ސްޕޯޓްސް މިނިސްޓްރީން ބުނެފައި އޮތަސް ފުޓްސަލް ޓީމަށް މަރުހަބާ ކިޔަން މުއިއްޒު ދާން ހަމަޖެހިފައެއް ނެތް: ރައީސް އޮފީސް

ރައީސް މުހައްމަދު މުއިއްޒު: ފުޓްސަލް ޓީމަށް މަރުހަބާ ކިޔަން އެމަނިކުފާނު ނުދިޔައީ އެކަން ހަމަޖެހިފައި ނެތުމުން ކަމަށް ރައީސް އޮފީހުން ވަނީ ބުނެފަ ---- ފޮޓޯ: އަދަދު

ރައީސް މުހައްމަދު މުއިއްޒު: ފުޓްސަލް ޓީމަށް މަރުހަބާ ކިޔަން އެމަނިކުފާނު ނުދިޔައީ އެކަން ހަމަޖެހިފައި ނެތުމުން ކަމަށް ރައީސް އޮފީހުން ވަނީ ބުނެފަ ---- ފޮޓޯ: އަދަދު

ދެކުނު އޭޝިއާގެ ގައުމުތަކުގެ މެދުގައި ބޭއްވި ފުރަތަމަ ފުޓްސަލް މުބާރާތް، ސާފް ފުޓްސަލް ޗެމްޕިއަންޝިޕްގެ ތަށި ހިފައިގެން އެނބުރި ގައުމަށް އައި، ރާއްޖޭގެ ގައުމީ ފުޓްސަލް ޓީމަށް ރަސްމީކޮށް މަރުހަބާ ކިޔުއްވާނީ ރައީސް މުހައްމަދު މުއިއްޒު ކަމަށް ސްޕޯޓްސް މިނިސްޓްރީން ބުނި ނަމަވެސް ރޭގެ އިވެންޓުގައި އެމަނިކުފާނު ބައިވެރިވެވަޑައި ނުގަތީ އެކަން ހަމަޖެހިފައި ނެތުމުން ކަމަށް ރައީސް އޮފީހުން ބުނެފި އެވެ.

ރޭ އާޓިފިޝަލް ބީޗުގައި ބޭއްވި އިވެންޓާއި ގުޅޭގޮތުން ސްޕޯޓްސް މިނިސްޓްރީން މީޑިއާތަކާއި ހިއްސާކުރި މައުލޫމާތުގައި ބުނެފައިވާ ގޮތުން ރޭގެ އިވެންޓަށް މުއިއްޒު ވަޑައިގަންނަވަން ހަމަޖެހިފައި އޮތީ 10:00 ގަ އެވެ.

މުއިއްޒު ވަޑައިގެން ޓީމަށް މަރުހަބާ ދެންނެވުމަށްފަހު ހަވާ އެރުވުން އޮންނާނެ ކަމަށާއި އެއަށްފަހު ޓީމާއި އެތަނަށް އެއްވެ ތިބި މީހުންނާ މުހާތަބުކޮށް އެމަނިކުފާނު ވާހަކަ ދައްކަވާނެ ކަމަށް ވެސް، ސްޕޯޓްސް މިނިސްޓްރީގެ އޮފިޝަލުން އެ މިނިސްޓްރީގެ މީޑިއާ ގްރޫޕަށް ފޮނުވި މެސެޖުގައި ބުނެފައިވެ އެވެ.

Advertisement

ނަމަވެސް، ރޭ އާޓިފިޝަލް ބީޗުގައި ބޭއްވި އިވެންޓުގައި މުއިއްޒު ބައިވެރިވެވަޑައިގެންފައެއް ނުވެ އެވެ. ޓީމަށް މަރުހަބާ ދެންނެވީ ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) އާއި، ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ ރައީސް އަހުމަދު ތޯރިގް (ޓޮމް) އެވެ.

