ކޯޕަންހޭގަން (ޖެނުއަރީ 5) - މި އަހަރު ގަތަރުގައި އޮންނަ ފީފާ ވޯލްޑް ކަޕްގައި ޑެންމާކްގެ ގައުމީ ޓީމަށް ކުޅުމަކީ އަމާޒެއް ކަމަށް މިދިޔަ އަހަރުގެ އޮތް ޔޫރޯ ފުޓްބޯޅަ މުބާރާތުގެ މެޗެއްގެ ތެރެއިން ހާޓްއެޓޭކެއް ޖެހިގެން ދަނޑުން ބާލަންޖެހުނު ޑެންމާކްގެ މިޑްފީލްޑަރު ކްރިސްޓިއަން އެރިކްސަން ބުނެފި އެވެ.
މިދިޔަ އަހަރު އޮތް ޔޫރޯގެ ގުރޫޕް ސްޓޭޖު މެޗެއްގެ ތެރެއިން އެރިކްސަން ހާޓް އެޓޭކެއް ޖެހިގެން ދަނޑު މައްޗަށް ވެއްޓުމުން، އޭނާ ވަނީ ވަގުތުން ހޮސްޕިޓަލަށް ގެންގޮސްފަ އެވެ. ޓެސްޓްތަކަށް ފަހު އެނގުނީ އެރިކްސަންގެ ހިތަށް އިމްޕްލާންޓަބަލް ކާޑިއޮވާޓާ ޑެފިބްރިލޭޓާ (އައިސީޑީ) އެއް ލައްވަންޖެހޭ ކަމަށެވެ. އައިސީޑީ ލެއްވުމުގެ ސަބަބުން އޭނާ އަށް އިޓާލިއަން ލީގުގައި އިންޓަ މިލާނަށް ނުކުޅެވުނެވެ. އެހެންކަމުން ދެ ފަރާތުން އެއްބަސްވެގެން، މިދިޔަ މަހު ވަނީ ކޮންުޓުރެކްޓް ބާތިލްކޮށްފަ އެވެ.
އޭގެ ފަހުން، އެރިކްސަން އޭނާގެ ތަމްރީނުތައް ކުރިއަށް ގެންދަމުންދަނީ ޑެންމާކުގަ އެވެ.
އެރިކްސަން ބުނީ އޭނާގެ އަމާޒަކީ މި އަހަރުގެ ވޯލްޑް ކަޕްގައި ކުޅުން ކަމަށެވެ.
"އަހަރެން ބޭނުން ކުލެން. އެއީ އަމާޒެއް، ހުވަފެން،" އެރިކްސަން ބުންޏެވެ. "އަހަރެން ކުރިން ހުރި ލެވެލް އަށް ދެވޭނެ. ދެން ޓީމަށް ނެގުމާއި ނުނެގުމަކީ މުޅިން އެހެންކަމެއް،"
އެރިކްސަން ފަރިތަކުރަން ނިކުމެފައިވާއރު، އިނގިރޭސި ޕްރިމިއާ ލީގުގެ ކްލަބުތަކުން އޭނާ އަށް ޝައުގުވެރިކާކަމަށް މީޑިއާ ރިޕޯޓްތަކުން ބުނެ އެވެ.
ޓޮޓެންހަމް އަށް ކުިރން ކުޅުނު އެރިކްސަން ގެންނދަން ޕްރިމިއާ ލީގުގެ ބައެއް ކްލަބުތަކުން މަސައްކަތްކުރަމުންދާ ކަމަށް މީޑިއާ ރިޕޯޓްތަކުން ބުނެ އެވެ. -- ބީބީސީ
