ދަރަނި ރިސްޓްރަކްޗާ ކުރާ ނަމަ މާކެޓަށް ފެންނާނީ ރާއްޖެ ބަނގުރޫޓްވާ ކަމަށް: އަމީރު

ފިނޭންސް މިނިސްޓަރު އިބްރާހީމް އަމީރު، މީގެ ކުރިން ބޭއްވި  މީޑިއާ ބްރީފިންއެއްގައި ވާހަކަ ދައްކަވަނީ. އޭނާ ވިދާޅުވީ ދަރަރި ރިސްޓްރަކްޗާ ކުރަންޏާ މާކެޓަށް ފެންނާނީ ރާއްޖެ ބަނގުރޫޓުވާތަން ކަމަށް.

ފިނޭންސް މިނިސްޓަރު އިބްރާހީމް އަމީރު، މީގެ ކުރިން ބޭއްވި މީޑިއާ ބްރީފިންއެއްގައި ވާހަކަ ދައްކަވަނީ. އޭނާ ވިދާޅުވީ ދަރަރި ރިސްޓްރަކްޗާ ކުރަންޏާ މާކެޓަށް ފެންނާނީ ރާއްޖެ ބަނގުރޫޓުވާތަން ކަމަށް.

ރާއްޖޭގެ ދަރަނި ރީސްޓްރަކްޗާ ކުރަން އުޅެފިނަމަ ބައިނަލް އަގުވާމީ ޑެޓް މާކެޓަށް ފެންނާނީ ރާއްޖެ "ޓެކްނިކަލް ޑިފޯލްޓް" އަކަށް ދާ ކަމަށް (ބަންގުރޫޓްވާ ހެން) ކަމަށް ފިނޭންސް މިނިސްޓަރު އިބްރާހީމް އަމީރު މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މާލިއްޔަތު ކޮމިޓީން މިއަދު ބޭއްވި ބައްދަލުވުމުގައި އެ ކޮމިޓީގެ މެމްބަރުންނަށް މައުލޫމާތު ދެއްވަމުން އަމީރު ވިދާޅުވީ ދަރަނި މެނޭޖްކުރަން ރާއްޖޭން މިހާރު އަމަލުކުރަމުން އަންނަ ގޮތްތައް، ދަރަނި ރީ ސްޓްރަކްޗާކުރުމަށް ވުރެ ރަނގަޅު ކަމަށެވެ. އޭނާ ވިދާޅުވި ގޮތުގައި ދަރަނި މެނޭޖްކުރަން ރާއްޖޭން ގެންގުޅެނީ "މާކެޓް ފްރެންޑްލީ" ގޮތް ތަކެކެވެ.

"ޑެޓް ރީ ސްޓްރަކްޗަރިން އެއް އެހެން ގޮތަކަށް ހިންގައިފި ނަމަ މާކެޓަށް ފެންނާނީ ވަރަށް ބޮޑަށް އަޅުގަނޑުމެން ޓެކްނިކަލް ޑިފޯލްޓަކަށް ދާ ގޮތަކަށް[ ބަންގުރޫޓުވުމާ ދިމާލަށް ދާގޮތަށް]،" އޭނާ ވިދާޅުވި އެވެ.

އޭގެ ބަދަލުގައި ސަރުކާރުން އަމަލުކުރި ގޮތުގެ ތަފްސީލު އަމީރު މިއަދު ވެސް ދެއްވި އެވެ. އެއީ ބައެއް ލޯނުތައް ދައްކަން ކުރިން ދީފައި އޮތް މުހުލަތަށް އަހަރުތަކެެއް އިތުރުކުރުމެވެ. މުހުލަތު އިތުރުކުރި އެއް ލޯނަކީ އޭނާ ވިދާޅުވި ގޮތުގައި އަންނަ އަހަރު އަނބުރާ ދައްކަން ފަށަށް ޖެހޭ ގޮތަށް އޭޑީއެފްޑީން ދީފައިވާ 100 މިލިޔަން ޑޮލަރުގެ ލޯނެކެވެ. އެ ލޯނަށް ތިން އަހަރު ދުވަސް އިތުރުކޮށްދީފައިވާ ކަމަށް އޭނާ ވިދާޅުވި އެވެ.

"އަދި 250 މިލިޔަން ޑޮލަރުގެ ޓްރެޒަރީ ބޮންޑަށް، އޭރުގެ ލައިބިލިޓީ މެނޭޖްމެންޓް އެކްސަސައިޒެއްގެ ތެރެއިން އަޅުގަނޑުމެން މިހާރު ވާނީ އިތުރު ފަސް އަހަރުދުވަސް ހޯދާފައި. އެއީ މާކެޓް ފްރެންޑްލީ ގޮތްތަކަކީ،" އަމީރު ވިދާޅުވި އެވެ.

ރީސްޓްރަކްޗާ ކުރެވޭނީ އައިއެމްއެފްގެ ޕްރޮގްރާމަކުން، ގެއްލުން ބޮޑުވާނެ

މިނިސްޓަރު ވިދާޅުވި ގޮތުގައި ދަރަނި ރިސްޓްރަކްޗާ ކުރަން ފުރަތަމަ ދެވޭނީ ވެސް އިންޓަނޭޝަނަލް މިނިޓަރީ ފަންޑް (އައިއެމްއެފް) ގެ ޕްރޮގްރާމެއްގެ ތެރެއިންނެވެ. އޭނާ އެވިދާޅުވި ފަދަ ޕްރޮގްރާމަކުން ދަރަނި މެނޭޖްކުރާ ނަމަ ޖެހޭނީ އައިއެމްއެފް އިން ކަނޑައަޅާ ގޮތްތަކަށް އިގުތިސާދީ ކަންތައްތައް ހަމަޖައްސާށެވެ.

"ނަތީޖާއަކަށް ވާނީ ރާއްޖޭގެ މާލީ ނިޒާމަށް [ބައިނަލް އަގުވާމީ މުޖުތަމައުގައި] އޮންނަ އިތުބާރު ގެއްލިގެން ދާނެ. ހަމަ އެކަނި ސަރުކާރަކަށް ނޫން، ރާއްޖޭގެ ޕްރަައިވެޓް ސެކްޓާއަށް ވެސް ލޯނު ދޭން ބޭރުގެ ފަރާތްތަކުން، ބޭންކްތަކުން ޖެހިލުންވާނެ، ނުދޭނެ،" އަމީރު ވިދާޅުވި އެވެ.

އެގޮތަށް ކަންތައް ކޮށްފިނަމަ ލޯނުގެ އިތުރުން ހިލޭ އެހީ ހޯދަން ވެސް ދަތިވާނެ ކަމަށާއި ކަރެންސްޕޮންޑެންޓް ބޭންކިން އަށް ވެސް އަސަަރުކުރާނެ ކަމަށް އޭނާ ވިދާޅުވި އެވެ. ކަރެސްޕޮޮންޑެންޓް ބޭންކްތަކަކީ އަކީ ރާއްޖޭގެ ބޭންކްތަކުގައި ހުންނަ ފައިސާ، އެހެން ގައުމުތަކުން ނެގުމާއި، ކާޑުން ވިޔަފާރި ކުރުން ފަދަ ކަންކަމުގައި މެދުވެރިއެއްގެ ދައުރު އަދާކުރާ ބޭންކްތަކެވެ.

"އަދި ދޭދޭ ގައުމުތަކާ އޮންނަ ވިޔަފާރިއަށް އަސަރުކުރާނެ،" އޭނާ ވިދާޅުވި އެވެ.

އޭގެ ބަދަލުގައި ސަރުކާރުން ބަލާފައި ވާނީ ވީހާވެސް މާކެޓް ފްރެންޑްލީކޮށް ދަރަނީގެ ކަންތައް ހަމަޖެއްސޭތޯ ކަމަށް ވެސް އަމީރު ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox