ކޮވިޑްގެ ހާލަތުގައި ކުރިއަށްދާން ކުޅުންތެރިން ކަންތައްތަކެއް ދަސްކޮށްފި

މާލޭގައި ކުރިއަށްދިޔަ ގައުމީ ޓީމުގެ ޓްރެއިނިންއެއްގެ ތެރެއިން ޓީމުގެ ކެޕްޓަން އަކުރަމް (ކ) އާއި ޑރ. ރާއްޕެ.-- ފޮޓޯ: އިބްރާހިމް ފާއިދު/އެފްއޭއެމް

މާލޭގައި ކުރިއަށްދިޔަ ގައުމީ ޓީމުގެ ޓްރެއިނިންއެއްގެ ތެރެއިން ޓީމުގެ ކެޕްޓަން އަކުރަމް (ކ) އާއި ޑރ. ރާއްޕެ.-- ފޮޓޯ: އިބްރާހިމް ފާއިދު/އެފްއޭއެމް

ގަތަރު، ދޯހާ (ސެޕްޓެމްބަރު 13) - ކޮވިޑް-19ގެ މި ހާލަތުގެ ތެރޭގައި ގައުމީ ޓީމުގެ ކުޅުންތެރިން ވެސް ކަންތައްތަކެއް ދަސްކޮށްފައިވާ ކަމަށާއި އޭގެ ނަތީޖާ ވެސް ފެންނަމުން އަންނަ ކަމަށް ގައުމީ ޓީމުގެ ޑޮކްޓަރު އަބްދުﷲ ރާފިއު (ރާއްޕެ) ބުނެފި އެވެ.

މިދިޔަ ޖުލައި މަހު ގައުމީ ޓީމުން ވޯލްޑް ކަޕް ކޮލިފައިން އަށް ތައްޔާރުވުމުގެ ތެރެއިން ދިމާވި އެންމެ ބޮޑު މައްސަލަ އަކީ މުހިއްމު ގިނަ ކުޅުންތެރިންތަކެއް ކޮވިޑަށް ޕޮޒިޓިވްވުމެވެ. އަދި ދުބާއީގައި ޓްރެއިނިން ކޭމްޕް ފުރިހަމަކުރަމުން ދަނިކޮށް ވެސް ގައުމީ ޓީމުން ޕޮޒިޓިވް ކޭސްތަކެއް ފެނި ބައެއް ކުޅުންތެރިންނަށް މެޗު ވެސް ގެއްލުނެވެ.

އަންނަ މަހު މާލޭގައި ކުޅެން ނިންމާފައިވާ ސާފް ޗެމްޕިއަންޝިޕްގެ ތާއްޔާރީތަކުގެ ތެރެއިން ގައުމީ ޓީމުގެ ހެޑް ކޯޗު އަލީ ސުޒޭން ޕޮޒިޓިވްވީ ގަތަރު ޓްރެއިނިން ކޭމްޕަށް ފުރުމުގެ ދެ ދުވަހެއް ކުރިންނެވެ. އޭގެ ފަހުން ގަތަރު ޓްރެއިނިން ކޭމްޕަށް ފުރުމުގެ ކުރިން ޓީމުގެ ކުޅުންތެރިންނާއި އޮފިޝަލުން ޕީސީއާރް ޓެސްޓް ހެދިއިރު، ހުރިހާ ކުޅުންތެރިންނާއި އޮފިޝަލުން ވަނީ ނެޓެޓިވްވެފަ އެވެ. އަދި ޓްރެއިނިން ކޭމްޕަށް ގަތަރަށް އައިސް ވެސް ހުރިހާ ކުޅުންތެރިންނާއި އޮފިޝަލުން ކުރި ޕީސީއާރް ޓެސްޓްތައް ވަނީ ނެގެޓިވްވެފަ އެވެ.

ރާއްޕެ ބުނީ މީގެއިން ދޭހަވާ ކަމަކީ ކުޅުންތެރިން ކޮވިޑްގެ ހާލަތުގައި އުޅެން ދަސްކުރަމުން އަންނަކަން ކަމަށެވެ. ކުޅުންތެރިންނަށް ދޭ މައުލޫމާތު އަޑުއަހަމުން އަންނަކަން ރާއްޕެ ފާހަގަކުރި އެވެ.

"ކުރީގެ ތަޖުރިބާ އަށް ބަލާފައި ކޮންމެ ފަހަރަކު ވެސް މި ދަނީ ޕްލޭޔަރުންނަށް އެޑިއުކޭޓް ކޮށްދެމުން (ކިޔައިދެމުން). މި ކަހަލަ އިންފެކްޝިއަސް ބަލިތަކުން ސަލާމަތްވާން. ގައިންގަޔަށް އަރާ ބަލިތަކުން ސަލާމަތްވާން. ހާއްސަކޮށް ކޮވިޑްގެ ދުވަސްވަރު މިކަމުން ސަލާމަތްވާން ނަގަން ޖެހޭ މެޝާސް (ފިޔަވަޅުތައް) ހުރިހާ ކުދިން ވެސް ދަސްކޮށްދެން. އޭގެ ނަތީޖާ އެއް މި ފެނުނީ،" ރާއްޕެ ބުންޏެވެ.

ރޭގެ ޓްރެއިނިން އަށް ފަހު ރާއްޕެ މީޑިއާއާ ވާހަކަ ދައްކަނީ.

ފާއިތުވި އަހަރުތަކުން ފެށިގެން ގަވާއިދުން ގައުމީ ޓީމުގެ ޑޮކްޓަރުގެ ރޯލު ފުރިހަމަ އަށް އަދާކުރަމުން އަންނަ ރާއްޕެ ބުނީ ގަތަަރު ކަހަލަ ގައުމަކަށް އައިސް ޓްރެއިން ހެދުމުގެ ވަރަށް ބޮޑު ބޭނުންތަކެއް އެބަހުރި ކަމަށެވެ. އޭނާ ފާހަގަކޮށްފައިވާ ކަންކަމަށް ބަލާއިރު، ޓްރެއިނިންގައި ކުޅުންތެރިން ފިޒިކަލީ އަދި މެންޓަލީ ތައްޔާރުވާން ފުރުސަތު އޮތީ ހުޅުވިފަކަމަށް ވަނީ ބުނެފަ އެވެ.

"އެ ކަމަށް ފޯކަސް ކޮށްގެން ގިނަ ކަންތައްތަކެއް އެބަކުރެވޭ އޭގެ ތެރޭގައި ޖިމް ސެޝަންތަކެއް ވެސް ކުރިއަށް އެބަދޭ. މިސާލަކަށް އެންޑިއުރަންސް އާއި ޕަވާ އަށް ވޯކްކުރުމާ މި ހުރިހާ ކަމެއް އެބަދޭ. ދެން މި އޮންނަ ޓްރެއިނިން ސެޝަންގައި ދޭން ޖެހޭ އިރުޝާދު ކޯޗުން ދެމުން އެ އަންނަނީ. މި ހުރިހާ ކަމެއް ބްލެންޑް ވެެގެން ބޭނުންވާ ހިސާބަށް ދެވޭނީ. ފޯކަސް ކޮށްގެން މި އަށް 100 ޕަސެންޓް ދެވޭނެ މާހައުލެއް މިއީ،" ރާއްޕެ ބުންޏެވެ.

މިއީ ރާއްޖޭގެ އޮފް ސީޒަން ދުވަސްކޮޅެވެ. އެކަމަކު، ގައުމީ ޓީމުގައި ހިމެނޭ ގިނަ ކުޅުންތެރިންނަކީ ދާދި ފަހުން މާލޭގައި ބޭއްވި އޭއެފްސީ ކަޕްގެ މެޗުތަކުގައި ކުޅެން އީގަލްސް އާއި މާޒިޔާއާ އެކު ޓްރެއިނިން ކުރިއަށް ގެންގޮސް މެޗު ވެސް ކުޅުނު ކުޅުންތެރިންނެވެ.

ސާފް ޗެމްޕިއަންޝިޕް ފެށެން މިހާރު ތިން ހަފްތާއެއްހާ ދުވަހަށް ވެފައިވާއިރު، މި ވަގުތު ކުރިއަށްދާ ޓްރެއިނިން ތަކުގެ އިންޓެންސިޓީ މަތިވާނެ އެވެ. ރާއްޕެ ބުނީ މިހާރު އެ ކުރަމުން އަންނަ ޓްރެއިނިން ތަަކަށް ބަލާއިރު މިހާތަނަށް ވެސް ކުރިއެރުން ފެންނަމުން އަންނަ ކަމަށެވެ.

"ފިޓްނަސް އަށް ބަލާއިރު އިމްޕްރޫވްވަމުން އަންނަނީ. ދެން އިންޓެންސިޓީ ވެސް މިހާރު މި ދަނީ ހައި ކުރަމުން. އިންޖަރީ އަށް ވެސް ބަލަމުން އިންޓެންސިޓީ ހައި ކުރަމުން މި ދަނީ. އިންޖަރީ ވުމުގެ ޗާންސް ހުންނާނެ. އެ ހުރިހާ ކަމަކަށް ބަލައިގެން ޓްރެއިނިން ކުރިއަށް ގެންދާއިރު ފެންނަނީ ވަރަށް ބޮޑަށް އިމްޕްރޫވް ވަމުން އަންނަތަން،" ރާއްޕެ ބުންޏެވެ.

މި މަހުގެ 28 ވަނަ ދުވަހުގެ ނިޔަލަށް ކުރިއަށް ގެންދާ ޓްރެއިނިން ކޭމްޕް ނިންމާލުމުގެ ކުރިން ތިން މެޗެއް ގައުމީ ޓީމުން ކުޅޭނެ އެވެ.

ފަސް ގައުމުގެ މެދުގައި މި ފަހަރުގެ ސާފް ޗެމްޕިއަންޝިޕް ކުރިއަށްދާނީ އަންނަ މަހު 1 އިން 16 އަށެވެ. ރާއްޖެ ކުޅޭ ފުރަތަމަ މެޗުގައި އަންނަ މަހުގެ އެއް ވަނަ ދުވަހު ބައްދަލުކުރާނީ ނޭޕާލާ އެވެ. ދެން މި ފަހަރުގެ މުބާރާތުގައި ކުޅެނީ ބަންގްލަދޭޝް، އިންޑިއާ އަދި ސްރީ ލަންކާ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox