ރަން ތަށި ހޯދި ގައުމީ ފުޓްސަލް ޓީމަށް ހޫނު މަރުހަބާއެއް

Jan 28, 2026, 1:50 AM
ގައުމީ ފުޓްސަލް ޓީމުގެ ކެޕްޓަން އިންމި (މ) އާއި އެފްއޭއެމްގެ ރައީސް ތޯރިގު (ކ) އަދި މިނިސްޓަރު ރާފިއު ތަށި އުފުލާލަނީ.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ގައުމީ ފުޓްސަލް ޓީމުގެ ކެޕްޓަން އިންމި (މ) އާއި އެފްއޭއެމްގެ ރައީސް ތޯރިގު (ކ) އަދި މިނިސްޓަރު ރާފިއު ތަށި އުފުލާލަނީ.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ދެކުނު އޭޝިއާގެ ގައުމުތަކުގެ މެދުގައި ބޭއްވި ފުރަތަމަ ފުޓްސަލް މުބާރާތް، ސާފް ފުޓްސަލް ޗެމްޕިއަންޝިޕްގެ ތަށި ކުޅުނު ހުރިހާ މެޗަކުން މޮޅުވެ، ސައްތަ އިން ސައްތަ ރެކޯޑަކާ އެކު، ހިފައިގެން އެނބުރި ގައުމަށް އައި، ރާއްޖޭގެ ގައުމީ ފުޓްސަލް ޓީމަށް ހޫނު މަރުހަބާއެއް ކިޔައިފި އެވެ.

ތައިލެންޑުގެ ވެރިރަށް ބެންކޮކުން އިއްޔެ މެންދުރު ދަތުރު ފެށި، ގައުމީ ފުޓްސަލް ޓީމުން ސްރީ ލަންކާގައި ޓްރާންސިޓްވުމަށް ފަހު، އެނބުރި ގައުމަށް އައީ ރެޔެވެ. ވެލާނާ އިންޓަނޭޝަނަލް އެއާޕޯޓުން ފުޓްސަލް ޓީމަށް މަރުހަބާ ދެންނެވީ ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) އާއި، ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ ރައީސް އަހުމަދު ތޯރިގް (ޓޮމް)ގެ އިތުރުން ކުޅިވަރުގެ އިސް ފަރާތްތަކެވެ.

Advertisement

ގައުމީ ފުޓްސަލް ޓީމުގެ ކުޅުންތެރިންގެ އާއިލާ މެމްބަރުންނަށް ވެސް އެއާޕޯޓުގެ ވީއައިޕީގައި ކުޅުންތެރިންނާ ބައްދަލުކުރުމުގެ ފުރުސަތު ފަހިވެފައި އޮތެވެ. އެއާޕޯޓުގެ އިވެންޓަށް ފަހު، ގައުމީ ފުޓްސަލްޓީމުން ބަހުގައި ސޯޝަލް ސެންޓަރަށް އައުމަށް ފަހު، ސޯޝަލް ސެންޓަރުން ފެށިގެން އާޓިފިޝަލް ބީޗަށް އައީ، ލޮރީ ބުރެއްގަ އެވެ. މަޖީދީމަގުން ގިނަ ބަޔެއްގެ ތެެެރެއިން ލާފައި، ލޮރީ ބުރު ކުރިއަށްދިޔައިރު، އެކި ސަޕޯޓަރުންނަށް ތަށީގައި އަތްލުމުގެ ފުރުސަތު ދިނީ ކުޅުންތެރިންނެވެ.

އެ އަށް ފަހު، ޓީމު އެއްކޮށް، އާޓިފިޝަލް ބީޗަށް އައިއިރު، ބޮޑު އިވެންޓަށް އެ ތަނަށް ޖަމާވެ ގިނަ ބަޔަކު ތިއްބެވެ. އޭގެ ތެރޭގައި، ގައުމީ ފުޓްސަލް ޓީމުގެ ކުޅުންތެރިންގެ އާއިލާ މެމްބަރުންނާއި ފުޓްސަލް ސަޕޯޓަރުންނާއި، ރާއްޖޭގެ ފުޓްސަލް އަށް އެކިއެކި ގޮތްގޮތުން، އެހީތެރިވި މީހުން ހިމެނެ އެވެ.

ގައުމީ ފުޓްސަލް ޓީމަށް މަރުހަބާ ކިޔުމަށް ރޭ ބޭއްވި އިވެންޓްގެ ތެރެއިން،---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

މި އުފާފާޅުކުރުމުގެ ކަންކަން ރޭވިފައި އޮތް ހާއްސަ ސްޓޭޖަށް ޓީމުގެ ކުޅުންތެރިންނާއި، އޮފިޝަލުން އެރީ ރަތްދޫލައިގަ އެވެ. ކޮންމެ ކުޅުންތެރިއަކަށް އަދި އޮފިޝަލަކަށް އެ ފުރުސަތު ވަކިވަކިން ދިނެވެ.

ގައުމީ ފުޓްސަލް ޓީމުގެ، ކެޕްޓަން މުހައްމަދު އިމްރާން (އިންމި) ތަށި ހިފައިގެން އަރައި، ސްޕޯޓްސް މިނިސްޓަރު ރާފިއު އާއި އެފްއޭއެމްގެ ރައީސް ޓޮމްއާ އެކު، ރަސްމީކޮށް، އެ ސްޓޭޖު މަތީގައި ހުރެ، ތަށި އުފުލާލައިފަ އެވެ. އިވެންޓްގެ ފަހު ބަޔަކަށް އޮތީ ހަވާ އެރުވުމެވެ. އަދި، ފަހުން، އާންމުންގެ ފަރާތްތަކާ އެކު، ފުޓްސަލް ޓީމުގެ ކުޅުންތެރިންނާއި އޮފިޝަލުން ފޮޓޯ ނެގުން އޮތެވެ.

ގައުމީ ފުޓްސަލް ޓީމަށް މަރުހަބާ ކިޔުމަށް ރޭ ބޭއްވި އިވެންޓްގެ ތެރެއިން.---- ފޮޓޯ: އަދަދު ސްޕޯޓްސް / އިމޭޖަސް،އެމްވީ

ސްޕޯޓްސް މިނިސްޓްރީން އިއްޔެ މީޑިއާ އަށް ހިއްސާކުރި ރޭގެ އެޖެންޑާގައިވާ ގޮތުން، ރޭ 22:00 ގައި ރައީސް، ޑރ. މުހައްމަދު މުއިއްޒު، ޓީމާ ބައްދަލުކުުރުމަށްޓަކައި، އާޓީފިޝަލް ބީޗުން ކުޅުންތެރިންނަށް މަރުހަބާ ދަންނަވާނެ ކަމަށް ހިމަނާފައިވެ އެވެ. އަދި، ޓީމާ އެކު، ގްރޫޕް ފޮޓޯއެއް ނެގުމަށް ފަހު، ރޭގެ އުފާފާޅުކުރުމުގެ އިވެންޓްގައި، 22:06 ގައި، ރައީސް މުއިއްޒު ވާހަކަ ދައްކަވާނެ ކަމަށް ވެސް ޝެޑިއުލްގައި ހިމަނާފައިވެ އެވެ. އެކަމަކު، ރޭގެ އިވެންޓްގައި މީގެއިން އެއްވެސް ބައެއް ކުރިއަށްނުދާއިރު، އެކަމުގެ ސަބަބެއް މިނިސްްޓްރީން އަދި ހާމަކޮށްފައިނުވެ އެވެ.

ރާއްޖޭގެ ގައުމީ ފުޓްބޯޅަ ޓީމުން މިދިޔަ އަހަރުގެ ސާފް ސުޕަ ކަޕް ކާމިޔާބު ކުރުމާއި ގައުމީ ފުޓްސަލް ޓީމުން ސާފް ފުޓްސަލް ޗެމްޕިއަންޝިޕްގެ ޗެމްޕިއަންކަން ހޯދުމާ ގުޅިގެން މި ދެ ޓީމަށް (ކުޅުންތެރިންނާއި އޮފިޝަލުން ހިމެނޭހެން) އެއްކޮށް، އެއް މިލިޔަން ރުފިޔާގެ ބޯނަހެއް ދިނުމަށް ރައީސް މުއިއްޒު ނިންމަވާފައިވާ ކަމަށް ވަނީ އިއުލާނުކުރައްވައިފަ އެވެ.

ރާއްޖޭން މި ފަހަރުގެ ސާފް ފުޓްސަލް ޗެމްޕިއަންޝިޕްގައި، ކުުޅުނު ފުރަތަމަ ތިން މެޗުން ވެސް މޮޅުވީ ފަރަގު ބޮޑުކޮށެެވެ. އެ ގޮތުން، ފުރަތަމަ މެޗުގައި ޕާކިސްތާން އަތުން 7-1 އިން މޮޅުވިއިރު، ދެ ވަނަ މެޗުގައި ބަންގްލަދޭޝް އަތުން 6-1 އިން މޮޅުވި އެވެ. އަދި، ތިން ވަނަ މެޗުގައި، 5-0 އިން އިންޑިއާ ބަލިކޮށް، ވާދަކުރާ ހުރިހާ ޓީމަކަށް ބޮޑު މެސެޖެއް ދިނެވެ. އެކަމަކު، ފަހުން ކުޅުނު ތިން މެޗުގައި، ރާއްޖެ ކައިރިން ނޭޕާލާއި ބޫޓާން އަދި ލަންކާ އިން ޑިފެންސިވްކޮށް ރަނގަޅު ކުޅުމެއް ދައްކައި، ރާއްޖެ އަށް އުނދަގޫތަކެއް ކުރިމަތިކުރި ނަމަވެސް އެ ދެ މެޗުން ވެސް ރާއްޖޭން ކުރިހޯދި އެވެ. ނޭޕާލް އަތުން 2-1 އިން އަދި، ބޫޓާންގެ މައްޗަށް 3-1 އިންނެވެ. އަދި، މިއަދު، ލަންކާ އަތުން 5-2 އިން ވަނީ މޮޅުވި އެވެ.

ރޭގެ އިވެންޓްގެ އިންތިޒާމްތަކުގައި، ގައުމީ ފުޓްސަލް ޓީމުގެ މި ކާމިޔާބީ އަށް ހައްގުވާ މިންވަަރަށް ކަންކަން ރޭވިފައި ނުވާ ކަމަށް ބުނެ، އެކި ފަރާތްތަކުން ވަނީ ސޯޝަލް މީޑިއާގައި ޝުއޫރުފާޅުކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox