ސާފް ފުޓްސަލް: ފޯރިގަދަ މެޗަކަށް ފަހު ލަންކާ އަށް ރާއްޖެ އަތުން މޮޅެއް

Jan 23, 2026, 11:57 AM
ލަންކާގެ އިމޭޝާ އަތުން ބޯޅަ ހޯދަން ރާއްޖޭގެ ނޫރާ މަސައްކަތް ކުރަނީ.---- ފޮޓޯ: އަބްދުﷲ އަބީދު / އަދަދު ސްޕޯޓްސް

ލަންކާގެ އިމޭޝާ އަތުން ބޯޅަ ހޯދަން ރާއްޖޭގެ ނޫރާ މަސައްކަތް ކުރަނީ.---- ފޮޓޯ: އަބްދުﷲ އަބީދު / އަދަދު ސްޕޯޓްސް

ސާފް ވިމެންސް ފުޓްސަލް ޗެމްޕިއަންޝިޕްގައި މިއަދު ހަވީރު ކުޅުނު ފޯރިގަދަ މެޗަކަށް ފަހު ސްރީ ލަންކާ އިން ރާއްޖެ އަތުން 7-6 އިން މޮޅުވެއްޖެ އެވެ.

ރާއްޖޭން ފުރަަތަމަ ކުޅުނު ހަތަރު މެޗުން ވަނީ ބަލިވެފަ އެވެ. ލަންކާ އިން ފުރަަތަމަ ކުޅުނު ހަތަރު މެޗުގެ ތެރެއިން، ނޭޕާލާ ވަނީ އެއްވަަރުވެފަ އެވެ. މި މެޗަށް ނުކުތްއިރު، މި ދެ ޓީމަކީ މުބާރާތުގައި މެޗަކުން މޮޅުނުވެވި އޮތް ދެ ޓީމެވެ. އެހެންކަމުން، ދެ ޓީމުން ވެސް ވަަރަށް ބޮޑަށް އެޓޭކަށް ޖެހިގެން ކުޅެމުންދިއުމުގެ ނަތީޖާ އަކަށްވީ ގިނަ ގޯލުތަކެއް މި މެޗުގައި ފެނިގެންދިއުމެވެ. ރާއްޖޭން ތިން ފަަހަރެއްގެ މަތިން ނަތީޖާ ހަމަހަމަކުރި ނަމަވެސް ލީޑެއް ނެގޭގޮތްނުވެ، މެޗުން ބަލިވީ އެވެ.

ނޮންތަބުރި ޕްރޮވިންސް ސްޓޭޑިއަމް އިންޑޯ ހޯލުގައި މިއަދު ކުޅުނު މެޗުގެ ފުރަތަމަ 10 ވަރަކަށް މިނިޓް ތެރޭ ލަންކާ އިން ވަނީ ތިން ލަނޑު ޖަހައިފަ އެވެ. މިއީ، ރާއްޖޭގެ ކުޅުންތެރިންނަށް ސަމާލުކަން ނުބެހެއްޓިގެން ކޮޅަށް ވަދެފައިވާ ގޯލުތަކެކެވެ. ފުރަތަމަ ލަނޑު ޖެހީ، އަމިއްލަ ހުސްކޮށް ހިފައިގެން އައި ބޯޅައެއް ގޯލަށް ފޮނުވާލައިގެން، އިމޭޝާ އެވެ. އޭގެ ފަހުން، އިމޭޝާ އާއި ތަރިދީ ވަނީ އިތުރު ގޯލުތަކެއް ލަންކާ އަށް ޖަހައިދީފަ އެވެ.

Advertisement

ރާއްޖޭގެ ފުރަތަމަ ލަނޑު ޖެހީ ބަދަލަކަށް ކުޅެން އެރި އަައިމިނަތު ފަޒްލާ އެވެ. އޭރިއާތެރެއިން ލިބުނު ފުރުސަތެއްގައި ފަޒްލާ ވަނީ ހަމަޖެހިލައިފައި ތިރިތިރިން ގޯލުގެ ތެރެއަށް ބޯޅަ ފޮނުވާލައިފަ އެވެ. ރާއްޖޭގެ ދެ ވަަނަ ލަނޑަކީ އައިމިނަތު ނޫރާ ނެގި ކޯނަރެއް ދިފާއުކުރަން އުޅުމުގެ ތެރޭގައި ލަންކާގެ ދިލާޝާ ވައްޑޫވާގޭ އަތުން ބައިކޮޅަށް ވަން ގޯލެކެވެ. އަދި، ރާއްޖެ އަށް އެއްވަރުކޮށްދިން ގޯލު ޖެހީ ކެޕްޓަން، ފާތިމަތު ޝާލިޔާ (ޝާ) އެވެ.

ފަހަތުން އަރައި ރާއްޖޭން އެއްވަަރުކުރި ނަމަވެސް ލަންކާ އިން ހާފު ނިންމާލީ އިތުރު ގޯލެއް ޖަހައި ލީޑުގައި އޮވެގެންނެވެ. މިއީ، އިމޭޝާ ދިން ބޯޅައަކުން ތަރިދީ ޖެހި ގޯލެކެވެ.

ދެ ވަނަ ހާފް ފަށައިގެން ހަ ވަނަ މިނިޓްގައި ޝާލިޔާ ތަނަވަސްކޮށްދިން ފުރުސަތެއްގައި ފަޒްލާ ވަނީ ރާއްޖެ އަށް އެއްވަަރުކޮށްދީފަ އެވެ. އެކަމަކު، އޭގެ މިނިޓެއް ފަހުން، ލަންކާގެ ދިލާޝާ ޖެހި ޝޮޓެއް ރާއްޖޭގެ ހައްވާ ހަނީފާ ފައިގައި ޖެހިފައި ބައިކޮޅަށް ވަދެ، ލަންކާ އިން އަލުން ލީޑުނެގި އެވެ. ރާއްޖޭން ހިތްވަރުކޮށްގެން އަނެއްކާ ވެސް އެއްވަރުކުރި އެވެ. މިއީ، ޝާލިޔާ ނެގި ކޯނަރެއް ދިފާއުކުރަން އުޅުމުގެ ތެރޭގައި، ލަންކާގެ ކީޕަރު، އަޝާނީ އަތުން ބައިކޮޅަށް ވަން ގޯލެކެވެ.

ރާއްޖޭން އެއްވަަރުކޮށް، ހަމަޖެހިނުލެވެނިސް ލަންކާ އިން ވަނީ އަނެއްކާ ވެސް ލަނޑެއް ޖަހައި، ލީޑުނަގައިފަ އެވެ. މި ލަނޑު އެ ޓީމަށް ޖަހައިދިނީ، ދިލާޝާ ދިން ބޯޅައަކުން އިމޭޝާ އެވެ. މި ލަނޑާ އެކު އިމޭޝާ ވަނީ ހެޓްރިކް ފުރިހަމަކޮށްފަ އެވެ. އޭގެ ފަހުން، އެއްވަރުކުރަން ޝާލިޔާ އަށް ލިބުނު ފުރުސަތެއްގައި ޖެހި ބޯޅަ ދިޔައީ ހުރަސްދަނޑިމަތިންނެވެ.

ލަންކާގެ ހަ ވަނަ ފައުލާ އެކު، ރާއްޖެ އަށް ލިބުނު ދުރު ޕެނަލްޓީ އަކުން ނޫރާ ފޮނުވާލި ބޯޅަ ދިޔައީ ހުރަސްދަނޑިމަތިންނެވެ. އޭގެ އިރުކޮޅެއް ފަހުން، ލަންކާގެ އެޓޭކެއް ހުއްޓުވަން އުޅުމުގެ ތެރޭގައި، ނޫރާ އަތުން ވަނީ ބައިކޮޅަށް ގޯލެއް ވަދެ، ލަންކާ އަށް ލީޑުފުޅާވެފަ އެވެ.

ލަންކާ އިން ހަތް ވަނަ ފަައުލެއް ކުރުމާ އެކު، ރާއްޖެ އަށް ދެ ވަނަ ދުރު ޕެނަލްޓީއެއް ލިބުނެވެ. އެ ޕެނަލްޓީ ރާނިޔާ އިބްރާހިމް ވަނީ ގޯލަށް ފޮނުވާލައިފަ އެވެ.

މި މެޗުން ބަލިވުމާ އެކު، ރާއްޖެ އަކީ މި މުބާރާުތުގައި މޮޅެއް ނުލިބި އޮތް ހަމައެކަނި ޓީމެވެ. ސާފް ވިމެންސް ފުޓްސަލް ޗެމްޕިއަންޝިޕްގައި ރާއްޖޭން ކުޅުނު ފުރަތަމަ މެޗުގައި އިންޑިއާ އަތުން 11-1 އިން ބަލިވިއިރު، ދެ ވަނަ މެޗުގައި ނޭޕާލުން 5-0 އިން ރާއްޖެ ބަލިކުރި އެވެ. ތިން ވަނަ މެޗުގައި ރާއްޖެ އަށް ޕާކިސްތާން އަތުން ނާކާމިޔާބުވީ 3-1 އިންނެވެ. އަދި، ލަންކާއާ ކުޅުމުގެ ކުރިން އެންމެ ފަހުން، ބޫޓާނާ ކުޅުނު މެޗުން ބަލިވީ 4-2 އިންނެވެ.

ރާއްޖެ އަށް އޮތް ފަހު މެޗަކީ، އާދިއްތަ ދުވަހު ބަންގްލަދޭޝާ ކުޅޭ މެޗެވެ. ބަންގްލަދޭޝް މި ވަގުތު އޮތީ ފަސް މެޗުން 13 ޕޮއިންޓާ އެކު އެއް ވަނައިގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox