ޒިއޯން މޯބައިލްސްގެ ފިހާރައެއް ފަޅާލައި އެތަނުން ވައްކަން ކުރިކަމުގެ ތުހުމަތުގައި 47 އަހަރުގެ ދިވެހި ފިރިހެނަކު ފުލުހުން ހައްޔަރުކޮށްފި އެވެ.

މީޑީއާތަކަށް ފުލުހުން ފޮނުވި މެސެޖެއްގައި ބުނީ އެ މައްސަލަ އާ ގުޅިގެން ހައްޔަރު ކޮށްފައި ވަނީ އަހުމަދު ނިޔާޒު، ފިނިރޯޅު، ހއ. މާރަންދޫ ކަމަށެވެ.

އޭނާ ހައްޔަރުކޮށް އޭނާ ގެންގުޅުނު ދަބަހެއް ބަލައި ފާސްކުރިއިރު ޒިއޯން މޯބައިލްސް އިން ގެއްލުނު ކަމަށް ބެލެވޭ ނުވަ ފޯނު އޭނާގެ ދަބަހުން ފެނުނު ކަމަށް ފުލުހުން ބުންޏެވެ.

އެ ފިހާރަ ފަޅާލައި ވައްކަން ކުރި މަންޒަރު ފެންނަ ވީޑިއޯ ސޯޝަލްމީޑިއާގައި މިހާރު ވަނީ އާންމުވެފަ އެވެ. އެ ވީޑީއޯއިން ފެންނަ ގޮތުގައި އެ ފިހާރަައިގެ ބިއްލޫރިގަނޑު ތަޅާލައި ފިހާރައިން ވައްކަން ކޮށްފައި ވަނީ ފިހާރަ ދޮރުމަތިން ވެސް އެތައް ބަޔަކު ދަތުރުކޮށް ހަދަނިކޮށެވެ.