މާލެ ސިޓީ ކައުންސިލުގެ ހުސްވެފައިވާ ތިން ގޮނޑި އާއި ކުޅުދުއްފުށީ ސިޓީ ކައުންސިލުގެ ހުސްވެފައިވާ ގޮނޑިއަށް މެމްބަރުން ހޮވަން ބޭއްވި އިންތިހާބު ވެރިކަންކުރާ ޕީއެންސީގެ ކެނޑިޑޭޓުން މިއަދު ކާމިޔާބުކޮށްފި އެވެ.

މިއަދު އޮތް މާލެ ސިޓީ ކައުންސިލް އިންތިހާބުގެ ތިން ގޮނޑި އާއި ކުޅުދުއްފުށީ ކައުންސިލްގެ ހުސްވެފައިވާ ގޮނޑީގެ އިންތިހާބު ވެސް ވެރިކަންކުރާ ޕީއެންސީން މިއަދު ކާމިޔާބުކޮށްފި އެވެ.

ކައުންސިލުތަކުން ހުސްވެފައިވާ ގޮނޑިތަކަށް މެމްބަރުން ހޮވަން ބޭއްވި ބައި-އިލެކްޝަންތަކުގައި އިންތިހާބުވީ:

• ފާތިމަތު އިޝާން އަލީ: މައްޗަންގޮޅި މެދު ދާއިރާ
• ފާތިމަތު ޝައުފާ: ހެންވޭރު ހުޅަނގު ދާއިރާ
• އަލީ އައިމަން: ހުޅުމާލެ ދާއިރާ
• އިބްރާހިމް އަހުމަދު: ކުޅުދުއްފުށީ ސިޓީ އުތުރު

އިލެކްޝަންސް ކޮމިޝަނުން އާންމުކޮށްފައިވާ ވަގުތީ ނަތީޖާ ޝީޓުތަކުން ދައްކާ ގޮތުގައި މި ހުރިހާ ގޮނޑިއެއް ޕީއެންސީން ކާމިޔާބުކުރީ ވާދަވެރިންގެ މައްޗަށް ބޮޑު އަގުލަބިއްޔަތަކުން ކުރި ހޯދައިގެންނެވެ.

މާލެ ސިޓީ ކައުންސިލުގެ ކޮންޓްރޯލު މިހާރު ވެސް އޮންނަނީ ޕީއެންސީގެ އެވެ. އެ ނޫން ޕާޓީއެއްގެ މެމްބަރުންނަށް ތިއްބަވަނީ މޭޔަރާއި އެންމެ ކައުންސިލު މެމްބަރެކެވެ.