އިއްޔެ ފެށި ބެޑްމިންޓަން މިކްސް ޗެމްޕިއަންޝިޕްގައި ކުޅުުނު ފުރަތަމަ މެޗުތަކުން ރިވައިވަލް ސްޕޯޓްސް ބެޑްމިންޓަން އެކެޑަމީ އާއި ކްލަބް ސްޓެޓިކް މޮޅުވެއްޖެ އެވެ.
މި ފަހަރުގެ މުބާރާތުގައި ޖުމްލަ ހަތް ޓީމު ވާދަކުރާނެ އެވެ. ގްރޫޕް އޭގައި އޮތީ ރިވައިވަލް އެކެޑަމީ އާއި ކްލަބް ސްޓެޓިކްގެ އިތުރުން އިންޑޯ ސްޕޯޓްސް ބެޑްމިންޓަން އެކެޑަމީ އާއި ބީއޭއެމް ޖޫނިއާ ނެޝަނަލް ޕޫލް އެވެ. ދެ ވަނަ ގްރޫޕްގައި އޮތީ އެންމެ ފަހުގެ ޗެމްޕިއަން ރިވައިވަލް ސްޕޯޓްސް، ދަ ގްރޫޕް ސްޕޯޓްސް އެކެޑަމީ އަދި ސީއެސް ސްޕޯޓްސް އެވެ.
ކުޅިވަރު އެކުވެނި ބެޑްމިންޓަން ކޯޓުގައި އިއްޔެ ހަވީރު ކުޅުނު މެޗުން ރިވައިވަލް އެކެޑަމީ ވަނީ އިންޑޯ ސްޕޯޓްސް އެކެޑަމީ އަތުން 12-5 ޕޮއިންޓުން މޮޅުވެފަ އެވެ. މެޗުގެ ފުރަތަމަ ފިރިހެން ޑަބަލްސްގައި ރިވައިވަލްގެ އަހުމަދު ތޯއިފް އާއި އިބްރާހިމް ރާޝިހު އާދަމްގެ ޕެއާ ވަނީ ދެ ސެޓު އެއް ސެޓުން އިންޑޯގެ މުހައްމަދު ޝަމީމް އާއި ޝިފާއު އަބްދުﷲ ބަލިކޮށްފަ އެވެ. ސެޓުތައް ދިޔައީ 15-08، 11-15 އަދި 8-11 އިންނެވެ.
ފުރަތަމަ އަންހެން ޑަބަލްސްގައި ރިވައިވަލްގެ ހައްވާ މުޒުނާ އާއި އަޒްމީލާ އިބްރާހިމްގެ ޕެއާ ވަނީ 13-15، 09-15 އިން އިންޑޯގެ އައިޝަތު ޔޫސުފް އާއި ފާތުމަތު އިމްތިޝާލް ބަލިކޮށްފަ އެވެ. ފުރަތަމަ މިކްސް ޑަބަލްސް އިވެންޓްގައި ރިވައިވަލްގެ ތޯއިފް އާއި ފިރުޝާނާ ނަސީރުގެ ޕެއާ ވަނީ 15-09، 15-10 އިން އިންޑޯގެ އިސްމާއިލް ޒުހުރީ އާއި ނީލާ އަހުމަދު ނަޖީބުގެ ޕެއާ ބަލިކޮށްފަ އެވެ. ދެ ވަނަ ފިރިހެން ޑަބަލްސް މެޗުގައި ރިވައިވަލްގެ އަހުމަދު ވަސީމް އާއި ހަސަން ރިޔާޒްގެ ޕެއާ ވަނީ 11-15، 14-15 އިން އިންޑޯގެ މުހައްމަދު އާކިފް އާއި ސުދާރަސަން ބަލިކޮށްފަ އެވެ.
ދެ ވަނަ ޑަބަލްސްގައި އިންޑޯގެ އައިމިނަތު ނަސީމާ އާއި ނީލާގެ ޕެއާ އަތުން ރިވައިވަލްގެ ފިރުޝާނާ އާއި އަޒްމީލާގެ ޕެއާ މޮޅުވީ ދެ ސެޓު އެއް ސެޓުންނެވެ. ސެޓުތައް ދިޔައީ 13-15، 15-11 އަދި 9-11 އިންނެވެ.
