ރާއްޖޭން ޗައިނާއާ ދެކޮޅަށް މެޗެއް ކުޅެނީ

Sep 13, 2026, 10:07 AM
މީގެ ކުރިން ވޯލްޑް ކަޕް ކޮލިފައިންގައި ރާއްޖެ އާއި ޗައިނާ އިން ބައްދަލުކުރި މެޗެއްގެ ތެރެއިން.

މީގެ ކުރިން ވޯލްޑް ކަޕް ކޮލިފައިންގައި ރާއްޖެ އާއި ޗައިނާ އިން ބައްދަލުކުރި މެޗެއްގެ ތެރެއިން.

ކުރިއަށް އޮތް ފީފާ އިންޓަނޭޝަނަލް ބްރޭކުގައި ރާއްޖޭން ޗައިނާއާ ދެކޮޅަށް މެޗެއް ކުޅޭ ގޮތަށް ހަމަޖެހިފައިވާ ކަމުގެ މައުލޫމާތު ލިބިއްޖެ އެވެ. 

"އަދަދު ސްޕޯޓްސް" އަށް އެނގިފައިވާ ގޮތުގައި މިއީ ޗައިނާ އިން ހަމަޖައްސާ މެޗެކެވެ. މީގެ ކުރިން، ޗައިނާ އިން ވަނީ ރާއްޖޭގެ ގައުމީ ފުޓްސަލް ޓީމުން މި އަހަރުގެ ސާފް ފުޓްސަލް މުބާރާތުގައި ވާދަކުރުމުގެ ކުރިން ޓްރެއިނިން ކޭމްޕެއް ހަމަޖައްސައިދީފަ އެވެ. 

ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން އިއުލާނުކޮށްފައިވާ ގޮތުގައި، ރާއްޖޭން ކުރިއަށް އޮތް ފީފާ ބްރޭކުގައި ކިރްގިސްތާނާއި ލެބަނަންއާ ދެކޮޅަށް މެޗުތަކެއް ކުޅޭނެ އެވެ. 

ފީފާ އިން ގައުމީ ޓީމުތަކަށް ދޭ ބްރޭކް އޮތީ މި މަހު، 21 އިން އަންނަ މަހު 6 ގެ ނިޔަލަށެވެ. ރާއްޖޭން ކިރްގިސްތާނާ ދެކޮޅަށް ކުޅޭނީ މި މަހު 28 ވަނަ ދުވަހު އެވެ. އަދި، ދެ ވަަނަ މެޗުގައި ލެބަނަންއާ ދެކޮޅަށް ނުކުންނާނީ އަންނަ މަހުގެ އެއް ވަަނަ ދުވަހު އެވެ. މި ދެ މެޗު ވެސް ކުޅެން ނިންމާފައި އޮތީ ކިރްގިސްތާންގެ ބިޝްކެކްގަ އެވެ. 

ފީފާ ބްރޭކުގައި ރާއްޖޭން ލެބަނަން އާއި ކިރްގިސްތާނާ ދެކޮޅަށް ކުޅެނީ

ކުރިއަށް އޮތް ފީފާ އިންޓަނޭޝަނަލް ބްރޭކުގައި، ކިރްގިސްތާނުގެ ބިޝްކެކްގައި އެ ގައުމާއި ލެބަނަންއާ ދެކޮޅަށް އެކުވެރިކަމުގެ މެޗުތަކެއް ކުޅުމަށް ރާއްޖޭގެ ގައުމީ ފުޓްބޯޅަ ޓީމުން ވަނީ ނިންމާފައި. މި މެޗުތައް ކުޅުމަށް ހަމަޖެހިފައިވަނީ މި މަހުގެ 28 އާއި އަންނަ މަހުގެ 1 ވަނަ ދުވަހު ކަމަށް އެފްއޭއެމް އިން ބުނޭ

މިހާރު ރޭވިފައި އޮތް ގޮތުން، ޗައިނާއާ ދެކޮޅަށް ކުޅޭ މެޗު ތާވަލުކުރަނީ ކިރްގިސްތާނާއި ލެބަނަން މެޗުގެ ކުރިންނެވެ. 

