މެންޗެސްޓާ ސިޓީ (ފެބްރުއަރީ 19) - އިނގިރޭސި ޕްރިމިއާ ލީގުގައި އެހެން ޓީމުތަކުން ހޯދާ ނަތީޖާތަކަށް މެންޗެސްޓާ ސިޓީން މާބޮޑު ސަމާލުކަމެއް ނުދޭ ކަމަށް އެ ޓީމުގެ ކޯޗު ޕެޕް ގާޑިއޯލާ ބުނެފި އެވެ.
އެންމެ ފަހުގެ ލީގު ޗެމްޕިއަން، ސިޓީ, ޕްރިމިއާ ލީގުގެ ތިންވަނައިގައި މި ވަގުތު އޮތީ ކުޅުނު 24 މެޗުން ލިބުނު 53 ޕޮއިންޓާއެކުގަ އެވެ. އެއް ވަނައިގައި އޮތް ލިވަޕޫލުން ވަނީ 25 މެޗު ކުޅެ 57 ޕޮއިންޓް ހޯދާފަ އެވެ. އަދި ދެ ވަނައިގައި އޮތް އާސެނަލަށް 25 މެޗުން 55 ޕޮއިންޓް ވަނީ ލިބިފަ އެވެ.
ގާޑިއޯލާ ބުނީ ލީގު ތައްޓައް ވާދަކުރާ ޓީމުތަކަކީ ކޮބާކަން އަދި ބުނަން ނޭނގޭނެ ކަމަށެވެ. \
މީގެ އިތުރުން، ލީގު ރޭހުގެ ވާހަކަ ދައްކަން މިއީ އެންމެ ރަނގަޅު ދަނޑިވަޅު ނޫން ކަމަށާއި, ލީގު އަދި ދެބައިވެސް ނުވާ ކަމަށް ގާޑިއޯލާ ބުނެފައިވެ އެވެ.
"ލީގު ރޭހުގެ ވާހަކަ ދައްކަން އެންމެ ރަނގަޅު ވާނީ ފަހު 10 ނުވަތަ އަށް މެޗަށްވީމަ އޭރަށް އަހަރެމެންނަށް ބުނަން އެނގޭނެ ލީގަށް ވާދަކުރާ ޓީމުތަކަކީ ކޮބާކަން" ގާޑިއޯލާ ބުންޏެވެ.
ގާޑިއޯލާ ބުނީ ސިޓީން މި ވަގުތު އެހެން ޓީމުތަކުން ލީގުގައި ޕާފޯމް ކުރާ ގޮތާމެދު ފޯކަސް ނުކުރާ ކަމަށެވެ. އޭގެ ބަދަލުގައި ސިޓީން ވިސްނަނީ ކުރިއަށް ކުޅެން ހުންނަ މެޗުތަކަށް ކަމަށް އޭނާ ވަނީ ބުނެފަ އެވެ.
މީގެ އަށް އަހަރު ކުރިން، ސިޓީއާ ހަވާލުވި ގާޑިއޯލާ ބުނީ އެހެން ޓީމުތަކެކޭ އެއްގޮތައް ސިޓީގައި ވެސް އަނިޔާގެ މައްސަލަ ކޮންމެސް ވަރަކަށް އެބަހުރި ކަމަށެވެ. އެކަމަކު އޭގެ އަސަރެއް ސިޓީން މާ މާބޮޑަށް ޓީމުން ނުފެންނާނެ ކަމަށެވެ.
މި ވަގުތު ޗެލްސީ އަށް ދިމާވެފައިވާ އެންމެ ބޮޑު މައްސަލަ އަކީ، ކައިރި ކައިރީ މެޗު ހުރުމުން ހުރި ދަތިތަކެވެ. އެކަމަކު، އޭގެއިން ފަހިވާ ކަމަކީ ގިނަ ކުޅުންތެރިންނަށް ކުޅުމު ފުރުސަތު ދެވުން ކަމަށްވާތީ، އޭގެއިން ވެސް ޕޮޒިޓިވް ވިސްނުމެއް ނަގާ ކަމަށް ގާޑިއޯލާގެ ވާހަކައިގައި ފާހަަގަކުރި އެވެ.
ސިޓީ އެންމެ ފަހުން ކުޅުނު މެޗުގައި އަމިއްލަ ދަނޑުގައި 1-1 އިން ޗެލްސީއާ އެއްވަރުވެ، އެ ޓީމުގެ މޮޅުވުމުގެ ސިލްސިލާ އަށް 11 މެޗަށް ފަހު ނިމުން އައީ އެވެ.
