ވީބީ ބްރަދާސްއިން އިންޑިއާގެ އިތުބާރުހުރި ބްރޭންޑެއް ކަމަށްވާ "ޒަންޑޫ ޕިއޯ ހަނީ" ރާއްޖޭގެ ބާޒާރަށް ތައާރަފުކޮށްފި އެވެ.
މިއީ ސިއްހަތަށް ފައިދާހުރި، އެއްވެސް ބާވަތެއްގެ ހަކުރެއް ނުހިމެނޭ 100 ޕަސެންޓު ސާފު މާމުއި ބޭނުންކުރަން ބޭނުންވާ ފަރާތްތަކަށް ލިބިގެންދާނެ ވަރަށް ރަނގަޅު ފުރުސަތެކެވެ.
މި މާމުއި، އެންމެ ޒަމާނީ ވަސީލަތްތައް ބޭނުންކޮށްގެން ސާފުކޮށް އަދި ބްލެންޑް ކުރުމަށްފަހު ބަންދުކުރެވެނީ އޭގެ އަސްލު ފައިދާ ނުގެއްލޭނެ ގޮތަށެވެ. މާމުއި ފުޅީގައި ހުންނަ ކިއުއާރް ކޯޑު ސްކޭން ކޮށްގެން އޭގެ ކޮލިޓީއާ ގުޅޭ ސުވާލުތަކަށް ވެސް ޖަވާބު ލިބެ އެވެ.
މާމުއީގެ ކުލައާއި އޮލަމިން ބިނާވެފައިވަނީ ކުޅަނދުރުތައް ޝިކާރަކޮށްފައިވާ މަލުގެ ބާވަތަށެވެ. އެހެންކަމުން، ޒަންޑޫ މާމުއީގެ ކުލަ ގަދަ މުށިކުލައަކުން ފެށިގެން އެމްބަރ ކުލައަކަށް ބަދަލުވުމަކީ އޭގެ ގުދުރަތީ ސިފައެކެވެ.
މާމުއިއަކީ ފްރަކްޓޯޒް އަދި ގްލުކޯޒް ފަދަ "ސިމްޕަލް ކާބޯހައިޑްރޭޓްސް" އެކުލެވޭ އެއްޗަކަށްވުމުން، ވަކި ހާލަތްތަކެއްގައި މާމުއި ގަނޑުވުން ނުވަތަ ކްރިސްޓަލައިޒްވުމަކީ އޭގެ އަސްލުކަން އަންގައިދޭ ގުދުރަތީ ކަމެކެވެ.
ޒަންޑޫ މާމުއި ހާއްސަވާ އެންމެ ބޮޑު ސަބަބަކީ އޭގެ ސާފުކަމެވެ. ކޮންމެ ފުޅިއެއް ބާޒާރަށް ނެރުމުގެ ކުރިން، ޖަރުމަނުވިލާތުގެ އެޑްވާންސް ލެބޯޓްރީތަކުން ޓެސްޓު ހަދައި، އޭގައި އެއްވެސް ވަރަކަށް ހަކުރު އެއްކޮށްފައި ނުވާކަން ކަށަވަރުކުރެ އެވެ.
ޒަންޑޫ މާމުއިއަކީ ހަށިގަނޑަށް ބޭނުންވާ މުހިންމު ފައިދާތަކެއް ލިއްބައިދޭ "ސުޕަ ފުޑް" އެކެވެ.
ހެނދުނު ތާފަނާ ފެނުގައި މާމުއި އަޅައިގެން ބޭނުންކުރުމަކީ ބަރުދަން ކޮންޓްރޯލްކުރުމަށް އެހީތެރިވާ ކަމެއް ހަށިގަނޑުގެ ދިފާއީ ބާރު ގަދަކޮށްދީ ބަލިތަކުން ރައްކާތެރިކޮށްދޭ, ވަރުބަލިކަން ފިލުވައިދީ, ހަށިގަނޑަށް ބޭނުންވާ ހަކަތަ އަވަހަށް ފޯރުކޮށްދޭ އަދި ކެއްސުމާއި ކަރުގައި ރިއްސުމަށް މިއީ ވަރަށް ރަނގަޅު ގުދުރަތީ ފަރުވާއެކެވެ.
ރާއްޖެއަށް ފެންވަރު ރަނގަޅު މުދާ އެތެރެކުރާ ވީބީ ބްރަދާސް އިން ބުނީ، ޒަންޑޫ މާމުއި ތައާރަފުކުރުމުގެ މަގުސަދަކީ ދިވެހިންގެ ކެއިންބުއިމުގެ އާދަކާދަތަކަށް ސިއްހީ ގޮތުން ފައިދާހުރި ބަދަލެއް ގެނައުން ކަމަށެވެ. މިހާރު ވީބީގެ ފިހާރަތަކުންނާއި އެހެނިހެން ފިހާރަތަކުން ޒަންޑޫ މާމުއި ލިބެން ހުންނާނެ އެވެ.
