ނުރަސްމީ ދަތުރެއްގައި ރައީސް ޑރ. މުހައްމަދު މުއިއްޒާއި އަނބިކަނބަލުން ސާޖިދާ މުހައްމަދު، އިނގިރޭސިވިލާތަށް ރޭ ފުރާވަޑައިގެންފިއެވެ.

މިއީ ވެރިކަމަށް ވަޑައިގަތުމަށް ފަހު އަމިއްލަ ދަތުރެއްގައި ރައީސް އިނގިރޭސި ވިލާތަށް ވަޑައިގަންނަވާ ފުރަތަމަ ފަހަރެވެ.

އެމަނިކުފާނާއި އަނބިކަނބަލުން އިނގިރޭސި ވިލާތަށް ވަޑައިގަންނަވަނީ ދަރިކަނބަލުން ޔަސްމީން މުހައްމަދު މުހައްމަދު މުއިއްޒު އަރިހަށެވެ. ޔަސްމީން ކިޔަވާ ވިދާޅުވާން ހުންނެވީ އެ ގައުމުގަ އެވެ.

ރައީސް މުއިއްޒު ވެސް ފުރަތަމަ ޑިގްރީ އާއި، މާސްޓާޒް އަދި ޕީއެޗްޑީ އަށް ކިޔަވައި ވިދާޅުވުވީ އިނގިރޭސި ވިލާތުގަ އެވެ.

ރައީސް އޮފީހުން ބުނި ގޮތުގައި މި ދަތުރުގެ ހުރިހާ ހަރަދެއް ކުރައްވާނީ ރައީސް އަމިއްލަ އަށެވެ. ސަރުކާރުން ހަރަދެއް ނުކުރާނެ އެވެ.