އުމުރުން 13 އަހަރުގެ ކުއްޖާއަށް ޖިންސީ ގޯނާ ކުރި ކަމަށް ބެލެވޭ މީހާ ފިލައިގެން އުޅޭތީ އޭނާ ހޯދަން ފުލުހުން އިއުލާނުކޮށްފި އެވެ.

ކުޑަކުއްޖަކަށް ޖިންސީ ގޯނާ ކުރި މައްސަލަ ނޯތު ޕޮލިހަށް ހުށަހެޅީ މިދިޔަ އާދީއްތަ ދުވަހެވެ. އެ މައްސަލަ ފުލުހުން ތަހުގީގު ކުރަމުންދާ ކަމަށް ފުލުހުން ބުނެ އެވެ.

މި ނޫހަށް އެނގިފައިވާ ގޮތުގައި އެ މައްސަލައިގައި ތުހުމަތު ކުރެވޭ މީހާ އުޅެނީ ތަހުގީގީ އިދާރާތަކަށް ފިލައިގެންނެވެ. އޭނާ ހޯދަން މިއަދު ފުލުހުން ވަނީ އިއުލާނެއް ވެސް ކޮށްފަ އެވެ.

އަނިޔާ ލިބުނު ކުއްޖާގެ މައުލޫމާތު ސިއްރު ކުރަން އެ މައްސަލަ ހިނގި ރަށް ފުލުހުން ވަނީ ސިއްރުކޮށްފަ އެވެ.