ދިރާގު ވިން އަ ސްޕީޑް ބޯޓް ޕްރޮމޯޝަންގައި ބައިވެރިވުމުގެ ފުރުސަތު މިރޭ 23:59 ގައި ހަމަވާނެ ކަމަށް ދިރާގުން ބުނެފި އެވެ.

މިދިޔަ ސެޕްޓެމްބަރު މަހު ދިރާގުން ލޯންޗުކުރި އެ ޕްރޮމޯޝަންގައި ކަސްޓަމަރުންގެ ތެރެއިން ނަސީބުވެރި ފަރާތަށް ދިނުމަށް ހަމަޖެހިފައި ވަނީ މެޖެލަން 32 ބޯޓަކާ އެކު ޔަމަހާ އައުޓްބޯޑް ދެ އިންޖީނު ލިބެ އެވެ.

ޕްރޮމޯޝަންގައި ދިރާގުގެ ހިދުމަތް މިހާރު ބޭނުން ކުރަމުންދާ ޕްރިޕެއިޑް، ޕޯސްޕެއިޑް އަދި ފައިބާ ބްރޯޑްބޭންޑް ކަސްޓަމަރުންނަށް ބައިވެރިވެވޭނެ އެވެ.

އެގޮތުން ޕްރިޕެއިޑް ޕްލޭންތަކަށް 400ރ. ނުވަތަ އެއަށްވުރެ މަތިން ރީޗާޖު ކުރާ ކަސްޓަމަރުންނާއި ޕޯސްޓްޕެއިޑް 400 އަދި ލިމިޓެއްނެތް ފައިބާ 40އެމްއަށް ވުރެ މަތީގެ ޕްލޭންތަކަށް ސަބްސްކްރައިބް ކުރާ ފަރާތްތަކަށް ޕްރޮމޯޝަންގައި ބައިވެރިވެވޭނެ އެވެ.

ޕްރޮމޯޝަންގައި ޕޯޓަލް މެދުވެރިކޮށް އެންރޯލް ކުރެވޭއިރު، ކޮންމެ ކަސްޓަމަރަކަށް ވެސް އެ ފަރާތެއްގެ ޝަރުތު ހަމަވާ ހުރިހާ ނަންބަރެއް އެންރޯލް ކުރެވެ އެވެ.

ދިރާގުގެ މެނޭޖާ، މާކެޓިންގް ކޮމިއުނިކޭޝަންސް، ހަސަން ޝާރިހް އާދަމް ވިދާޅުވީ ސްޕީޑް ބޯޓް ހޯދުމުގެ ފުރުސަތު އިތުރުކުރުމަށް ހުރިހާ ކަސްޓަމަރުން ވެސް އެފަރާތްތަކުގެ ޝަރުތު ހަމަވާ ހުރިހާ ޕޯސްޓްޕެއިޑް، ޕްރީޕެއިޑް އަދި ފައިބާ ބްރޯޑްބޭންޑް ނަންބަރުތައް އެންރޯލްކޮށްފައިވޭތޯ ބަލާލުމަކީ ވަރަށް ބޮޑު އިލްތިމާސެއް ކަމަށެވެ.

މި ޕްރޮމޯޝަންގެ ބޮޑު އިނާމުކަމުގައިވާ އަލް ޝާލީ މެރިން، މެޖެލަން 32 ސްޕީޑްބޯޓަކީ ރާއްޖޭގެ އެންމެ އިސް ސަފުގައި ހަރަކާތްތެރިވާ ބޯޓު އެފުއްދުންތެރިން ކަމުގައިވާ އަލް ޝާލީ މެރިން މޯލްޑިވްސްއިން ފަރުމާކޮށްފައިވާ ލޯންޗެކެވެ.

އެ ހައި ސްޕީޑް ލޯންޗާ އެކު މި ޕްރޮމޯޝަންގެ ނަސީބުވެރި ފަރާތަކަށް ޔަމަހާއިން ލޯންޗަށް ބޭނުންވާ 175 ހޯސްޕަވަރުގެ ދެ އައުޓްބޯޑް އިންޖީނުވެސް ލިބިގެންދާނެ އެވެ. ޔަމަހާއަކީ ރާއްޖޭގައި 50 އަހަރު ދުވަހުގެ ހިދުމަތުގެ ތަޖުރިބާ ލިބިފައިވާ، ދުނިޔޭގެ ނަން މަޝްހޫރު، އައުޓްބޯޑް އިންޖީނަށް ހާއްސަ ބްރޭންޑެކެވެ.