މެލްބާން (ޖެނުއަރީ 6) - ބޯޑާ ގާވަސްކަރު ޓެސްޓް ސީރީސްގައި އިންޑިއާ 3-1 އިން ބަލިކޮށް އޮސްޓްރޭލިއާ އިން އައިސީސީ ވޯލްޑް ޓެސްޓް ޗެމްޕިއަންޝިޕް ފައިނަލުން ޖާގަ ހޯދައިފި އެވެ.

ފަސް މެޗު ސިރީސްގެ ފަހު މެޗުގައި އޮސްޓްރޭލިއާ އިން އިންޑިއާގެ މައްޗަށް ކުރިހޯދީ ހަ ވިކެޓުންނެވެ. މިއާ އެކު، އޮސްޓްރޭލިއާ އިން މި ވަނީ ޓެސްޓް ޗެމްޕިއަންޝިޕްގެ ފައިނަލުން ފުރުސަތު ހޯދައިފަ އެވެ. އަންނަ ޖޫން މަހު ކުޅޭ ފައިނަަލުގައި، އޮސްޓްރޭލިއާ އިން ބައްދަލުކުރާނީ ސައުތު އެފްރިކާއާ އެވެ.

މީގެ ފަސް އަހަރު ކުރިން، އިންޓަނޭޝަނަލް ކްރިކެޓް ކައުންސިލް (އައިސީސީ) އިން ވޯލްޑް ޓެސްޓް ޗެމްޕިިއަންޝިޕް އިއުލާނުކުރީ ޓެސްޓް ކްރިކެޓްގެ ރަސްމީކޮށް މުބާރާތެއްގެ ސިފައިގައި ކުރިއަށްދާ ގޮތަށް ފޯމެޓް ރާވައިފަ އެވެ. އެ ގޮތުން، ދެ އަހަރު ދުވަހަށް ޓެސްޓް ކްރިކެޓް މެޗުތައް ސީޒަނެއް ގޮތަށް ކުރިއަށްދާ ފޯމެޓަށް ރާވައި، އެވްރެޖް މެޗުތަކަށް ބަލާއިރު، އެންމެ ގިނަ ޕޮއިންޓް ހޯދާ ދެ ޓީމަކަށް ފައިނަލުން ފުރުސަތު ލިބޭނެ އެވެ.

ވޯލްޑް ޓެސްޓް ޗެމްޕިއަންޝިޕްގެ ދެ ފައިނަލެއް މީގެ ކުރިން ކުޅެފައިވާއިރު، 2019 އިން 2021 ވަނަ އަހަރުގެ ސީޒަނުގެ ފައިނަލުގައި އިންޑިއާ ވަނީ ނިއު ޒީލެންޑް އަތުން އަށް ވިކެޓުން ބަލިވެފަ އެވެ. އޮސްޓްރޭލިއާ އިން 2021 އިން 2023 ވަނަ ސީޒަނުގެ ޓެސްޓް ޗެމްޕިއަންޝިޕް ފައިނަލުގައި ވަނީ އިންޑިއާ އަތުން 209 ލަނޑުން މޮޅުވި އެވެ.

މިއީ، އިންޑިއާ އަށް ޓެސްޓް ޗެމްޕިއަންޝިޕްގެ ފައިނަލުން ޖާގަ ގެއްލުނު ފުރަތަމަ ފަހަރެވެ. އޮސްޓްރޭލިއާއާ ދެކޮޅަށް ބޯޑާ ގާވަސްކަރު ޓްރޮފީގައި އިންޑިއާ އިން ދެއްކި ކުޅުމާ އެކު، އެ ޓީމުގެ ކޯޗު ގޯތަމް ގަމްބީރު އަށް ވަނީ ޕްރެޝަރު ބޮޑުވެފަ އެވެ.