އޮސްޓްރޭލިއާ ކައިރީގައި އޮންނަ ޖަޒީރާ ގައުމެއް ކަމުގައިވާ ވަނުއާޓޫއަށް 7.4 މެގްނިޓިއުޑްގެ ބާރުގަދަ ބިންހެލުމެއް އައިސްފި އެވެ.

އެމެރިކާގެ ޖިއޮލޮޖިކަލް ސާވޭއިން ބުނީ އެ ބިންހެލުން އައީ ވަނުއާޓޫގެ ވެރިރަށް ޕޯޓް ވިލާގެ 37 ކިލޯމީޓަރު ދުރަށް ކަމަށެވެ.

ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންްނަ ގޮތުގައި ޕޯޓްވިލާގައި ހުރި އިމާރާތްތަކަށް ގެއްލުން ތަކެއްވިއިރު، އޭގެ ތެރޭގައި ގައުމުތަކުގެ އެމްބަސީތަައް ވެސް ހިމެނެ އެވެ. ނަމަވެސް މިހާތަނަށް ބިންހެލުމުގައި އެއްވެސް މީހަކު މަރުވި ކަމެއް ނުވަތަަ އަނިޔާއެއްވި ކަމެއް އެނގިފައެއް ނުވެ އެވެ.

ބިންހެލުމުގެ ސަބަބުން ވަނުއާޓޫގެ އިތުރުން ފިޖީ، ކާމެޑެކް އައިލެންޑްސް، ކްރިބާޓީ، ނިއު ކަލެޑޯނިއާ، ޕަޕުއާ ނިއު ގިނީ، ސޮލޮމަން އައިލެންޑްސް، ތުވާލޫ، ވާލީސް އަދި ފުޓޫނާއަށް ސުނާމީ އަރާނެ ކަމަށް ލަފާ ކުރި ނަމަވެސް، ފަހުން އެ އިންޒާރު ވަނީ ކެންސަލް ކޮށްފަ އެވެ.

ނަމަވެސް އޮސްޓްރޭލިއާގެ ބިއުރޯ އޮފް މީޓިއޮރޮލޮޖީން އަދި ނިއުޒިލެންޑުން ބުނީ ބިންހެލުމުގެ ސަބަބުން އެ ގައުމުތަކަށް ސުނާމީގެ އެއްވެސް ނުރައްކަލެއް ނެތް ކަމަށެވެ.