ބަންގްލަދޭޝް އާއި ބްރެޒިލުން މެޗެއް ކުޅެން މަޝްވަރާކުރަނީ

Aug 24, 2026, 2:17 PM
ބަންގްލަދޭޝް ގައުމީ ފުޓްބޯޅަ ޓީމުގެ މެޗެއްގެ ތެރެއިން އެ ޓީމުގެ ތަރި، ހަމްޒާ ޗޯދުރީ، އެ ގައުމުގެ ފުޓްބޯޅަ ސަޕޯޓަރުންނާ އެކު.

ބަންގްލަދޭޝް ގައުމީ ފުޓްބޯޅަ ޓީމުގެ މެޗެއްގެ ތެރެއިން އެ ޓީމުގެ ތަރި، ހަމްޒާ ޗޯދުރީ، އެ ގައުމުގެ ފުޓްބޯޅަ ސަޕޯޓަރުންނާ އެކު.

ޑާކާ، ބަންގްލަދޭޝް (އޮގަސްޓް 24) - ބަންގްލަދޭޝްގައި ބްރެޒިލާ ދެކޮޅަށް އޮކްޓޫބަރު މަހު ކުރީކޮޅުގައި އެކުވެރިކަމުގެ މެޗެއް ކުޅުމަށްޓަކައި، ބްރެޒިލް ފުޓްބޯޅަ ފެޑެރޭޝަން (ސީބީއެފް)އާ އެކު، ބަންގްލަދޭޝް ފުޓްބޯޅަ ފެޑެރޭޝަން (ބީއެފްއެފް) އިން މަޝްވަރާ ކުރަމުން އަންނަ ކަމަށް ރިޕޯޓްތައް ބުނެފި އެވެ. 

ސެޕްޓެމްބަރު މަހުގެ ދިގު ފީފާ ބްރޭކް (ސެޕްޓެމްބަރު 21 އިން އޮކްޓޫބަރު 6 އަށް) ގެ ތެރޭގައި ބްރެޒިލުން ކުޅޭ ފުރަތަމަ ދެ މެޗު އޮތީ އޮސްޓްރޭލިއާގަ އެވެ. އެއީ، އޮސްޓްރޭލިއާ ގައުމީ ޓީމާ ދެކޮޅަށް، ސެޕްޓެމްބަރު މަހު 25 ވަނަ ދުވަހު ޓައުންސްވިލްގައި އަދި އޭގެ ހަތަރު ދުވަސް ފަހުން، ބްރިސްބޭންގަ އެވެ. 

އޭގެ ފަހުން، އޮކްޓޫބަރު ތިން ވަނަ ދުވަހު، އިންޑިއާގެ ކަލްކަތާގައި އިންޑިއާއާ ދެކޮޅަށް ބްރެޒިލުން ކުޅޭ މެޗު ވަނީ ތާވަލުކޮށްފަ އެވެ. އެ މެޗު ކުޅެން އިންޑިއާ އިން ބޭނުންކުރާ ފެސިލިޓީސްތައް ބެލުމަށްޓަކައި، ބްރެޒިލްގެ ފުޓްބޯޅަ ފެޑެރޭޝަންގެ ޑެލިގޭޝަނެއް ދާދި ފަހުން ވަނީ ކަލްކަތާ އަށް ގޮސްފަ އެވެ. އަދި، ބްރެޒިލާއި އިންޑިއާގެ މެޗު ކުޅޭ ސޯލްޓް ލޭކް ސްޓޭޑިއަމްގެ ކަންކަން ވެސް ވަނީ ބަލައިފަ އެވެ. 

އިންޑިއާގެ ކަލްކަތާގެ ކަންކަން ބެލުމަށް ފަހު، ބްރެޒިލްގެ އެ ޑެލިގޭޝަނުން ވަނީ ބަންގްލަދޭޝަށް ވެސް ގޮސްފަ އެވެ. އަދި، ބަންގްލަދޭޝްގެ ނެޝަނަލް ސްޓޭޑިއަމްގެ ފެސިލިޓީސްތައް ބެލުމަށް ފަހު، ބަޝުންދަރާ ކިންގްސް އެރީނާގެ ކަންކަން ވެސް ވަނީ ޗެކް ކޮށްފަ އެވެ. އަދި، ބަންގްލަދޭޝްގެ ފުޓްބޯޅަ ރައީސް، ތާބިތު އައްވަލްއާ ވެސް ބައްދަލުކުރި އެވެ. 

ބަންގްލަދޭޝްގެ ފުޓްބޯޅަ ފެޑެރޭޝަނުގެ އޮފިޝަލަކާ ހަވާލާދީ އެ ގައުމުގެ މީޑިއާ އިން ރިޕޯޓްކޮށްފައިވާ ގޮތުގައި، ބަންގްލަދޭޝް އާއި ބްރެޒިލުން އޮކްޓޫބަރު މަހު 5 ނޫނީ 6 ވަނަ ދުވަހު. މެޗެއް ކުޅެން އަންނަނީ މަޝްވަރާ ކުރަމުންނެވެ. 

އިންޑިއާ އިން ބްރެޒިލާ ދެކޮޅަށް ކުޅެން އޮތް މެޗާއި އެހެން މެޗުތަކަކަށް ފޯކަސް ކުރަން ފީފާ އާސިއާން ކަޕްގެ ފުރުސަތު ދޫކޮށްލުމުން، އެ ޖާގަ އަށް އާސިއާން ކަޕަށް ދަނީ ބަންގްލަދޭޝް އެވެ. އާސިއާން ކަޕްގެ ކުޅުން ނިމެނީ އޮކްޓޫބަރު މަހު ތިން ވަނަ ދުވަހު އެވެ. އެހެންކަމުން ބަންގްލަދޭޝް އަށް ބްރެޒިލް މެޗު ހަމަޖެއްސެން އޮތީ އާސިއާން ކަޕް ނިމޭއިރަށް ރިކަވަރީ މުއްދަތެއް ދީފަ އެވެ. 

ބަންގްލަދޭޝް އިން މިދިޔަ ޖޫން މަހު ޔޫރަޕްގައި ސެން މެރީނޯއާ ދެކޮޅަށް މެޗެއް ކުޅެފައިވާއިރު، އަމިއްލަ ގައުމުގައި ބޮޑު ގައުމަކާ ދެކޮޅަށް މެޗެއް ކުޅެފައިނުވެ އެެވެ. ބަންގްލަދޭޝްގައި މިހާތަނަށް މެޗެއް ކުޅުނު ދުނިޔޭގެ ނަން މަޝްހޫރު ޓީމަކީ، އާޖެންޓީނާ އެވެ. އެއީ، 2011 ވަަނަަ އަހަރު އާޖެންޓީނާ އިން ނައިޖީރިއާއާ ކުޅުނު މެޗެެވެ. އެ މެޗުގައި، ލިއޮނަލް މެސީ ވެސް ކުޅުނެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox