އުމެއިރު ތާރީހީ ކާމިޔާބީ ހާއްސަކުރީ ސާންތީ، އިފްރާ އަދި ބަކާ އަށް

Jan 26, 2026, 10:11 PM
އުމެއިރު ތާރީހީ ކާމިޔާބީ ހާއްސަކުރީ ސާންތީ، އިފްރާ އަދި ބަކާ އަށް

އިއްޔެ އަކީ، ފުޓްބޯޅަ ކުޅުންތެރިއެއްގެ ގޮތުގައި، ސާފް ޗެމްޕިއަންޝިޕްގެ ޗެމްޕިއަންކަން، 2008 ވަނަ އަހަރު ހޯދި މުހައްމަދު އުމެއިރު، ފުޓްބޯޅައިގެ މެނޭޖްމަންޓުގައި ކުރިއަށްދިއުމަށް ބޮޑު ފިޔަވަޅެއް އެޅި ދުވަހެކެވެ. ރާއްޖޭން ސަރަހައްދުގެ ރަން ތަށި، ފުޓްބޯޅައިންނާއި ފުޓްސަލް އިން ހޯދިއިރު ވެސް ޓީމުގައި، ލ. ކުނަހަންދު އަށް އުފަން އުމެއިރުގެ ހިއްސާ އެބައޮތެވެ. ފުރަތަމަ ކުޅުންތެރިއެއްގެ ގޮތުގަ އެވެ. މި ފަހަރު، ކުޅަދާނަ މެނޭޖަރެއްގެ ގޮތުގަ އެވެ.

ކުޅުމުގެ ކެރިއެރުގައި ދެމިހުއްޓައި، ލިބުނު ފުރުސަތެއްގެ ބޭނުންހިފައި، ފުޓްބޯޅަ އަށް ހިދުމަތް ކޮށްދިނުމަށް އުމެއިރަށް ފުރުސަތު ހުޅުވުނީ، އެފްއޭއެމްގެ ހިންގާ ކޮމިޓީގެ މެމްބަރެއްގެ ގޮތުގަ އެވެ.

Advertisement

އެފްއޭއެމްގެ ރައީސް އަހުމަދު ތޯރިގު (ޓޮމް)ގެ ލީޑަޝިޕަށް ފުރިހަމަ ޔަގީންކަން އޮންނަ ފަރާތްތަކާ ގައުމީ ޓީމުގެ މެނޭޖަރުކަން ހަވާލުކުރަމުންދިޔައިރު، އުމެއިރު ހަވާލުވީ ގައުމީ ފުޓްސަލް ޓީމުގެ މެނޭޖަރުކަމާ އެވެ.

އުމެއިރު، ގައުމީ ފުޓްސަލް ޓީމުގެ މެނޭޖަރަކަށް ފުރަތަމަ ކުރި ތަޖުރިބާ އަކީ މިޔަންމާގައި ކުރިއަށްދިޔަ، އޭޝިއަން ކަޕް ކޮލިފައިންގަ އެވެ. އޭގެއިން ތަޖުރިބާ ހޯދައި، ދެ މަސް ދުވަސް ވަންދެން ރަނގަޅު ވިސްނުމުގައި، ޓީމު ބެލެހެއްޓުމުގެ ޒިންމާ ނެގި އުމެއިރަށް އިއްޔެ އަކީ ހާއްސަ ދުވަހެކެވެ. އާ ޒިންމާއެއްގައި ހުރެ ވެސް ރަން ވަނައެއް ގައުމަށް ހޯދައިދިނީ އެވެ.

އެ ކާމިޔާބީ ރަމްޒު ކޮށްދޭ މެޑަލް ކަރުގައި އަޅާލައިގެން ހުރެ، އުމެއިރު އިސްވެ ގެންގުޅުނީ ގައުމީ ފުޓްސަލް ޓީމުގެ ތިން ޖޯޒީ އެވެ. ތިން ޖޯޒީގައި ޖަހާފައިވަނީ، އުމެއިރުއާ އެކު ގައުމީ ޓީމަށް ކުޅުނު ގޯލްކީޕަރު އިފްރާހު އަރީފް (އިފްރާ) އާއި މުހައްމަދު އާރިފް (ބަކާ)ގެ އިތުރުން، އުމެއިރުގެ ކެރިއަރަށް މުހިންމު އެއްބާރުލުމެއް ދިން ކޯޗު އިހުސާން އަބްދުލް ގަނީ (ސާންތީ) އެވެ.

މި ތިން ފަރާތަކީ ވެސް މިދިޔަ ދެ އަހަރެއްހާ ދުވަސް ތެރޭ ދުނިޔެ ދޫކޮށްދިޔަ ތިން ފަރާތެވެ. މިދިޔަ އަހަރު ސާންތީ ނިޔާވީ ކެންސަރަށް ފަރުވާ ހޯދަމުން ދަނިކޮށެވެ. އިފްރާ ނިޔާވީ ސްޓްރޯކެއް ޖެހިގެންނެވެ. އަދި، މީގެ އެއް އަހަރު ކުރިން ބަކާ ވަކިވެދިޔައީ، ހައްޖުގެ މާތް އަޅުކަން އަދާކޮށް އެނބުރި އައިތާ ދުވަސްކޮޅެއްގެ ތެރޭގައި ބަލިވެ އުޅެނިކޮށެެވެ.

އުމެއިރަށް 16 އަހަރުން ދަށުގެ ގައުމީ ޓީމުގައި ކޯޗުކޮށްދީ ޕްރޮފެޝަނަލްކޮށް ފުޓްބޯޅަ ކުޅެވިދާނެ ކަމުގެ ޔަގީންކަން ދިން އެއް ފަރާތަކީ ސާންތީ އެވެ. އަދި، ކެރިއަރުގައި ކުރިއަށްދާން އަތުގައި ހިފައިގެން ފުރަތަމަ ބޮޑު ފިޔަވަޅު ކުރިއަށް އަޅައިދީ މަގުދައްކައިދިން އެހީތެރިއަކީ ކޯޗު ސާންތީ އެވެ. ބަކާ އަކީ ގައުމީ ޓީމުގައި އުމެއިރުގެ އިތުރުން ހުރިހާ ކުޅުންތެރިންނާ އެކު ވެސް ގާތްކޮށް އުޅުނު ކުޅުންތެރިއެކެވެ. އުމެއިރުގެ ހަނދާނަކީ ވެސް އެއީ އެވެ. އަދި، އިފްރާއާ އެކު، އުމުރުން 15 އަހަރުން ފެށިގެން އެކުވެރިކަން ދަމަހައްޓަައި، އަބަދުވެސް އޭނާއާ ގާތްކޮށް އުމެއިރު އުޅުނެވެ.

އުމެއިރު ބުނީ، ބަކާ، ސާންތީ އަދި އިފްރާގެ ހަނދާންތައް އަބަދުވެސް އޭނާއާ އެކުގައިވާނެ ކަމަށެެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox