ސާފް ކާމިޔާބުވެއްޖެ، ރާއްޖެ ދެން ވިސްނަންވީ އޭޝިއަން ކަޕް ކޮލިފައިން އަށް: ގައުމީ ކޯޗު

ގައުމީ ފުޓްސަލް ޓީމުގެ ކޯޗު ފާރޫކް ޒަކީރޯވް މުބާރާތުގެ ތަށި ހިފައިގެން.---- ފޮޓޯ: އަބްދުﷲ އަބީދު / އަދަދު ސްޕޯޓްސް

ގައުމީ ފުޓްސަލް ޓީމުގެ ކޯޗު ފާރޫކް ޒަކީރޯވް މުބާރާތުގެ ތަށި ހިފައިގެން.---- ފޮޓޯ: އަބްދުﷲ އަބީދު / އަދަދު ސްޕޯޓްސް

ބޭނުންވި ޓާގެޓާ އެކު، ހުރިހާ މެޗަކުން މޮޅުވެ، ސާފް ފުޓްސަލް ޗެމްޕިއަންޝިޕްގެ ތަށި ރާއްޖެ އަށް ކާމިޔާބުކުރެވިއްޖެ ކަމަށާއި މި މަސައްކަތް ހުއްޓާނުލައި، އިތުރަށް ކަންކަން ރަނގަޅުކޮށްގެން ދެން، ރާއްޖޭން ވިސްނަންވީ އޭޝިއަން ކަޕް ކޮލިފައިން އަށް ކަމަށް ގައުމީ ފުޓްސަލް ކޯޗު، އުޒްބެކިސްތާންގެ ފާރޫކް ޒަކީރޯވް ބުނެފި އެވެ.

ދެކުނު އޭޝިއާގެ ގައުމުތަކަށް ބޭއްވި ފުރަތަމަ ފުޓްސަލް މުބާރާތުގެ ތަށި ރާއްޖޭން ހޯދީ ސައްތަ އިން ސައްތަ ރެކޯޑަކާ އެކު ކުޅުނު ހުރިހާ މެޗަކުން ވެސް މޮޅުވެގެންނެވެ.

ރާއްޖޭން މި ފަހަރުގެ ސާފް ފުޓްސަލް ޗެމްޕިއަންޝިޕްގައި، ކުުޅުނު ފުރަތަމަ ތިން މެޗުން ވެސް މޮޅުވީ ފަރަގު ބޮޑުކޮށެެވެ. އެ ގޮތުން، ފުރަތަމަ މެޗުގައި ޕާކިސްތާން އަތުން 7-1 އިން މޮޅުވިއިރު، ދެ ވަނަ މެޗުގައި ބަންގްލަދޭޝް އަތުން 6-1 އިން މޮޅުވި އެވެ. އަދި، ތިން ވަނަ މެޗުގައި، 5-0 އިން އިންޑިއާ ބަލިކޮށް، ވާދަކުރާ ހުރިހާ ޓީމަކަށް ބޮޑު މެސެޖެއް ދިނެވެ. އެކަމަކު، ފަހުން ކުޅުނު ތިން މެޗުގައި، ރާއްޖެ ކައިރިން ނޭޕާލާއި ބޫޓާން އަދި ލަންކާ އިން ޑިފެންސިވްކޮށް ރަނގަޅު ކުޅުމެއް ދައްކައި، ރާއްޖެ އަށް އުނދަގޫތަކެއް ކުރިމަތިކުރި ނަމަވެސް އެ ދެ މެޗުން ވެސް ރާއްޖޭން ކުރިހޯދި އެވެ. ނޭޕާލް އަތުން 2-1 އިން އަދި، ބޫޓާންގެ މައްޗަށް 3-1 އިންނެވެ. އަދި، މިއަދު، ލަންކާ އަތުން 5-2 އިން ވަނީ މޮޅުވި އެވެ.

ލަންކާ އަތުން އިއްޔެ މޮޅުވި މެޗަށް ފަހު، ކޯޗު ފާރޫކް ބުނެފައިވަނީ، ހުރިހާ ކަމަކަށް ވެސް ވަރަށް ބޮޑަށް ޝުކުރުވެރިވާ ކަމަށެެވެ. އަދި، ޓީމަކާ ހަވާލުވެ، މުބާރާތަކާ ކުރިމަތިލާއިރު، އެހެން ހުރިހާ ޓީމަކުން އެއީ ފޭވަރިޓް ކަމަށް ބުނުމަކީ، ކުރަން ހުރި މަސައްކަތަށް އޮންނަ ޗެލެންޖެއް ކަމަށް ފާރޫކް ވަނީ ބުނެފަ އެވެ.

"އެއީ، ކޮންމެ ޓީމަކުން ވެސް އެ ޓީމަކާ ދެކޮޅަށް ނުކުންނާނީ 100 ޕަސެންޓް ތައްޔާރުވެގެން. އަހަރެމެންގެ ފަހު ދެ މެޗު ވެސް މިދިޔައީ ވަރަށް އުނދަގޫކޮށް ހަގީގަތުގައި ކުޅެން ބެލިއިރު، ބޫޓާނާއި ސްރީ ލަންކާ ކައިރީގައި، އެކަމަކު، މި މެޗު ތަަކުން ވެސް މޮޅުވީމަ އަހަރެން ވަރަށް އުފަލުން މި ހުރީ،" ފާރޫކް ބުންޏެވެ.

