އެތުލެޓިކޯ ބަލިކޮށް އާސެނަލް 20 އަހަރަށް ފަހު ޗެމްޕިއަންސް ލީގު ފައިނަލަށް

May 6, 2026, 1:54 AM
އެތުލެޓިކޯ ކޮޅަށް ލަނޑު ޖެހުމަށް ފަހު އާސެނަލްގެ ސަކާ އުފާފާޅުކުރަނީ.

އެތުލެޓިކޯ ކޮޅަށް ލަނޑު ޖެހުމަށް ފަހު އާސެނަލްގެ ސަކާ އުފާފާޅުކުރަނީ.

ލަންޑަން (މެއި 6) - އެތުލެޓިކޯ މެޑްރިޑް ބަލިކޮށް އާސެނަލުން 20 އަހަރަށް ފަހު ޔުއެފާ ޗެމްޕިއަންސް ލީގުގެ ފައިނަލުން ޖާގަ ހޯދައިފި އެވެ. 

އާސެނަލުން މިރޭ އަމިއްލަ ދަނޑުގައި ކުޅުނު ދެ ވަަނަ ލެގުން 1-0 އިން މޮޅުވެ، 2-`1 އިން އެގްރިގޭޓުން ވަނީ ކުރިހޯދައިފަ އެވެ. މިދިޔަ ހަފްތާގައި އެތުލެޓިކޯ ދަނޑުގައި މި ދެ ޓީމު ވަނީ 1-1 އިން އެއްވަރުވެފަ އެވެ. މިރޭގެ ދެ ވަނަ ލެގުން މޮޅުވެ، އާސެނަލުން މި ވަނީ 2006 ވަނަ އަހަރުގެ ފަހުން ފުރަތަމަ ފަހަރަށް ޗެމްޕިއަންސް ލީގުގެ ފައިނަލުން ޖާގަ ހޯދައިފަ އެވެ. 

އެމިރޭޓްސް ސްޓޭޑިއަމްގައި ކުޅުނު މެޗު ފަށައިގެން އާސެނަލުން އެޓޭކްކުރަމުންދިޔައިރު، އެ ޓީމުން މެޗުގައި ޖެހި ހަމައެކަނި ގޯލު ފެނިގެން ގޮސްފައިވަނީ، 45 ވަނަ މިނިޓްގަ އެވެ. މިއީ، އާސެނަލްގެ ލެއަންޑްރޯ ޓްރޮސާޑް، އޭރިއާތެރެއިން ފޮނުވާލި ބޯޅަ، އެތުލެޓިކޯގެ ކީޕަރު، ޔެން އޮބްލަކް އަތުގައި ޖެހިފައި ރީބައުންސަށް ނުކުތް ވަގުުތު ބުކާޔޯ ސަކާ ވަނީ ގޯލަށް ބޯޅަ ފޮނުވާލައިފަ އެވެ. 

އާސެނަލުން ފުރަތަމަ ހާފުގައި ލީޑުގައި އޮވެގެން ނިންމާލިއިރު، ދެ ވަނަ ހާފުގެ ކުޅުން ފަށައިގެން މާ ލަސްތަކެއް ނުވެ، އެތުލެޓިކޯ އަށް އެއްވަރުކުރަން ރަނުގެ ފުރުސަތެއް ލިބުނެވެ. އެ ގޮތުން، އާސެނަލްގެ ޑިފެންޑަރުން ފަހަތަށް ޖައްސާލި ބޯޅައެއް ހޯދައި، އެތުލެޓިކޯގެ ޖޫލިއާނޯ ސިމިއޯނީ، ގޯލަށް ބޯޅަ ފޮނުވާލުމުގެ ކުރިން، އާސެނަލްގެ ޑިފެންޑަރު، ގަބްރިއެލް މަގާޅައެސް ވަނީ ސަލާމަތްކޮށްފަ އެވެ.

ލީޑުފުޅާކުރަން ދެ ވަަނަ ހާފުގައި ރަނުގެ ފުރުސަތެއް އާސެނަލަށް ލިބުނެވެ. ބަދަލަކަށް ކުޅެން އެރި އާސެނަލްގެ ޕިއޭރޯ ހިންކަޕިއޭ ނަގައިދިން ހުރަހަކަށް ހުސްކޮށް އަރައި، އާސެނަލްގެ ފޯވާޑް ވިކްޓަ ޔޯކެރޭޝް ފޮނުވާލި ބޯޅަ ދިޔައީ ހުރަސްދަނޑިމަތިންނެވެ. 

މެޗުގެ 84 ވަނަ މިނިޓްގައި ކައުންޓަ އެޓޭކުގައި އެތުލެޓިކޯގެ ފޯވާޑް، އަލެކްސަންޑަ ސޯލޯތަށް ލިބުނު ފުރުސަތުގައި އޭނާ އަށް ބޯޅަ ރަނގަޅަށް ފޮނުވާލެވޭ ގޮތެއްނުވި އެވެ. 

އާސެނަލުން ޗެމްޕިއަންސް ލީގުގެ ފައިނަލަށް ދަތުރު މި ކުރީ އެ ކްލަބްގެ ތާރީހުގައި ދެ ވަނަ ފަހަރަށެވެ. މީގެ ކުރިން، ފައިނަލުގައި ކުޅުނު ފަހަރު، 2006 ވަަނަ އަހަރު ވަނީ ބާސެލޯނާ އަތުން ބަލިވެފަ އެެވެ. މި މަހު 30 ވަނަ ދުވަހު ހަންގޭރީގެ ބުޑަޕެސްޓުގެ ޕުސްކަސް އެރީނާގައި ކުޅޭ ފައިނަލުގައި އާސެނަލާ ދެކޮޅަށް ކުޅޭނީ ފްރާންސްގެ ޗެމްޕިއަން، ޕީއެސްޖީ ނޫނީ ޖަރުމަނުގެ ޗެމްޕިއަން، ބަޔާން މިއުނިކް އެެވެ. ފުރަތަަމަ ލެގުގައި ޕީއެސްޖީ ވަނީ އަމިއްލަ ދަނޑުގައި 5-4 އިން ބަޔާން ބަލިކޮށްފަ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox