެ މޮޅު ކުޅުންތެރިޔާގެ މަގާމު ލިބުނީ ދޯދުމް އަށެވެ. މުބާރާތުގެ ފެއާޕްލޭ ޓީމަކަށް ރާއްޖެ ހޮވުނުއިރު، އެންމެ މޮޅު ގޯލްކީޕަރަކީ، ބަންގްލަދޭޝްގެ ކީޕަރު އިސްމާއިލް ހުސެއިން ވަނީ މަތަކޮށްފަ އެވެ.  

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox