ހިތްގައިމު މަންޒަރެއް ފެންނަ ތަނެއްގައި އަގުހެޔޮކޮށް މެންދުރު ކެއުން އިންސާފުކޮށްލަން އާމިނާ ޕްރިމިއަމް ލައުންޖް (އޭޕީއެލް) އިން މިވަނީ ފިރިހެނުންނަށް ރަނގަޅު ފުރުސަތެއް ހުޅުވާލައިފަ އެވެ. ފިރިހެނުންގެ ދުވަހާ ދިމާކޮށް އެތަނުން މިވަނީ ފިރިހެނުންނަށް އެންމެ 100ރ. އަށް ބުފޭ އިންސާފުކޮށްލުމުގެ ފުރުސަތު ދީފަ އެވެ.

އާމިނާ ޕްރިމިއަމް ލައުންޖުން ބުނީ މެންދުރު 12:00 އިން ފެށިގެން މެންދުރުފަހު 15:00 ޖެހުމާ ހަމައަށް ބުފޭ ކުރިއަށްދާނެ ކަމަށެވެ. އަދި އެ ރެސްޓޯރަންޓުގެ އޯޕަން އޭރިއާ އަދި އޭސީ ބައިގައި ވެސް ކެއުން އިންސާފުކޮށްލެވޭނެ ކަމަށް އާމިނާއިން ބުނެ އެވެ.

ސަރުކާރުގެ މައި އޮފީސްތަކާއި އަމިއްލަ ގިނަ އޮފީސްތަކެއްގެ ހިމެނޭ ސަރަހައްދުގައި، އަމީރު އަހުމަދު މަގުގައި ހުންނަ އާމިނާ ޕްރިމިއަމް ލައުންޖުގައި އާދީއްތަ ދުވަހުން ފެށިގެން ބުރާސްފަތި ދުވަހާ ހަމައަށް ތައްޔާރުކޮށްފައި ހުންނަނީ ޝެފް ސްޕެޝަލް ބުފޭ އެކެވެ.

އާމިނާ ޕްރިމިއަމް ލައުންޖު: ހިތްގައިމު ވިއު އަކާ އެކު ހަމަ ޖެހިލައިގެން ކެއުން އިންސާފު ކޮށްލެވިދާނެ -- ފޮޓޯ: އާމިނާ ޕްރިމިއަމް ލައުންޖު

އާމިނާ ޕްރިމިއަމް ލައުންޖުގައި ރަޖިސްޓާ ކޮށްފައިވާ މެމްބަރުންނަށް ބިލުން ޑިސްކައުންޓު ލިބެ އެވެ. އަދި ގިނަ ބަޔަކު ދާ ނަމަ ހަ ވަނަ ފަރާތަށް ކެއުން ހިލޭ ލިބެ އެވެ.

އާމިނާ ޕްރިމިއަމް ލައުންޖުގައި ޕޫލް ކުޅުމާއި ކަރޯކޭ ވެސް ޖެއްސޭނެ އެވެ. ޕޫލް ކުޅެން އޮފް ޕީކް ގަޑިތަކުގައި ބައިގަޑިއިރަށް 55ރ. ނަގާއިރު، ކަރޯކޭގެ އަށް ގަޑިއިރަކަށް ނަގަނީ 250ރ. އެވެ.