ރާއްޖެ ބަލިކޮށް ބަންގްލަދޭޝް އިން ސާފް ވިމެންސް ފުޓްސަލް ޗެމްޕިއަންޝިޕް ޗެމްޕިއަންކަން ހޯދައިފި

Jan 25, 2026, 5:30 AM
ބަންގްލަދޭޝްގެ ކުޅުންތެރިން ތަށްޓާ އެކު އުފާފާޅުކުރަނީ.---- ފޮޓޯ: އަދަދު ސްޕޯޓްސް

ބަންގްލަދޭޝްގެ ކުޅުންތެރިން ތަށްޓާ އެކު އުފާފާޅުކުރަނީ.---- ފޮޓޯ: އަދަދު ސްޕޯޓްސް

ރާއްޖޭގެ މައްޗަށް 14-2 އިން ކުރިހޯދައި، ބަންގްލަދޭޝް އިން ސާފް އިން ފުރަތަމަ ފަހަރަށް ބޭއްވި ސާފް ވިމެންސް ފުޓްސަލް ޗެމްޕިއަންޝިޕްގެ ޗެމްޕިއަންކަން ހޯދައިފި އެވެ.

ބަންގްލަދޭޝް އިން މުބާރާތް ކާމިޔާބުުރީ މެޗަކުން ބަލިނުވެ، ކުޅުނު ހަ މެޗުގެ ތެރެއިން ފަސް މެޗުން މޮޅުވެގެންނެވެ. ބަންގްލަދޭޝް އިން ވަނީ ހަ މެޗުން 16 ޕޮއިންޓް ހޯދައިފަ އެވެ.

ބަންގްލަދޭޝް އިން ފުރަތަމަ މެޗުގައި އިންޑިއާ އަތުން 3-1 އިން މޮޅުވިއިރު، ދެ ވަނަ މެޗުގައި ބޫޓާނާ 3-3 އިން އެއްވަރުވި އެވެ. ތިން ވަަނަ މެޗުގައި، ނޭޕާލް އަތުން 3-0 އިން މޮޅުވެ، ހަތަރު ވަނަ މެޗުގައި، ސްރީ ލަންކާ އަތުން 6-3 އިން މޮޅުވި އެވެ. އަދި، ރާއްޖެއާ ކުޅުމުގެ ކުރިން އެންމެ ފަހުން ޕާކިސްތާނާ ދެކޮޅަށް ނުކުމެ، 9-1 އިން ބަންގްލަދޭޝް މޮޅުވި އެވެ.

ރާއްޖޭން ކެޕްޓަން، ފާތިމަތު ޝާލިޔާ ނުލައި ކުޅުނު މި މެޗުގައި ޓީމު ލީޑުކުރީ ވައިސް ކެޕްޓަން، މަރިޔަމް ނޫރާ އެވެ. ހުއަމާކް އިންޑޯ ސްޓޭޑިއަމްގައި ކުޅުނު މިއަދުގެ މެޗުގައި ރާއްޖޭން ލީޑުނެގީ ރާނިޔާ އިބްރާހިމް ފޮނުވާލި ބޯޅައެއް ހުއްޓުވަން އުޅުމުގެ ތެރޭގައި ބަންގްލަދޭޝްގެ މަސޫރާ ޕަރްވީން އަތުން ބައިކޮޅަށް ވަން ގޯލަކުންނެވެ.

ބަންގްލަދޭޝް އަށް އެއްވަރުކޮށްދިނީ އެ ޓީމުގެ ކެޕްޓަން ސަބީނާ ކަތުން ޖެހި ހިލޭ ޖެހުމުންނެވެ. އަދި، ލީޑުނަގަން ލިބުނު ޕެނަލްޓީއަކުން ސަބީނާ އަތުން ބޭކާރުވި އެވެ. އެކަމަކު، ސަބީނާ ވަނީ ފުރަތަމަ ހާފުގައި ހިލޭ ޖެހުމަކުން އިތުރު ގޯލެއް ޖަހައިފަ އެވެ.

ފުރަތަމަ ހާފުގައި ބަންގްލަދޭޝް އިން 6-1 އިން ނިންމާލިއިރު، އެ ޓީމުގެ އަނެއް ލަނޑުތައް ޖެހީ، ލިޕީ އަކްތަރު ދެ ގޯލާއި ސްރިމޯތީ ކްރިޝްނަރާނީ އާއި ނޯސޯން ޖަހާން ޖެހި ލަނޑުތަކުންނެވެ.

ދެ ވަނަ ހާފުގެ ކުޅުން ފެށިތާ މާގިނައިރެއްނުވެ، ސަބީނާ ވަނީ ހާފުގެ މެދެއްހާ ހިސާބުން ތިރިތިރިން ގޯލަށް ބޯޅަ ފޮނުވާލައިގެން އޭނާގެ ހެޓްރިކް ފުރިހަަމަކޮށްފަ އެވެ. އިރުކޮޅެއް ފަހުން، ބަންގްލަދޭޝްގެ މަތުސުޝިމާ ސުމައްޔާ ވަނީ ރާއްޖޭގެ ކީޕަރު ސާއިގާ ހުސެއިން ކައިރިން ނައްޓާފައި، ގޯލަށް ބޯޅަ ފޮނުވާލައިގެން، ބަންގްލަދޭޝްގެ އަށް ވަނަ ލަނޑު ޖަހައިފަ އެވެ.

ބަންގްލަދޭޝްގެ ނުވަ ވަނަ ލަނޑު ޖެހީ އޭރިއާބޭރުން ފޮނުވާލި ހަމަލާއަކުން ސަބީނާ އެވެ. މި ލަނޑާ އެކު، އޭނާ މުބާރާތުގައި ޖެހި ގޯލުގެ އަދަދު ވަނީ 14 އަށް އަރައިފަ އެވެ.

ގޯލުގެ ދުރު ކަނަށް ބޯޅަ އަމާޒުކޮށްލައިގެން ނިލޫފާ ޔާސްމީން، ބަންގްލަދޭޝްގެ 10 ވަނަ ލަނޑު ޖެހިއިރު، އޭގެ ފަހުން، ބަދަލަަކަށް ކުޅެން އަރައި، މެހެނޫރު އަކްތަރު ދެ ގޯލު ޖެހި އެވެ. އަދި، ސްރިމޯތީ އާއި މަސޫރާ ވެސް ވަނީ ލަނޑު ޖަހައިފަ އެވެ.

ރާއްޖެ އަށް މި ހާފުގައި އެންމެ ރަނގަޅު ހަމަލާއެއް ފުރަތަމަ ފޮނުވާލީ ރާނިޔާ އެވެ. އޭރިއާބޭރުން ރާނިޔާ ޖެހި ޝޮޓް ބޭރުވީ ހުރަސްދަނޑީގައި ޖެހިފަ އެވެ. އަދި، މެޗުގެ ފަހު މިނިޓްގައި ނޫރާ ވަނީ ރާއްޖޭގެ ދެ ވަނަ ލަނޑު ޖަހައިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox