ހުޅުމާލޭ ފޭސް އެކެއްގައި ހުންނަ ފްލެޓެއްގެ ތެރޭގައި މީހަކު ތޫނު އެއްޗަކުން މިރޭ ހަމަލާ ދީފި އެވެ.

މި މައްސަލައިގައި އަނިޔާވީ 51 އަހަރުގެ ދިވެހި އަންހެނަކަށެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނީ މި ކަމެއްގެ ރިޕޯޓު ފުލުހުންނަށް ލިބުނީ ހަވީރު 6:50 ހާއިރު ކަމަށެވެ. އޭނާއަށް އަންނަނީ ހުޅުމާލޭ ހޮސްޕިޓަލުގައި ފަރުވާ ދެމުން އަންނައިރު، ހާލު ސީރިއަސް ކަމަށް ޑޮކްޓަރުންނާ ހަވާލާދީ ފުލުހުން ބުނެފައި ވެ އެވެ.

މިހާތަނަށް ބެލި ބެލުމުން، ފުލުހުން ބުނި ގޮތުގައި، މިކަމެއް ހިނގީ އާއިލީ މައްސަލައެއްގައި އެވެ. ފުލުހުން އަންނަނީ މި މައްސަލަ އިތުރަށް ތަހުގީގު ކުރަމުންނެވެ.