މުއިއްޒު އިވެންޓަށް ވަޑައިނުގެންނެވީ ކީއްވެތޯ ސުވާލުކުރުމުން ރައީސް އޮފީހުގެ ސްޓްރެޓެޖިކް ކޮމިއުނިކޭޝަން މިނިސްޓަރު، އިބްރާހީމް ހަލީލް ވިދާޅުވީ ގައުމީ ފުޓްސަލް ޓީމަށް މަރުހަބާ ދަންނަވަން، މުއިއްޒު ވަޑައިގަންނަވާ ގޮތަށް ހަމަޖެހިފައި ނެތް ކަމަށެވެ.

ސްޕޯޓްސް މިނިސްޓްރީން މުއިއްޒު ވަޑައިގަންނަވާނެ ކަމަށް ބުނީ ކީއްވެތޯ އެހުމުން ހަލީލު ވިދާޅުވީ އެކަން ސާފުކުރަން ޖެހޭނީ އެ މިނިސްޓްރީން ކަމަށެވެ.

ތައިލެންޑުގެ ވެރިރަށް ބެންކޮކުން އިއްޔެ މެންދުރު ދަތުރު ފެށި، ގައުމީ ފުޓްސަލް ޓީމުން ސްރީ ލަންކާގައި ޓްރާންސިޓްވުމަށް ފަހު، އެނބުރި ގައުމަށް އައީ ރެޔެވެ. މިނިސްޓަރު ރާފިއު އާއި ތޯރިގުގެ އިތުރުން ކުޅުންތެރިންގެ އާއިލާއިން ޓީމަށް އެއާޕޯޓުން މަރުހަބާ ކިޔެވެ.

ގައުމީ ފުޓްސަލް ޓީމުގެ ކުޅުންތެރިންގެ އާއިލާ މެމްބަރުންނަށް ވެސް އެއާޕޯޓުގެ ވީއައިޕީގައި ކުޅުންތެރިންނާ ބައްދަލުކުރުމުގެ ފުރުސަތު ފަހިވެފައި އޮތެވެ.

އެއާޕޯޓުގެ އިވެންޓަށް ފަހު، ގައުމީ ފުޓްސަލްޓީމުން ބަހުގައި ސޯޝަލް ސެންޓަރަށް އައުމަށް ފަހު، ސޯޝަލް ސެންޓަރުން ފެށިގެން އާޓިފިޝަލް ބީޗަށް އައީ، ލޮރީ ބުރެއްގަ އެވެ. މަޖީދީމަގުން ލޮރީ ބުރު ކުރިއަށްދިޔައިރު، އެކި ސަޕޯޓަރުންނަށް ތަށީގައި އަތްލުމުގެ ފުރުސަތު ދިނީ ކުޅުންތެރިންނެވެ. ނަމަވެސް، މަގުގައި އުންމީދުކުރި ވަރަށް އާންމުން އެއްވެފައެއް ނުވެ އެވެ.

އެ އަށް ފަހު، ޓީމު އެއްކޮށް، އާޓިފިޝަލް ބީޗަށް އައިއިރު، ބޮޑު އިވެންޓަށް އެ ތަނަށް ޖަމާވެ ގިނަ ބަޔަކު ތިއްބެވެ. އެ ސަރަހައްދުގައި ވެސް، ގައުމީ ޓީމަށް މަރުހަބާ ކިޔަން ނުކުންނާނެ ކަމަށް ބެލެވުނު ވަރަށް މީހުން އެއްވެފައެއް ނުވެ އެވެ.

އާޓިފިޝަލް ބީޗުގައި އެއްވެފައި ތިބި މީހުންގެ ތެރޭގައި، ގައުމީ ފުޓްސަލް ޓީމުގެ ކުޅުންތެރިންގެ އާއިލާ މެމްބަރުންނާއި ފުޓްސަލް ސަޕޯޓަރުންނާއި، ރާއްޖޭގެ ފުޓްސަލް އަށް އެކިއެކި ގޮތްގޮތުން، އެހީތެރިވި މީހުން ހިމެނެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox