މިރޭ މާލޭގައި ދަންޖެހުނު ދިވެހި ފުލުހަކު ސަލާމަތްކޮށް އައިޖީއެމްއެޗްގެ އައިސީޔޫގައި އޭނާ އަށް ފަރުވާ ދޭން ފަށައިފި އެވެ.

އެމީހާ ދަން ޖެހުނުކަން ފުލުހުން ކަށަވަރުކޮށް ދިން ނަމަވެސް އެހެން ތަފްސީލެއް ނުދެ އެވެ.

މި ނޫހަށް އެނގިފައިވާ ގޮތުގައި ދަން ޖެހުނީ ދެކުނުގެ ރަށަކަށް ނިސްބަތްވާ މީހެކެވެ. އޭނާގެ އަންބަކާއި ދެ ދަރިން ތިބެ އެވެ.

އެ އާއިލާ ދިރިއުޅޭ ކޮޓަރީގައި ދަންޖެހިފައި ހުއްޓައި ސަލާމަތްކުރީ އެ ފުލުސް މީހާގެ އަންހެނުންނަށް ފެނިގެންކަން، އެކަން އެނގޭ މި ނޫހަކު މި ނޫހަށް ކިޔައި ދިނެވެ.

"އޭނާ އެމްބިއުލާންސަށް އެރުވިއިރު ނޭވާލާ،" އެ ސަރަހައްދުގައި ހުރި މީހަކު ކިޔައި ދިނެވެ.

ނޭވާ ލައްވަން އެހީތެރިވެ ދިނުމަށްޓަކައި އެ މީހާ އޮތީ ވެންޓިލޭޓަރުގަ އެވެ.

މި މައްސަލަ ފުލުހުން ދަނީ ތަހުގީގުކުރަމުންނެވެ.