އޭނާ ބުނީ، ރާއްޖޭގެ ހުރިހާ ރައްޔިތުންނަށް ޝުކުރު އަދާކުރަން ބޭނުންވާ ކަމަށާއި އޭގެ ތެރޭގައި، ހާއްސަކޮށް، ސްޕޯޓްސް މިނިސްޓަރާއި ފުޓްބޯޅަ ފެޑެރޭޝަނުގެ ހުރިހާ ސްޓާފުންނާއި ޓިމުގެ ކޯޗިން ސްޓާފުން ވެސް ފާހަގަކުރަން ޖެހޭ ކަމަށެވެ.

"ޖުމްލަކޮށް ހުރިހާ ދިވެހިންނަށް ޝުކުރު އަދާކުރަން، މި މޮޅަަށްޓަކައި، މިއީ ފުރަތަމަ މުބާރާތް މި މުބާރާތް ކާމިޔާބުކުރެވުނީމަ ވަރަށް އުފާވޭ. މުބާރާތުގެ ކުރިން އަހަރެެމެން ކަނޑައެޅީ 18 ޕޮއިންޓް ހޯދަން. އަލްހަމްދުލިއްލާހި އެކަން ހާސިލްވެއްޖެ، ވަރަށް އުފާވޭ،" ފާރޫކް ބުންޏެވެ.

ޑިސެމްބަރު މަހު ފުރަތަމަ ހަފްތާ ތެރޭގައި، ގައުމީ ފުޓްސަލް ޓީމުގެ ޕްރެކްޓިހާ ގުޅި، ފާރޫކް ވަނީ މަހެއްހާ ދުވަހު ހުޅުމާލޭ ރެހެންދި ފުޓްސަލް ދަނޑުތަކުގައި ގައުމީ ޓީމުގެ ޕްރެކްޓިސް ބާއްވައިފަ އެވެ. އަދި، މުބާރާތުގެ ކުރިން ޗައިނާގައި 10 ދުވަހުގެ ޓްރެއިނިން ކޭމްޕެއް އިންޑޯ ޕިޗްގައި ކުރިއަށްގެންދިޔަ އެެވެ.

އުޒްބެކިސްތާން ގައުމީ ޓީމަށް ކުރިން ކުޅުނު ފާރޫކް ބުނީ، ފުރަތަމަ ރާއްޖެ އައިސް ވެސް ފާހަގަކުރެވުނީ ކުޅުންތެރިންގެ ހުނަރު ކަަމަށާއި، އެކަމަކު، ފުޓްސަލް ކުޅެން ބޭނުންވާ ހުނަރު ރަނގަޅުކުރަންޖެހޭކަން އެނގިގެންދިޔަ ކަމަށެވެ.

"ސަބަބަކީ، ތަފާތު ޕިޗެއްގައި (އިންޑޯގައި) ކުޅުން ވާނީ ވަރަށް އުނދަގޫ ކަމަކަށް. އަހަންނަށް މިހާރު އަހަންނަށް އިހުސާސްވޭ ތައްޔާރުވާން ކުރެވުނު ހުރިހާ މަސައްކަތް ވެސް ރަނގަޅުކަން. ކުޅުންތެރިން ތައްޔާރުވުމުގައި، ކުޅުންތެރިންގެ މޫޑު ހުރިގޮތް ވެސް ރަނގަޅު، އަހަރެމެންނަކީ ޗެމްޕިއަނުން މިހާރު، އެއީ މީގެ ރަނގަޅަކީ،" ފާރޫކް ބުންޏެވެ.

"އަހަރެެމެންގެ ޓާގެޓް މި ފަހަރު ހާސިލްވެއްޖެ، އެކަމަކު، މި މަސައްކަތް ކުރިއަށްގެންދަން ޖެހޭ. ދެން، މިހާރު ހުރިހާ ޓީމަކަށް ވެސް ފެންނާނެ ރާއްޖެ އަކީ ވަރުގަދަ ޓީމެއް ގޮތަށް. އެ މީހުން ހުރިހާ މެޗަކުން މޮޅުވެއްޖެއޭ. އޭޝިއަން ކޮލިފަޔާސް ދެން އޮތް ހަރުފަތަކީ ރާއްޖެ އަށް. ރަނގަޅު ޓީމެއް ތައްޔާރުކުރުން ވަރަށް މުހިންމު، މި މުބާރާތުގެ އަލީގައި އެކަން ފެށިދާނެ،"

ކުރިއަށް އޮތްތަނުގައި ވެސް ރާއްޖޭގެ ގައުމީ ކޯޗެއްގެ ގޮތުގައި ފެނިދާނެތޯ އެހުމުން ފާރޫކް ބުނީ، އެއީ ފަހުން ވިސްނާނެ ކަމެއް ކަމަށް ބުނެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox