އޭއައި އާއި މެޓާވާސް އަދި ވީއާރްއާއެކު ގޭމް ކުޅުމަށް އަންނާނެ ބަދަލު

25 މާރިޗު 2025 - 05:13 0


އޭއައި އާއި މެޓާވާސް އަދި ވީއާރްއާއެކު ގޭމް ކުޅުމަށް އަންނާނެ ބަދަލު

25 މާރިޗު 2025 - 05:13 0

އާޓިފިޝަލް އިންޓެލިޖެންސް (އޭއައި) އާއި މެޓާވާސް އަދި ވާޗުއަލް ރިއަލިޓީ (ވީއާރް) ފަދަ އާ ޓެކްނޮލޮޖީތަކުގެ އެހީގައި ގޭމިން އަންނަނީ ކުރިއަރަމުންނެވެ. މި އިނޮވޭޝަންތަކުގެ ސަބަބުން ގޭމްތައް ކުޅުމުގެ ފޯރި އިތުރުވެގެން ދެއެވެ.

ގޭމިން ބަދަލުކުރުމަށް އޭއައި އިން އެހީތެރިވަނީ ކިހިނެއް؟

އޭއައި މެދުވެރިކޮށް ގޭމް ޑިވެލޮޕަރުންނަށް އިތުރު ރިއަލިސްޓިކް ތަޖުރިބާތަކެއް އުފެއްދުމަށް އެހީތެރިވެ އެވެ. ކުރިން ކޮމްޕިއުޓަރު ކޮންޓްރޯލް ކުރާ ކެރެކްޓާސް (އެންޕީސީ) އަށް ކުރެވެނީ މަދު ކަންކަން ނަމަވެސް މިހާރު އެ ކެރެކްޓާތަށް ދަސްކޮށް އެޑަޕްޓްވެ، ގޭމްޕްލޭ އިތުރަށް ފޯރިގަދަކޮށް އަދި މަޖާ ކޮށްލެވުއެވެ.

އޭއައި އަކީ ރިއަލިސްޓިކް ދުނިޔެއެއ، ކެރެކްޓާސް އަދި އެނިމޭޝަންތައް އުފައްދައިގެން ޑިވެލޮޕަރުންނަށް އަވަހަށް ގޭމްތައް ހަދުމަށް އެހީތެރިވެދޭ ޓެކްނޮލޮޖީއެކެވެ. ބައެއް އޭ-އައި ޕްރޮގްރާމްތަކުން އިން ގޭމް ހެލްޕަރުންގެ ގޮތުގައި ވެސް މަސައްކަތްކޮށް، ކުޅުންތެރިންނަށް ޓިޕްސް ދީ، ހުނަރު ރަނގަޅު ކުރުމަށް އެހީތެރިވެދެ އެވެ.

ގޭމިންގައި މެޓާވާސް އަކީ ކޮބާ؟

މެޓާވާސް އަކީ ޑިޖިޓަލް ދުނިޔެއެއް، އޮންލައިން އެވަޓާބޭނުންކޮށްގެން މުއާމަލާތްކޮށް، މަސައްކަތްކޮށް، ކުޅެވޭނެ ދުނިޔެއެކެވެ. ގޭމިންގައި މީގެ މާނައަކީ ކުޅުންތެރިންނަށް ވާޗުއަލް ސްޕޭސްތައް އެކްސްޕްލޯކޮށް، އެކަކު އަނެކަކާއި ޑިޖިޓަލީ ބައްދަލުބެ، އިން ގޭމް އިކޮނޮމީތައް މެދުވެރިކޮށް ވާރޗުއަލް ފައިސާ (ބިޓްކޮއިން ފަދަ) ވެސް ހޯދޭނެ އެވެ.

މެޓާ (ފޭސްބުކް) އަދި މައިކްރޮސޮފްޓް ފަދަ ކުންފުނިތަކުން މި ޓެކްނޮލޮޖީއަށް އިންވެސްޓް ކުރަނީ ތަފާތު ގޭމްތަކާއި ވާޗުއަލް ސްޕޭސްތައް ހިމެނޭ އިންޓަކަނެކްޓެޑް ގޭމިން އެކްސްޕީރިއަންސްތަކެއް އުފެއްދުމަށެވެ. މިކަމުގެ ސަބަބުން ކުޅުންތެރިން ގޭމްތަކުގެ މެދުގައި މެދުކެނޑުމެއް ނެތި ހިނގާބިނގާވެ، ޑިޖިޓަލް ދުނިޔޭގައި އެހެން މީހުންނާ މުއާމަލާތް ކުރާ މުސްތަގުބަލަކަށް މަގުފަހިވެދާނެ އެވެ.

ވާޗުއަލް ރިއަލިޓީއަކީ ކޮބާ؟

ވީއާރް ޓެކްނޮލޮޖީގެ އެހީގައި ހާއްސަ ހެޑްސެޓްތައް ބޭނުންކޮށްގެން ކުޅުންތެރިން ނަށް ގޭމުގެ ތެރެއަށް ވަނުމުގެ ފުރުސަތު ފަހިކޮށްދެ އެވެ. ސްކްރީނަކުން ގޭމެއް ބެލުމުގެ ބަދަލުގައި ވީ-އާރް ގެ ސަބަބުން ގޭމްގެ ދުނިޔޭގައި އުޅޭކަމުގެ އިހުސާސް ކުރެވެއެވެ. ފަހުގެ ކުރިއެރުންތަކުގެ ސަބަބުން ވީ-އާރު އިތުރަށް ހިތްހަމަޖެހޭ، ރިއަލިސްޓިކް އަދި ގިނަ މީހުންނަށް ބޭނުން ކުރެވޭ ގޮތް ވެއްޖެ އެވެ.

އެޕަލް، ސޮނީ އަދި މެޓާ ފަދަ ކުންފުނިތަކުން އަންނަނީ ވީ-އާރް ހެޑްސެޓްތައް އެންމެ ފަހުގެ ޓެކްނޮލޮޖީއާއެކު ލުއި، އަދި އަގުހެޔޮ ކުރުމަށް ޓަކައި އަބަދުވެސް މަސައްކަތް ކުރަމުންނެވެ. މިކަމުގެ ސަބަބުން ގޭމިންއަކީ އާންމު ދިރިއުޅުމާ އެއްވަރަށް ހަގީގީ އިހުސާސެއް ކުރެވޭ މުސްތަގުބަލަކަށް މަގުފަހިވެދާނެ ކަމެކެވެ.

މުސްތަގުބަލަކީ ކޮބައިހެއްޔެވެ؟

އޭއައި އާއި މެޓާވާސް އަދި ވީއާރް ކުރިއަރަމުން އަންނަ ވަރަކަށް ގޭމިން އިތުރަށް އިންޓަރެކްޓިވް ވެގެންދާނެ އެވެ. މި ކުރިއެރުންތަކުގެ ސަބަބުން ވާޗުއަލް ސްޕޭސްތަކުގައި މީހުން މަސައްކަތްކުރާ ގޮތާއި، ސޯޝަލްކޮށް، މުނިފޫހިފިލުވުމުގެ ގޮތްވެސް ބަދަލުވެދާނެއެވެ. ކޮންމެ އަހަރަކު ވެސް ޓެކްނޮލޮޖީ ރަނގަޅުވަމުން އަންނައިރު، ގޭމިންގެ މުސްތަގުބަލް ފެންނަނީ ކުރިއަށް ވުރެ އުޖާލާކޮށްނެވެ