އެފްއޭއެމް އިން އެންމެ ފުރަތަަމަ ހިއްސާކުރި، ދިރާގު ދިވެހި ޕްރިމިއާ ލީގުގެ ޝެޑިއުލްގައިވާ ގޮތުން، ގައުމީ ޓީމުގެ ބްރޭކު އޮތީ މި މަހުގެ 25 އިން ފެށިގެން އަންނަ މަހުގެ އަށް ވަނަ ދުވަހުގެ ނިޔަލަށެވެ. އެކަމަކު، ފަހުން ގެނައި ބަދަލާ އެކު، ޗައިނާ މެޗަށް ވެސް ޖާގަ ދިނުމުގެ ގޮތުން، ގައުމީ ޓީމުގެ ބްރޭކް ވަނީ މި މަހު 21 އިން އަންނަ މަހުގެ 8 އަށް ބަދަލުކޮށްފަ އެވެ. 

ރާއްޖޭން މިހާތަނަށް ޗައިނާއާ ދެކޮޅަށް ކުޅުނު ހަ މެޗުން ވެސް ވަނީ ބަލިވެފަ އެވެ. އެންމެ ފަހުން، މި ދެ ޓީމު ބައްދަލުކުރި މެޗަކީ، ވޯލްޑް ކަޕް ކޮލިފައިން މެޗެއްގައި 2021 ވަނަ އަހަރު އެވެ. އެ މެޗުން ޗައިނާ ވަނީ 5-0 އިން މޮޅުވެފަ އެވެ. 

ރާއްޖޭން ވަނީ މީގެ ކުރިން ކިރްގިސްތާނާ ދެކޮޅަށް ކުޅުނު ހަތަރު މެޗުގެ ތެރެއިން ދެ މެޗުން މޮޅުވެފަ އެވެ. އެންމެ ފަހުން މި ދެ ޓީމުން ބައްދަލުކުރީ 2014 ވަނަ އަހަރު ރާއްޖޭގައި ބޭއްވި އޭއެފްސީ ޗެލެންޖު ކަޕްގެ ގްރޫޕް ސްޓޭޖުގަ އެވެ. އެ މެޗުން ކިރްގިސްތާން އަތުން 2-0 އިން ރާއްޖެ މޮޅުވިއިރު، ދެ ލަނޑު ޖެހީ ވެސް އަލީ އަޝްފާގު (ދަގަނޑޭ) އެވެ. އޭގެ ކުރިން، 2011 ވަނަ އަަހަރުގެ އެކުވެރިކަމުގެ މެޗެއްގައި ރާއްޖޭން ކިރްގިސްތާން އަތުން 2-1 އިން މޮޅުވި އެވެ. އޭގެ ކުރިން، 1997 ވަނަ އަހަރު ރާއްޖެ އަތުން ކިރްގިސްތާން ވަނީ 3-0 އާއި 6-0 އިން މޮޅުވެފަ އެވެ. 

ލެބަނަން އިން ވަނީ މިހާތަނަށް ރާއްޖެއާ ކުޅުނު ފަސް މެޗުން ވެސް މޮޅުވެފަ އެވެ. އެންމެ ފަހުން، ލެބަނަން އިން ރާއްޖެއާ ކުޅުނީ 2023 ވަނަ އަހަރު އިންޑިއާގެ ބެންގަލޫރުގައި ބޭއްވި ސާފް ޗެމްޕިއަންޝިޕްގެ ގްރޫޕް ސްޓޭޖުގަ އެވެ. ލެބަނަން އިން ވަނީ އެ މެޗުގައި ރާއްޖެ އަތުން 1-0 އިން މޮޅުވެފަ އެވެ. 

އިސްތަވާން އުރްބާނީގެ ކޯޗުކަމުގައި ކުޅެމުން އަންނަ ރާއްޖެ އަށް ދެން އެންމެ އަވަހަށް އޮތް މުބާރާތަކީ، ނޮވެމްބަރު މަހު ބަންގްލަދޭޝްގެ ޑާކާގައި ބާއްވާ ސާފް ޗެމްޕިއަންޝިޕް ފުޓްބޯޅަ މުބާރާތެވެ. އެ މުބާރާތުގަައި ރާއްޖެ ހިމެނެނީ އިންޑިއާ އާއި ޕާކިސްތާނާ އެއް ގްރޫޕެއްގަ އެވެ. ޕާކިސްތާނުން ކުރިއަށް އޮތް ފީފާ ބްރޭކުގައި ފީފާ އާސިއާން ކަޕްގައި ކުޅޭނެ އެވެ. އިންޑިއާ އިން ވަނީ އަމިއްލަ ގައުމުގައި އެކުވެރިކަމުގެ ތިން މެޗު ހަމަޖައްސައިފަ އެވެ. އެއީ، ޕެނަމާ، ބްރެޒިލް އަދި އުރުގުއޭއާ ދެކޮޅަށެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox