ޔުވެންޓަަސް އިން ނުވަ މަސް ތެރޭ މޮޓާ ވަކިކޮށްފި، އާ ކޯޗަކީ ޓޫޑޯ

24 މާރިޗު 2025 - 03:50 0


ޔުވެންޓަަސް އިން ނުވަ މަސް ތެރޭ މޮޓާ ވަކިކޮށްފި، އާ ކޯޗަކީ ޓޫޑޯ

24 މާރިޗު 2025 - 03:50 0

ޓިއުރިން، ޔުވެންޓަސް (މާޗް 24) - މި ސީޒަނުގައި ޔުވެންޓަަސްގެ ކޯޗުކަމާ ހަވާލުވި ތިއާގޯ މޮޓާ، ނުވަ މަސް ތެރޭ މަގާމުން ވަކިކޮށް، އެ ޓީމުގެ ކޯޗަކަށް އީގޯ ޓޫޑޯ ހަމަޖައްސައިފި އެވެ.

ތިން އަހަރުގެ ކޮންޓްރެކްޓެއްގައި މި ސީޒަނުގައި ޔުވެންޓަސްގެ ކޯޗުކަމާ ހަވާލުވި މޮޓާ، 42، އަށް މި ސީޒަނުގައި ދިން ބައެއް ޓާގެޓްތަކަށް ވާސިލްނުވެވިދާއިރު، އެންމެ ފަހުން ޔުވެންޓަސް ކުޅުނު މެޗުތަކުގައި ވެސް އެ ޓީމުގެ ނަތީޖާތައް ދަށެވެ.

މޮޓާ، އެންމެ ފަހުން ޔުވެންޓަސް އަށް ކޯޗުކޮށްދިން މެޗަކީ، ފިއޮރެންޓީނާ ދަނޑުގައި 3-0 އިން ޔުވެންޓަސް ބަލިވި މެޗެވެ. އޭގެ ކުރިން، ހަފްތާގައި ޔުވެންޓަސް ވަނީ އަމިއްލަ ދަނޑުގައި އެޓަލަންޓާ އަތުން 4-0 އިން ބަލިވެފަ އެވެ.

ޔުވެންޓަސް ވަނީ ޗެމްޕިއަންސް ލީގުގެ ނޮކައުޓް ޕްލޭއޮފުން ކަޓައިފަ އެވެ. މިދިޔަ ސީޒަނުގައި ޔުވެންޓަސް ޗެމްޕިއަންކަން ހޯދި އިޓާލިއަން ކަޕުން ވެސް ވަނީ ކަޓައިފަ އެވެ. މި ހުރިހާ ކަމަކަށް ބަލައި، މޮޓާ ބަަދަލުކޮށް ސީޒަން ސަލާމަތްކުރަން ކޯޗު ބަދަލުކުރީ، އެވެ.

އަދި، ޔުވެންޓަސްއާ ގުޅުނު، ކްރޮއޭޝިއާ ގައުމީ ޓީމުގެ ކުރީގެ ކުޅުންތެރިޔާ، ޓޫޑޯ އަކީ އެ ޓީމަށް ކުރިން ކުޅުނު ކުޅުންތެރިއެކެވެ.

މި ސީޒަނުގެ ނިޔަލަށް ޓޫޑޯ، ޔުވެންޓަސްގެ ކޯޗުކަމާ ހަވާލުވިއިރު، އޭނާ ވަނީ އެ ޓީމަށް 1998 އިން 2007 އަށް ކުޅެފަ އެވެ.

އެ ގޮތުން، ޔުވެންޓަސް އަށް 150 މެޗު ކުޅެދިން ޓޫޑޯގެ ކޯޗިން ކެރިއަރަށް ބަލާއިރު، އޭނާ ވަނީ، ގަލަތަސަރާއި، މާސޭގެ އިތުރުން އިޓަލީގެ ދެ ކްލަބް ކަމަށްވާ އުދިނޭޒީ އާއި ވެރޯނާ އަދި ލާޒިއޯ އަށް ކޯޗުކޮށްދީފަ އެވެ. މިދިޔަ ސީޒަނުގެ ފަހު ތިން މަހުގައި އޭނާ ހުރީ ލާޒިއޯގަ އެވެ.