މެންޗެސްޓާ (ޖެނުއަރީ 28) - މެންޗެސްޓާ ޔުނައިޓެޑްގެ މިޑްފީލްޑަރު، ކަސެމީރޯ ސައުދީ އަރަބިއްޔާގެ ޕްރޮފެޝަނަލް ލީގުގެ ކްލަބް އަލް ނަސްރަށް ބަދަލުވުމުގެ ފުރުސަތު އެބައޮތް ކަމަށް ރިޕޯޓްތައް ބުނެފި އެވެ.
ކަސެމީރޯ މި ވަގުތު ޔުނައިޓެޑްގައި ހުރީ ސީޒަަނަކު 17 މިލިއަން ޑޮލަރަށެވެ. ރެެއާލް މެޑްރިޑަށް 80 މިލިއަން ޑޮލަރު ދައްކާފައި، ޔުނައިޓެޑުން ކަސެމީރޯ ގެނައީ 2022 ވަނަ އަހަރު އެވެ.
ޔުނައިޓެޑުން ކަސެމީރޯއާ އެކު ހަދާފައި އޮތް އެ އެއްބަސްވުން އޮތީ އަންނަ އަހަރުގެ ޖޫން މަހުގެ ނިޔަލަށެވެ. އެކަމަކު، ޔުނައިޓެޑުން ވިސްނަނީ، މި މަހުގެ ޓްރާންސްފާ ތެރޭގައި ނޫނީ މި ސީޒަން ނިމުމުން ރަނގަޅު ޑީލެއްގެ ތެެރެއިން ކަަސެމީރޯ ދޫކޮށްލުމަށެވެ.
ޔުނައިޓެޑުން ކަސެމީރޯ ވިއްކާލަން މަދުވެގެން 50 މިލިއަން ޑޮލަރަށް ޑިމާންޑްކުރާއިރު، އެ އަގު ދޭން ސައުދީ ޕްރޯ ލީގުގެ އަލް ނަސްރުން އޮތީ ތައްޔާރަށް ކަމަށް ރިޕޯޓްތައް ބުނެ އެވެ.
އަދި އަލް ނަސްރުން ވަނީ އެ ޓީމަށް ކުޅެމުން އައި އެންޑަސަން ޓަލިސްކާ ތުރުކީގެ ފެނަބާޗޭ އަށް ވިއްކާލަން ނިންމައި، ބިދޭސީ ކުޅުންތެރިއާގެ އެ ޖާގަ އަށް އާ ކުޅުންތެރިއަކު ހޯދުމުގެ މަސައްކަތް ފަށައިފަ އެވެ.
ރިޕޯޓްތައް ބުނާގޮތުން، ކަަސެމީރޯ އަލް ނަސްރަށް ގެންދަން އެންމެ ބާރު އަޅަނީ، އޭނާއާ އެކު، ރެއާލް މެޑްރިޑާއި މެންޗެސްޓާ ޔުނައިޓެޑަށް ކުޅުނު ޕޯޗުގީސް ތަރި، ކްރިސްޓިއާނޯ ރޮނާލްޑޯ އެވެ.
0.00%
0.00%
0.00%
100.00%
މި ލިޔުން ކިޔާލުމުން
މި ލިޔުމާ ގުޅޭ ލިޔުންތައް
Comment