ބޭންކް އޮފް މޯލްޑިވްސް އާއި ސްވިމިން އެސޯސިއޭޝަން އޮފް މޯލްޑިވްސް ގުޅިގެން ކުރިޔަށް ގެންދިޔަ ހަތް ވަނަ އިންޓަ ސްކޫލް ސްވިމިން ފެސްޓިވަލް ކާމިޔާބުކަމާއެކު ނިންމާލައިފި އެވެ.

ހުޅުމާލެ، އިންޑޯ ސްވިމިން ޕޫލްގައި ކުރިޔަށް ހަ ދުވަހަށް ގެންދިޔަ އެ ފެސްޓިވަލްގައި 23 ސްކޫލަކުން 485 ފެތުންތެރިން ބައިވެރިވެ، ހުނަރު ވަނީ ދައްކާލާފަ އެވެ.

އުމުރުން ހަ އަހަރާއި 10 އަހަރުގެ އުމުރުފުރާގެ ބައިވެރިން ވާދަކުރީ ފްރީސްޓައިލް، ފްލައި، ބެކްސްޓޯރޯކް ، ބްރެސްޓްސްޓްރޯކް އަދި އިންޑިވިޖުއަލް މެޑްލީ ރޭސް ފަދަ ތަފާތު އިވެންޓްތަކުގަ އެވެ.

ބީއެމްއެލް އިން ބުނީ އެ ފެސްޓިވަލްގެ މަގުސަދަކީ ކުޅިވަރުގައި ޒުވާނުންގެ ކުރިއެރުން ފާހަގަކޮށް، ޒުވާން އެތުލީޓުންނަށް ކުޅިވަރުގެ ފުރިހަމަ ގާބިލްކަން ހާސިލް ކުރުމަށް ބާރުއެޅުން ކަމަށެވެ.

އެ ފެސްޓިވަލްގެ ނިންމުމުގެ ރަސްމިއްޔާތުގައި ވަނަ ވަނަ އަށް ދިޔަ ދަރިވަރުންނަށް މެޑަލް ވަނީ ހަވާލުކޮށްފަ އެވެ.