ބުރުޒު މަގު، ސިނަމާލެ ޕާކިން ޒޯނުގައި އޮތް ކާރެއްގައި މިދިޔަ ހޯމަ ދުވަހު ރޯކޮށްލި މައްސަލައިގައި ހައްޔަރުކުރި ދެ މީހުންނަށް ބަންދުގެ މުއްދަތުގެ ޖަހައިފި އެވެ.

މި މައްސަލައާ ގުޅޭގޮތުން މީޑިއާތަކަށް ފޮނުވި މެސެޖެއްގައި ފުލުހުން ބުނީ އެ މީހުންގެ ބަންދު 15 ދުވަހަށް އިތުރުކޮށްފައިވާ ކަމަށެވެ.

އެ މައްސަލައާ ގުޅިގެން ހައްޔަރުކުރީ މ. އަރާރަތްކުރި، ހާލިދު މަހްމޫދު، 35 އަދި އދ. މާމިގިލި، ބްލޫވިންޑް، ހަސަން ނަސީމް، 31 ކަމަށެވެ.

އެ ދެ މީހުން ހައްޔަރުކުރީ ކޯޓު އަމުރެއްގެ ދަށުން ކަމަށައި މައްސަލަ އިތުރަށް ތަހުގީގު ކުރަމުންދާ ކަމަށް ފުލުހުން ބުންޏެވެ.

މާލޭގައި ފާއިތުވެދިޔަ ހަފްތާއެއްހާ ދުވަސް ތެރޭގައި މާމާރާމާރީތައް އިތުރުވެފައިވާއިރު، މިހާތަނަށް ދެ ކާރެއްގައި ރޯކޮށްލައި ގެއްލުންތަކެއް ވެސް ވަނީ ދީފަ އެވެ.