ފިރިހެނުންނަށް ހާއްސަކޮށްގެން ހިދުމަތް ދެމުން އަންނަ "ދަ ބާބާ ސެލޫން" އަށް ދެ އަހަރު ފުރިގެން ކުރިއަށް ގެންދާ "ސްޕެންޑް އެންޑް ވިން" ޕްރޮމޯޝަންގެ ދަށުން އަގުހުރި އިނާމުތައް ހޯދުމުގެ ފުރުސަތު ހުޅުވާލައިފި އެވެ.

މި ހިނގާ ޖެނުއަރީ މަސް ނިމެންދެން ކުރިއަށްދާ އެ ޕްރޮމޯޝަންގައި 250ރ. ހަރަދުކޮށްގެން ބައިވެރިވެވޭއިރު، ލަކީޑްރޯގެ ތެރެއިން ނަސީބުވެރިން ހޮވަނީ ކޮންމެ ހަފްތާއަކު އެވެ.

ޕްރޮމޯޝަންގެ ދަށުން ކުރިއަށް އޮތް ތިން ހަފްތާގައި ދަ ބާބާގެ 1،500ރ. ގެ ގިފްޓް ކާޑު، މާޑޮކް ލަންޑަން ބްރޭންޑްގެ ކޮލޯން އަދި ސީ ސޯލްޓް ސްޕްރޭ ފުޅިއެއް ހޯދުމުގެ ފުރުސަތު އޮތީ ހުޅުވާލެވިފަ އެވެ.

ހުސްނުހީނާ މަގުގެ ގ. ޗޭނުގެއާގެ ފުރަތަމަ ފަންގިފިލާގައި ހުންނަ ދަ ބާބާއިން ދޭ ހިދުމަތްތަކުގެ ތެރޭގައި ބޯކޮށުމާއި، ބޯ ދޮވެދިނުމުގެ އިތުރުން ކުލަ ޖެއްސުމާއި، ތުނބުޅި ޓްރިމް ކުރުމާއި ބޭލުން ހިމެެނެ އެވެ. އަދި ކުޑަކުދިންގެ ބޯކޮށުމުގެ ހިދުމަތް ވެސް އެތަނުން ދެ އެވެ.

މީގެއިތުރުން މެނިކުއާ، އެކްސްޕްރެސް ޕެޑިކިއާ އަދި ސްޕާ މެޑިކިއާގެ ހިދުމަތް ވެސް ދަ ބާބާއިން ދެ އެވެ. އެތަނުން ދޭ ހިދުމަތްތަކަށް ކުރީބައިގައި 9403434 ނަންބަރަށް ގުޅައިގެން އަދި ވެބްސައިޓު މެދުވެރިކޮށް ކުރެވެ އެވެ.

ދަ ބާބާގެ ތަފާތު ކަމަކީ އެތަނުން ސާފުތާހިރު ކަމަށް ދޭ ސަމާލުކަމެވެ. އެގޮތުން އެ ތަނުން ކޮންމެ މީހަކަށް ވެސް ހިދުމަތް ދިނުމަށްފަހު، ހިދުމަތް ދޭ ތަކެތި ސްޓެރެލައިޒް ކުރެ އެވެ.

ދަ ބާބާއަކީ އިނގިރޭސިވިލާތުގައި ސެލޫން ހިންގާ ބްރޭންޑެއް ކަމަށްވާ މާޑަކް އާއި މޯގަންސްއާ ގުޅިގެން ހިންގާ ސެލޫންއެކެވެ. އަދި އެ ބްރޭންޑުގެ އުފެއްދުންތައް ދަ ބާބާއިން ލިބެން ހުންނައިރު، އެ އުފެއްދުންތައް ބާބާގެ ސޯޝަލް މީޑިއާ ހޭންޑްލްތަކުން އޯޑަރު ކުރުމުން ގެއާ ހިސާބަށް ޑެލިވާކޮށްދެ އެވެ.