ދެ ވަނަ މިކްސް ޑަބަލްސްގައި ރިވައިވަލްގެ ރިޔާޒް އާއި ފާތިމަތު ޝީއަތު އިބްރާހިމްގެ ޕެއާ ވަނީ ދެ ސެޓު އެއް ސެޓުން އިންޑޯގެ ޝަމީމް އާއި ނަސީމާގެ ޕެއާ އަތުން ބަލިވެފަ އެވެ. ސެޓުތައް ދިޔައީ 08-15، 15-10 އަދި 11-06 އިންނެވެ. އަދި ތިން ވަނަ ފިރިހެން ޑަބަލްސްގައި އިންޑޯގެ އާކިފް އާއި ޔޫސުފް ނިޔާޒްގެ ޕެއާ ވަނީ 15-12، 15-08 އިން އިންޑޯގެ ވަސީމް އާއި އިބްރާހިމް ރާޝިހުގެ ޕެއާ ބަލިކޮށްފަ އެވެ.
މުބާރާތުގައި ރޭ ކުޅުނު މެޗުން ސްޓެޓިކުން ވަނީ ފަސޭހަކަމާ އެކު ބީއޭއެމް ޖޫނިއާ ނެޝަނަލް ޕޫލް ބަލިކޮށްފަ އެވެ. ފުރަތަމަ ފިރިހެން ޑަބަލްސް މެޗުގައި ސްޓެޓިކްގެ އާސިފް އާދަމް މަނިކާއި ހަސަން ނަސީމްގެ ޕެއާ ވަނީ 15-05، 15-05 އިން ބީއޭއެމްގެ މުހައްމަދު އުދައިޝް އާއި އައްޔޫބް އަޒްހަރު ބަލިކޮށްފަ އެވެ. ފުރަތަމަ އަންހެން ޑަބަލްސްގައި ސްޓެޓިކްގެ އައިޝަތު އަފްނާން ރަަޝީދާއި ސަފާތު އަހުމަދު ޒާހިރުގެ ޕެއާ ވަނީ 15-03، 15-02 އިން ބީއޭއެމްގެ އައިޝަތު ޒޯޔާ ހުސެއިން އާއި ޝުބާ މުހައްމަދު ޝަރީފްގެ ޕެއާ ބަލިކޮށްފަ އެވެ.
ފުރަތަމަ މިކްސް ޑަބަލްސްގައި ސްޓެޓިކްގެ ޖެހާން އާއި އާސިމާ މުހައްމަދުގެ ޕެއާ ވަނީ 15-13، 15-10 އިން ބީއޭއެމްގެ ހަސަން ޒަޔާން މުހައްމަދާއި ޒޯޔާގެ ޕެއާ ބަލިކޮށްފަ އެވެ. ދެ ވަނަ ފިރިހެން ޑަބަލްސްގައި ސްޓެޓިކްގެ އަހުމަދު ރައޫފް އާއި އަބްދުﷲ ޒުހުރީގެ ޕެއާ ވަނީ ދެ ސެޓު އެއް ސެޓުން ބީއޭއެމްގެ ޒަޔާން އާއި މުހައްމަދު ސާލިމް އަބްދުލް ސަމަދުގެ ޕެއާ ބަލިކޮށްފަ އެވެ. ސެޓުތައް ދިޔައީ 15-08، 13-15 އަދި 11-07 އިިންނެވެ.
ދެ ވަނަ އަންހެން ޑަބަލްސްގައި ސްޓެޓިކްގެ އައިޝަތު ޔުމްނާ އާއި އާމިރާ ދޮހުއްތު ވަނީ 15-12، 15-05 އިން ބީއޭއެމްގެ ޝައިބާ މުހައްމަދު ޝަރީފާއި ޝުބާ މުހައްމަދު ޝަރީފް ބަލިކޮށްފަ އެވެ. ދެ ވަނަ މިކްސް ޑަބަލްސްގައި ސްޓެޓިކްގެ މުހައްމަދު އަޖުފާން ރަޝީދާއި ލީނާ ހަމީދު ވަނީ 15-03، 15-07 އިން ބީއޭއެމްގެ ސާލިމް އާއި ޝައިބާގެ ޕެއާ ބަލިކޮށްފަ އެވެ. ފަހު ފިރިހެން ޑަބަލްސްގައި ސްޓެޓިކްގެ ތޯމަސް އެންތަނީ އާއި އަހުމަދު ވަސީމްގެ ޕެއާ ވަނީ 15-06، 15-02 އިން ބީއޭއެމްގެ ލިޔާހު އަބްދުލް ލަތީފާއި އައްޔޫބްގެ ޕެއާ ބަލިކޮށްފަ އެެވެ.
މުބާރާތުގައި މިއަދު ހަވީރު ރިވައިވަލް ކުޅޭނީ ސީއެސް ސްޕޯޓްސްއާ އެވެ. އަދި މިރޭ އިންޑޯ އިން ބީއޭއެމް ޖޫނިއާ ޓީމާ ކުޅޭނެ އެވެ.
