އެލައިޑް އިންޝުއަރަންސް ކުންފުނީގެ އިސްލާމިކް ވިންޑޯ، އަޔާދީ ތަކާފުލްއިން ހޯމް ކޮންޓެންޓް ޕްލޭނެއް ނަގައިގެން ނަސީބުވެރި ފަރާތަކަށް 50 އިންޗްގެ ސްމާޓް ޓީވީއެއް ލިބޭ ހާއްސަ ޕްރޮމޯޝަނެއް ފަށައިފި އެވެ.

އަޔާދީ ތަކާފުލްއިން ބުނީ ކަސްޓަމަރުންނަށް ހާއްސަ ތިން ހޯމް ކޮންޓެންޓް ޕްލޭނުގެ ތެރެއިން، އެއް ޕްލޭން ގަތުމުން މި ޕްރޮމޯޝަނުގައި ބައިވެރިވެވޭނެ ކަމަށެވެ.

ހޯމް ކޮންޓެންޓް ޕްލޭންތައް

ހޯމް ކޮންޓެންޓް ތަކާފުލް: މި ޕްލޭނުގެ ދަށުން ގޭތެރޭގައި ހިފައިގެންގުޅޭ ތަކެތި ނުވަތަ، ބެލުމުގެ ދަށުގައި ތިބޭ ނޯކަރުން ފަދަ މީހުން ރައްކާތެރިކޮށްދެ އެވެ. އަދި ދިމާވާ ހާދިސާއަކާއި ގުޅިގެން ދިރިއުޅޭ ތަން މަރާމާތު ކުރުމަށްދާ ހަރަދު މި ޕްލޭނުން ކޮށްދޭނެ އެވެ.

އެގޮތުން, އަލިފާނުގެ ހާދިސާ، ވައްކަން، ރަށް ގިރުމުގެ ސަބަބުން ގެދޮރަށް ވާ ގެއްލުން، ފެން ބޮޑުވުން، މުޒާހަރާ އަދި ސިޔާސީ ހަމަނުޖެެމުގެ އިތުރުން ގަހެއް ވެއްޓިގެން ގެދޮރަށް ވާ ގެއްލުމުން އަރައިގަތުމަށް މިއީ ރަނގަޅު ޕްލޭނެކެވެ.

އަހަރެންގެ ހިޔާ: ހުޅުމާލެ ދެވަނަ ފިޔަވަހީގައި ހުން ހިޔާ ފްލެޓްތަކަށް ހާއްސަ މި ޕެކޭޖަކީ، ގޭތެރޭގައި ހިފާގެންގުޅޭ ސާމާނާއި ފަރުނީޗަރު ފަދަ އެހެނިހެން އަގުބޮޑު ތަކެތި ރައްކާކޮށްދޭ ޕެކޭޖެކެވެ.

އަހަރެންގެ ހިޔާ ޕެކޭޖުގައި ތިން ޕެލޭނެއް ހިމެނެ އެވެ. އެއީ ބޭސިކް، އެކްސެލް އަދި ޕްރިމިއަމް އެވެ. އެގޮތުން ބޭސިކް ޕްލޭނަށް މަހަކު 200 ރުފިޔާ ދައްކައިގެން އަހަރަކަށް 150،000 ރުފިޔާގެ ކަވަރޭޖް ލިބޭނެ އެވެ. އެކްސެލް ޕްލޭނަށް މަހަކު 300 ރުފިޔާ ދައްކައިގެން 250،000 ރުފިޔާގެ ކަވަރޭޖް ލިބޭނެ އެވެ. އަދި ޕްރިމިއަމް ޕްލޭނަށް މަހަކު 400 ރުފިޔާ ދައްކައިގެން 350،000 ރުފިޔާ އާ ހަމައަށް ކަވަރޭޖް ލިބޭނެ އެވެ.

އަހަރެންގެ ހިޔާ ޕެކޭޖަކީ އެއް އަހަރު ދުވަހުގެ އިސްލާމިކް އިންޝުއަރެންސް ޕެކޭޖެކެވެ.

ހިޔާވަހި: މި ޕެކޭޖަކީ ގޭތެރޭގެ މުދަލަށާއި ޒިންމާވާންޖެހޭ ފަދަ މުދާ އަދި ގޭގައި ދިރިއުޅޭ ނޯކަރުން އިންޝުއާކުރަން ހާއްސަ ޕެކޭޖެކެވެ.

މި ޕެކޭޖުގައި ޖުމުލަ ފަސް ޕްލޭނެއް ހިމެނެ އެވެ.

ބޭސިކް ޕްލޭން: މަހަކު 200ރ. ދައްކައިގެން އަހަރަކަށް 150،000ރ. ގެ ކަވަރޭޖް

އެކްސެލް ޕްލޭން: މަހަކު 300ރ. ދައްކައިގެން 250،000ރ. ގެ ކަވަރޭޖް

ޕްރިމިއަމް ޕްލޭން: މަހަކު 400ރ. ދައްކައިގެން 350،000ރ. އާ ހަމައަށް ކަވަރޭޖް

ޑެލަކްސް ޕްލޭން: މަހަކު 500ރ. ދައްކައިގެން 485،000ރ. އާ ހަމައަށް ކަވަރޭޖް

ލަގްޒަރީ ޕްލޭން: މަހަކު 600ރ. ދައްކައިގެން 650،000ރ. އާ ހަމައަށް ކަވަރޭޖް

މި ޕްލޭންތަކަށް އެ ކުންފުނީގެ ވެބްސައިޓް، އެޕް ނުވަތަ ޕޯޓަލް މެދުވެރިކޮށް އެދެވޭނެ ކަމަށް އެލައިޑުން ބުންޏެވެ. އަދި ޕްލޭން ގަތުމަށްފަހު، މި ޕްރޮމޯޝަނަށް ހާއްސަ ފޭސްބުކް ޕޯސްޓް ޝެއާކުރުމުން ޕްރޮމޯޝަނުގައި ބައިވެރިވެވޭނެ އެވެ.

ލަކީ ޑްރޯގައި ބައިވެރިވެވޭނީ އޮކްޓޯބަރު 10، އިން ފެށިގެން ނޮވެމްބަރު 10، އަކާ ހަމައަށް ޕްލޭންތައް ނަގާ ކަސްޓަމަރުންނަށެވެ.