މެޑްރިޑް (ޑިސެމްބަރު 5) - ޕެނަލްޓީ ނުޖެހުން އެއީ ކުޅުންތެރިޔާގެ ޕާފޯމެންސް ދަށްވުން ނޫން ކަމަށާއި, ފްރާންސްގެ ތަރި ކީލިއަން އެމްބާޕޭ އަށް ފުރިހަމަ އަށް އިތުބާރު ކުރާ ކަމަށް ރެއާލް މެޑްރިޑްގެ ކޯޗު ކާލޯ އަންޗެލޮޓީ ބުނެފި އެވެ.

ހަފްތާ އެއްހާ ދުވަހުގެ ތެރޭގައި، އެމްބާޕޭ އަތުން ވަނީ ދެ ޕެނަލްޓީއެއް ނާކާމިޔާބުވެފަ އެވެ. އެއާއެކު ގިނަ ބަޔެއްގެ ފާޑުކިޔުން އެމްބާޕޭ އަށް ވަނީ އަމާޒުވެފަ އެވެ. އެކަމަކު، އެމްބާޕޭ ދިފާއުކޮށް ރެއާލްގެ ކޯޗު އަންޗެލޮޓީ ބުނީ, އެމްބާޕޭ އަކީ ކިހާ ފެންވަރެއްގެ ކުޅުންތެރިއެއްކަން އޭނާ ކިޔާދޭން ނުޖެހޭނެ ކަަމަށެވެ.

އަދި އެމްބާޕޭގެ ފޯމަށް މަޑުމަޑުން އެޅެމުން އަންނަ ކަމަށް އަންޗެލޮޓީ ބުނެފައިވެ އެވެ.

އެ ގޮތުން، އެމްބާޕޭ ވަނީ މިދިޔަ ހަފްތާގައި ޗެމްޕިއަންސް ލީގުގައި ލިވަޕޫލާ ދެކޮޅަށް ކުޅުނު މެޗުގައި ޕެނަލްޓީ އެއް ނާކާމިޔާބު ކޮށްލައިފަ އެވެ. އަދި ރޭ ރެއާލުން އެތުލެޓިކް ބިލްބާއޯ އަތުން 2-1 އިން ބަލިވި މެޗުގައި ރެއާލަށް ލިބުނު ޕެނަލްޓީ ވެސް އެމްބާޕޭ ޖެހިއިރު, އެ ޕެނަލްޓީ އެތުލެޓިކް ކްލަބްގެ ކީޕަރު، ޖުލެން އަގިރެއްޒަބަލާ ވަނީ މަތަކޮށްފަ އެވެ.

ރެއާލާ އެކު އެމްބާޕޭ އަށް އޭނާގެ ކުރީގެ ކުޅުން މިހާތަނަށް ދެއްކިފައިނުވި ނަމަވެސް ރެއާލްގެ މެނޭޖުމަންޓުން އެމްބާޕޭ އަށް އިތުބާރު ކުރާ ކަމަށް އޭނާ ވަނީ ބުނެފަ އެވެ. ލީގުގެ އެއް ވަނައިގައި 16 މެޗުން 37 ޕޮއިންޓާ އެކު ބާސެލޯނާ އޮތްއިރު، ދެ ވަނައިގައި އޮތް ރެއާލަށް 15 މެޗުން ވަނީ 33 ޕޮއިންޓް ލިބިފަ އެވެ.

ރޭގެ މެޗަށް ފަހު އެމްބާޕޭ އޭނާގެ ސޯޝަލް މީޑިއާގައި ބުނީ, މިއީ އިތުރު ހިތްވަރަކާއެކު ކުރިއަށްދާންވީ ވަގުތު ކަމުގައި ބުނެފަ އެވެ. އަދި ކުރިއަށް ހުރި މެޗުތަކުގައި ކުރިން ހުރި ފޯމަށް އައުމަށް މަސައްކަތް ކުރާނެ ކަމަށް އޭނާ ވަނީ ބުނެފަ އެވެ.

ރޭގެ މެޗުން ބިލްބާއޯ އަތުން ބަލިވުމުން ލީގުގެ އެއް ވަނަ އަށް އަރަން ރެއާލުން ކުރަމުން އަންނަ މަސައްކަތުގައި ވަނީ އުނދަގޫތަކެއް ކުރިމަތިވެފަ އެވެ. އެ ގޮތުން،